一鍋烽 馬鞍山
最後更新:
一鍋烽推介
火鍋店提供任飲任食的套餐，包括美國特級肥牛套餐、澳洲M6和牛套餐等。火鍋材料超過30多款，而湯底選擇亦十分豐富，湯底包括羅宋牛肋湯、豆乳鮮雞湯、御膳人參湯等。
馬鞍山一鍋烽
| 餐廳分店 | 一鍋烽 |
|---|---|
| 地區 | 馬鞍山 |
| 電話訂位 | 26901893 |
| 餐單 Menu | 台灣菜, 火鍋 |
| 人氣指數 | 736 |
| 價錢幾錢 | $201-400 |
一鍋烽訂位位於馬鞍山區，詳細地址是馬鞍山保泰街16號WeGoMall2樓208號舖，餐廳寬敞座位數目共有260個。一鍋烽幾錢？價錢優惠後人均消費大約$201-400埋單，早餐午餐晚餐一鍋烽餐單包括有台灣菜, 火鍋等美食，付款方式有Visa,Master,現金付款，Booking網上訂位可以電話致電 26901893 查詢訂座。
一鍋烽優惠
一鍋烽 評價 相片
之前喺土瓜灣曾經有間同名嘅餐廳，算是間私房菜吧，餐廳去年已經結業，一直在心裏也想有機會再吃到，不過可惜師傅已經退休，再吃到的機會像剛剛開的六合彩機會一樣渺茫。
朋友約的飯局，在短訊看到的餐廳名字竟相同，心想唔通有奇蹟出現。
點知原來係一間新開的打邊爐鋪頭，而且地點不是土瓜灣，而在眾人口中嘅美食沙漠，馬鞍山。
這個地方，我完全唔熟悉，朋友約好晒又安排好，去吃就是，不用煩。
這個We go mall，喺Google睇相以為係一個好靚嘅商場，不過原來商場入面嘅野同我想睇到嘅有少少出入。
不過最緊要都係野好食，個商場點靚都好，間餐廳一定要好食。
有多種不同的鍋可以給你選擇，有而家最流行嘅麻辣鍋，有最多女士嗌嘅美人鍋，又有港式胡椒豬肚湯，亦都有好多人追求嘅養生鍋。
我叫了最多人選擇的美人鍋同麻辣鍋，兩個湯底都係可以俾你先飲為敬，我特別喜歡麻辣火鍋，因為佢有台式麻辣嘅水準。
麻辣嘅豆腐同鴨血都唔錯，話好食過台灣就係呃你嘅，以香港水平可以，不過，冇得任吃就有點失望。
美人則有大大隻烏雞。
上次吃湊湊就任食，當然價錢是另一回事。
我們大部份都是海鮮迷，當然一定要嗌海鮮拼盤，海鮮拼盤選擇不少，又蝦又鮑魚又帶子，特別喜歡新鮮非常的蟶子，我哋想再encore，都冇得再點。
美國桶蠔非常大隻，而且價錢好抵食，配美人鍋一流。
雖然冇叫到蟶子，但係仲有鮑魚供應，當然要一隻一隻。
牛肉絕對不錯，當晚叫咗前後兩碟，質素都非常平均，高質量，不似有啲火鍋店，第一碟好靚，第二碟就係另一件事。
另外，餐廳嘅餃類同丸類都好有水準，不過價錢就有點貴。
老婆最愛的鱔片，還不錯。
吃得麻辣鍋，當然不能不吃菜，最驚喜這裏有台灣來的水蓮。
最正嘅係F先生叫嘅午餐肉，餐肉熱辣辣，外層好脆，加上麻辣鍋一流，咁食得好精彩。
另外墨魚滑都非常好食，店方稱即打，質料當然好新鮮。
這裏都有不少台灣火鍋才會有嘅食物選擇，老油條又係必叫。
其他仲有䈑筍和山藥等健康人士必點的項目，當然還有雜菜拼盤。
另外值得一提這裏也有不少小食，鴨舌和萵筍絲非常美味，如果打邊爐前心急肚餓，可以點一兩個小食先食。
最重要，今晚吃飯的時候，和一位馬鞍山之友講開 而家馬鞍山嘅食店非常貴，屋村小菜都要過百一位，仲要唔太好食，對於我呢個外區客來講，如果剛巧嚟馬鞍山有朋友聚會或者遲少少拜年夜晚食飯，佢絕對係一個唔錯嘅選擇。
不過朋友話而家馬鞍山都多左野食，也許美食沙漠都只是一個都市傳說。
冷颼颼的冬天正是吃火鍋的季節，近近地就到屋企附近的We Go Mall打邊爐，原來這間新開張的一鍋烽是屬於富豪酒店集團，雖然門面似曾相識，但其實和原址舊店完全沒任何關係。
內裡面積寬敞，裝修陳設古色古香，枱面又夠大，可以放到大量食物。
晚餐時段有火鍋放題套餐，今次我就選了澳洲M6 和牛火鍋套餐 $358，除了牛肉和海鮮盒會按人頭計算，提供指定數量之外，其他食物都是任點任食。
一坐低侍應會奉上荔枝茶，消滯解膩，不需另收茶錢。
除了湯底之外，其實火鍋的醬料也決定了味覺，醬料區亦可方便人客自行混醬，混出最適合自己的口味，醬料費每位收 $20。
湯底選了鴛鴦口味，以膠原竹絲雞美人鍋配上御膳人參鍋，兩款都是以養生藥膳為主，最適合冬令進補。
御膳人參鍋十分足料，人參在中醫藥典有「藥中之王」的盛名，大補元氣，促進氣血循環，藥材味不會過於苦澀，容易入口之餘亦達暖胃效果。
另一款膠原竹絲雞美人鍋同樣真材實料，以桃膠、烏雞、鮮雞、南棗、杞子等熬製而成，烏雞肉質緊密而油脂較少，具有益氣血，退虛熱的功效，難得的是仍可保持嫩滑多汁的口感，一點也不鞋口。
桃膠滋陰養顏，富含豐富的植物蛋白，將養顏聖品集成一鍋，猶如老火湯般味濃滋補。
任食火鍋吃得更盡興，結果點到一枱都是食物。
套餐肥牛總共有三款：澳洲M6和牛肉眼、澳洲安格斯特級牛小排和美國Prime特級肥牛肉，雖然牛肉是按人頭提供份數，不過份量絕對不算少。
澳洲M6和牛肉眼色澤嫩紅，油脂分佈細緻平均，肥瘦勻稱。
一放入口就吃得出是上乘品質的和牛，肉質鬆軟富油香，肉味濃郁有層次。
澳洲安格斯特級牛小排同樣高質，切得大小均一，滿口瀰漫著牛脂香氣。
即使選擇最便宜的美國Prime特級肥牛肉套餐，仍有一定的質素，肉質細嫩，就算不小心放在鍋內過久，也不會令牛肉變得過韌。
海鮮盒包括五款海鮮：游水海蝦、北海道帆立貝、蟶子皇、鮮活九孔鮑魚和大蜆，同樣是按人頭分配指定數量。
鮮活九孔鮑魚鼓壯飽滿，口感彈牙緊緻，鮑味濃郁，齒頰留香，北海道帆立貝大粒肥厚，味甜富彈性。
西班牙黑毛豬切得薄片，肥瘦適中，不會過於肥膩。
打邊爐的其中一個好處就是可以比平時出街食飯，食到更多蔬菜類，隨餐附送一個田園蔬菜籃，不夠的話亦可無限追加。
想不到打邊爐也有油炸鬼XD 老油條炸得金黃酥脆，一放入火鍋中即可吸收湯底精華，卻又不會浸得過軟，依然略帶脆口，內裡保持油條本身的韌性。
響鈴上枱時仍然脹卜卜，於鍋中滾3 秒讓表面沾滿湯汁，份外香脆可口。
超過30款美食都是任點任食，肯定吃到捧腹而歸。
台灣闊粉條其實就是平時常見的紅薯粉，晶瑩通透特別有煙韌咬勁，更可以吸盡濃郁的滋補藥膳湯底。
除了打邊爐，也有好幾款巧手小食無限量供應，例如這碟甚有台式風味的滷水大腸頭。
鹽酥雞的粉漿不會過厚，一口咬開肉質乾爽酥香，炸得乾身不油膩。
鹽酥蚵仔炸至表面脆卜卜，外酥內嫩，份外鹹鮮惹味。
任食打邊爐附送每人一客甜品 雜果涼粉雪糕，不會過甜，冰凍透心涼，今餐真是吃得超滿足！台灣烏梅汁味道酸甜爽口，生津止渴，圓肉杞子菊花露清熱明目，綻放清新芬芳花香。
養氏火鍋撤出後，一鍋烽接手，試一試其午巿火鍋，想不到有驚喜。
點了竹笙湯底和羅宋牛肋湯底，那竹笙湯底清淡到不得了，但羅宋湯底卻很足料，味道濃郁更勝一般蕃茄湯底，牛肋條亦很足，食材滾兩滾已入味。
火鍋套餐除牛肉及海鮮般按人頭提供份數，其他無限供應，豬肉片、豬潤質素很好，竹笙易入味宜口感佳，響鈴看來是用腐皮鮮製，不是一般貨色，值得欣賞！炸午餐肉厚切，另有鹽酥蚵仔和雞粒供應，水餃、雲吞亦是水準之上！紅棗桃膠蓮子糖水任食，女士恩物。
沒有肥仔水任飲，卻奉上荔枝茶，脫俗。
早前養氏人山人海，易手後此店似乎未被街坊發現欣賞，餐單雖與一般火鍋店無大分別，唯食材湯底質素真心不俗，希望能堅守下去，讓街坊在日式火鍋外留有其他選擇。
用膳時未抱甚麼期望，只是隨意拍幾張照，及後才想起到此鼓勵，大家有興趣可親往試試。
朋友搬去馬鞍山已有一段時間，未去探訪主要是她住的位置無啖好食，但今次就唔同，因為舊年We Go Mall進駐了，雖然仍有少部份店舖未開齊，但這個沙漠中的綠州出現，就令我朋友好開心，所以就約埋幾位朋友齊齊去拾下拾下，來到這家「一鍋烽」，來頭真不少，富豪酒店集團的背景，不用多說都知有水準，入到去即時感到典雅的中國色彩，至於食物如何呢？試試再講。
招牌秘製麻辣鍋 $108 ＋膠原黑白美人鍋 $188首推這裡的湯底絕非一般，我們選了鴛鴦鍋，招牌秘製麻辣鍋及膠原黑白美人鍋，就可以試齊兩種口味，前者香辣中帶少麻是我的至愛；後者膠原黑白美人鍋當中是大大的雞件及烏雞，以不同的藥材配搭成，未打火鍋前大家先飲啖美人鍋，滋潤又養顏。
安格斯手切肥牛 $298牛肉一向是打火鍋不能缺，但這裡的的安格斯肥牛，入口肉味香濃，又鮮嫩，輕輕一灼，入口即溶，令人忍唔住要再來一碟。
招牌手工肉丸 $108每日新鮮製，入口都感受到新鮮。
招牌手工餃子 $88餃子肉汁好豐富。
炸午餐肉 $38厚切午餐肉，不作火鍋料先來一口，好好味呀。
老油條 $32及即炸響鈴 $58老油條放在湯底浸一陣，帶點辣更惹味。
必食推介就是即炸響鈴，香脆至無得彈，灼一灼加埋湯底同吃，雖然真是好邪惡，但我都忍唔住吃了兩件，由於太吸引，我竟然忘記相機食先，抱歉無相呀。
海鮮拼盤 $148主打有九孔鮑魚、蟶子皇、帆立貝、海中蝦等時令海鮮，款款都是肉質鮮甜無比，配上那滋補養生鍋，鮮甜加倍滋味！鮮活九孔鮑魚 $38/隻爱吃鮑魚的朋友仔，當然要試試，灼耐一點更腍身更滋味。
白鱔片 $88及鴨舌 $78啖啖肉的白鱔片都算肥美；鴨舌就有小食滷水及打邊爐兩種，今次我試了放進湯的鴨舌就覺得好夠味。
日本山藥 $78入口爽脆無比的日本山藥，鮮甜程度我要再來一客，無得輸，大家都爭住食，唔講總之是必選。
地址：馬鞍山保泰街16號We Go Mall 2樓208號舖電話：2690 1893營業時間：星期一至日12:00 23:00#wegomall #馬鞍山 #一鍋烽 #火鍋爐 #保泰街
都唔知幾多年冇試過去馬鞍山，不過碰巧去朋友屋企探小朋友經過，一班人話要出街食飯，係最麻煩嘅選擇因為都唔知食乜好。
對我來說食乜都冇所謂 一班人唔通食茶餐廳咩，係啲一班人食嘅中菜或者打邊爐，應該是絕對不能錯的選擇。
來到一鍋烽打邊爐，聽聞呢個係馬鞍山最潮商場之中其中一間新餐廳。
對於個商場我冇乜評價朝朝真係見仁見智，但呢間係一間新餐廳，而且價錢相宜好適合一家大細去。
唔知知道點解，可能餐廳太新，當晚人不太多，坐得幾舒服。
食物的選擇非常多，湯底都好似其他正常嘅邊爐一樣有多款俾你選擇。
呢一種可以叫話新式嘅打邊爐，同平時港式打邊爐一樣有多款不同嘅湯底，有香港風格亦都有台灣風格，我哋成班女士當然叫養生鍋，不過也要叫一個台灣麻辣鍋。
我想起那風格很像旺角那間新加坡過江龍，同樣以養生鍋為主，這裡的湯底雖然冇咁好但都非常足料。
朋友讚這麻辣好舒適。
我吃了舊豆腐和鴨血也不錯，只不過，如果你唔夠食嘅話就要加單，不像台灣一樣可以任加任吃。
講下啲火鍋料，安格斯牛肉非常精彩，每次出場我哋全班女仔都好似要搶咁。
另外我都吃幾喜歡食嗰雜錦餃類，皮薄餡靚。
菜類選擇也有很多，當中我最喜歡水蓮。
但我都幾鍾意呢個單獨食的海鮮拼盤 自己一個人係自私食好好，特別要讚啲蝦真係好新鮮好生猛。
仲有桶蠔，大得驚人。
以上就係食過都覺得唔錯嘅火鍋料，當然其他味道都唔錯不過我提及過嘅就特別出色。
有機會去馬鞍山想試吓新餐廳，應該幾適合。
一鍋烽餐單提供台灣菜, 火鍋等推介美食位於馬鞍山區，餐廳座位數260人均消費約$201-400，結賬可以用Visa,Master,現金，Booking訂位可以電話致電 26901893 查詢。
您對於馬鞍山餐廳「一鍋烽」有何 comment？
一鍋烽餐廳詳細資料：
- 一鍋烽地址: 馬鞍山保泰街16號WeGoMall2樓208號舖 One Hot Pot, Shop208,2/ F, We Go Mall,16 Po Tai Street, Ma On Shan
- 一鍋烽電話: 26901893
- 一鍋烽價錢: $201-400
- 分類: 台灣菜, 火鍋
- 座位: 260
- 付款: Visa,Master,現金
- FB專頁: 一鍋烽 Facebook
更多一鍋烽相關資料:
香港餐廳2026推介7月