錫仔記泰越粉麵 馬鞍山

錫仔記泰越粉麵 評價 相片

鍚仔記一向都係我地的至愛～　經常去食．不過佢唔係成日開，　好多時晚上去都收左佢好多野都好好食，　最常食的係佢既米粉餐，一個粉／河／米線＋小食都係３０＋我同老婆２個人都會食貢丸米線＋串燒再加多個是日午飯餐，　貢丸米線＋串燒佢ｄ沙嗲汁好野味，　串燒又即燒，正正正，　貢丸又香，米線又大碗佢ｄ牛油雞翼同春卷都好正，即炸豬頸肉都好食豬軟骨就唔得，　一ｄ都唔軟不過總括，好多野都好好食服務都好好，　不停同你加茶，　佢ｄ菊花茶都好香好好飲～！

錫仔記，我同老公由拍拖到結咗婚，大大話話都食左差唔多有4、5年啦﹗由以前住係馬鞍山可以成日去，到依家搬咗去上水，都仲會間中特登去食，最大的原因係超級掛住佢的香茅鴨﹗其實我本身並唔係太好香茅味，但呢度的香茅鴨，唔單止有香茅味，重有好香、好濃的鴨味。

中意食鴨的朋友，一定知道鴨係有一種獨特的香味的，呢度的香茅鴨，就將鴨本身的香味，同香茅的香味混合好洽當，你中有我，我中有你，啱啱好，勁正﹗所以次次去錫仔記，我都係食香茅鴨配雜菌金邊粉套餐，30幾蚊，有一碟香茅鴨，一碗雜菌金邊粉，一杯飲品，另外加5蚊有碟油菜。

飲品我次次都係飲青檸水，貪佢夠清新。

另外，佢係免費提供菊花茶的，細細杯，仲會不停咁加俾你。

另外一定每次都食的就係燒雞全翼 (10蚊)，呢個餐牌好似冇寫，但係我同老公次次都留肚，每人叫兩隻。

雞翼用木簽串起，即叫即燒，皮脆肉多汁，熱辣辣﹗我係唔食雞皮的人，除非啲雞皮燒得or生炸得冇晒油同埋好脆，咁我先會食，錫仔記的燒雞翼就正合我心意啦﹗由於幾乎次次都係食呢兩樣嘢，反而其他豬呀、牛呀果啲就冇乜試過，印象中係普普通通啦﹗錫仔記的地方係超細，所以好多人叫外賣，但係有一樣好，就係佢果兩張卡位，係會俾你兩個人，一人坐一邊的，佢哋唔會逼你兩個人坐一邊，然後對面搭另外的食客﹗

之前去過這度一次，都唔會有下次，我地叫了一碗扎肉雞絲河同埋一碗香茅豬扒凍檬，咁碗扎肉雞絲河來了先，咁我地次次食都會試一試個湯底先，點知一試就好咸，咁試下食啖河粉，點知一樣咁咸，所以要問佢拿多碗熱水，過水食，碗湯又咸又重味精，食完一啖要不停飲o野，d 雞絲又唔滑，扎肉有d 辣。

到個香茅豬扒凍檬來，塊豬扒"鞋"到食唔到，d 魚露又係得個辣字，都唔係酸酸地開胃呀!不過這間好得意，一間泰越餐廳，竟然會有公仔麵食，現在唔知有冇呀!這間真係算一間最難食的餐廳係馬鞍山。

我地一定唔會再去呀!

馬鞍山市中心算是好吃的其中一間(其實已經唔係好多閒).下午想吃過tea,行了市中心一個圈,還是提不起勁行進任何一间商塲內菜館...!全部都是千篇一律,集團式經營.(大型商塲無有水準的食物已是不可改变的事情) 渡步和迷失間又走到了這家算是可以的食店.叫了一個teasetaround $30 左右(因為唔係好記得) 雞翼是即炸的(沒有放進湯中) egg有旦味 面是放煲中煮的 湯底有味(還有芽菜) 基本工夫做足,不偷工減料 Tea Drink is OK環境算是最差的了(太迫,一個人吃還可以)ServiceOK

昨晚為了睇德國對意大利，所以特登夜少少食晚飯。

我好少嚮我屋企附近食飯，所以都係求求其其就舂入去呢間食肆。

我嗌左個春卷撈檬，再加三枝雞串燒同涼粉冰。

雞串燒就真係麻麻地，因為用雪藏雞既關係，完全冇雞味。

不過春卷就十分好食，佢地唔係用普通既春卷皮，而係用左類似用米餅既用料。

(如有高人，請指教那是什麼東西) 餡料有芋頭同瘦肉，香口之餘又唔會太過油膩，最適合夜晚食，唔駛食得太滯。

涼粉冰裡面既涼粉好爽口，係屬於上品。

不過淡奶就落得略嫌過火，有D溜。

舖位面積好細，唔適宜堂食，外賣可能會較合適。

價錢一般。

錫仔記泰越粉麵餐單提供泰國菜等推介美食位於馬鞍山區，餐廳座位數10人均消費約$50以下，結賬可以用現金。

您對於馬鞍山餐廳「錫仔記泰越粉麵」有何 comment？

錫仔記泰越粉麵餐廳詳細資料：

• 錫仔記泰越粉麵地址:
  馬鞍山馬鞍山福安花園商場地下5舖
  Sik Chai Kee,  
• 錫仔記泰越粉麵電話:  
• 錫仔記泰越粉麵價錢: $50以下
• 分類: 泰國菜
• 座位: 10
• 付款: 現金
• FB專頁: 錫仔記泰越粉麵 Facebook

更多錫仔記泰越粉麵相關資料:

• 錫仔記泰越粉麵分店
• Youtube
• Facebook
• Twitter
• Google