快樂茶檔 香港仔

快樂茶檔 評價 相片

身處內街吾顯眼既小店！叫左豬扒菠蘿飽同咸牛肉炒蛋熱狗。

先講菠蘿飽，我對吾住塊番茄呀！佢喺中間架！佢真係存在架！你地吾好以為實係太細塊睇吾到啦，錯喇，係個飽太大咋！飽、生菜、番茄新鮮，個飽外脆內軟！我諗淨係做菠蘿油都已經好好食！豬扒都係豬扒無乜驚喜，可能加少少黑椒或者洋蔥會好食啲。

反而想講講芥末+沙律醬，個人認為堅好食，實有人會話咪又係現成野咋嘛，咁都要岩比例先得架！我都見到有人話個咸牛肉吾咸，但我反而覺得岩岩好，炒蛋可以生啲就仲好！食食下，見到對家個英式早餐勁吸引又大份，下次一定要試！同埋牛角飽！

長假期， 出街又驚多人，始終都驚武肺瀨嘢， 都係繼續打麻雀之前叫咗壽司， 今日就簡單d食茶記， 附近有呢間茶檔， 就叫外賣~ 之前屋主話佢唔送外賣， 但係而家外賣app有得叫， 咁就緊係叫外賣， 打多幾鋪， 唔駛行去買外賣啦~我地叫咗8 個飯， 連嘢飲，送埋上門， 真係算係咁~ 作為一個雞脾控嘅我， 見到有雞脾， 多數都會揀， 所以我今次叫咗生炸雞脾飯~ 好味！！ 雞脾好juicy佢個菊花露都好好飲， 估唔到有薑味， 啱晒我~我地又有叫叉燒滑蛋飯， 隔離飯香， 睇樣好吸引， 我諗我下次會揀呢個嚟試我地另外叫咗個豬頸肉芝士撈面嚟share， 個芝士汁好好味呀 一人一啖， 光速清晒總括嚟講都ok,咁嘅價錢， 連埋嘢飲， 送埋上門， 冇得彈

喺黃竹坑做完嘢就揸車去左香港仔食lunch，唔係好熟香港仔，見到呢間茶餐廳係良心食店，就決定幫襯！店內嘅牆都貼滿左menu，好似全部都好好食咁😍，老細空左一個位出黎，貼上嘅係「願榮光歸香港」嘅月曆😽，唔細心留意都差啲見唔到，好低調嘅一間黃店。

👍🏻🐽蒜蓉汁豬扒意粉🔸我覺得份量算細，男仔未必夠食🔸味道正，汁唔會太鹹🔸豬扒煎得好林，唔記得叫碎上添🔸連火腿都好味，本身唔鍾意食，但佢嘅火腿有少少唔同唯獨係檸茶🍋叫左少甜都仲係好甜囉🤣大家一齊撐又好味又有良心嘅黃店，唔好放棄！💪🏻

行完山落到黎又餓又攰，咁岩又到三點三🤤🤤緊係嘆個下午茶啦！舖頭細細，似係做街坊生意既小店😅呢啲時間坐滿人，咁岩有人走左，我地三個就立即狗衝😂😂😂⭐️豬扒菠蘿包⭐️咸牛肉蕃茄牛角包⭐️特濃西多士⭐️紅豆冰黎到啲野係熱既，抵讚👍🏻豬扒菠蘿包賣相吸引，蕃茄生菜流心蛋增添清新感！豬扒肉質稔但感覺太油😌而菠蘿包唔會食到周圍係碎，總體ok la😅牛角包揀左配料係咸牛肉及蕃茄，包都係暖暖地，唔鬆脆，但都ok ge😅反而咸牛肉真係一啲一啲都唔咸🤣🤣🤣只係一pat無味肉碎，同埋有啲唧唔勻既沙津醬🤣呢個真心麻麻地呀～😋西多士熱辣辣炸起，我地揀左糖漿，以為會係另上，之後自己落，點知佢好人到已經幫我地落左，咁樣會浸林左影響口感🥺🥺而且仲覺得太甜呀。

中間有薄薄一層花生醬，如果唔係林左，或者會更加分🙈跟餐+$10轉紅豆冰，叫左少甜但依然好甜🤧睇黎平時真係甜到飲糖水咁😂😂😂紅豆大大粒又稔，幾滿足🤪

星期日既早上係香港仔舊大街附近食個靚早餐。

叫左呢個歐陸早餐。

價值$33有啲咩食呢？我叫左吉列魚柳。

本來expect有茄汁焗豆同埋燒番茄同腸仔的，如果唔係邊度叫歐陸早餐呢。

不過$33包野飲都唔應該期望有太多花款。

黎到係一大片蘑菇炒蛋，一細個牛角包，仲有主角炸魚柳。

牛角包係莫名其妙地切開左一半，想問可以夾啲乜落去？個炒蛋點解好似煎蛋咁咁平既？炒蛋（即scrambled egg)唔係應該一團團？唯一正常係魚柳，配Egg Mayo算既脆幾好食。

野飲叫左熱鴛鴦。

正常茶記質素。

快樂茶檔餐單提供港式, 茶餐廳, 冰室等推介美食位於香港仔區，餐廳座位數35人均消費約$50以下，結賬可以用現金，Booking訂位可以電話致電 25558225 查詢。

您對於香港仔餐廳「快樂茶檔」有何 comment？

快樂茶檔餐廳詳細資料：

• 快樂茶檔地址:
  香港仔香港仔舊大街120號兆群大廈地下7號舖
  快樂茶檔, Shop7, G/ F, Siu Kwan Mansion,120 Old Main Street Aberdeen, Aberdeen
• 快樂茶檔電話: 25558225
• 快樂茶檔價錢: $50以下
• 分類: 港式, 茶餐廳, 冰室
• 座位: 35
• 付款: 現金
• FB專頁: 快樂茶檔 Facebook

更多快樂茶檔相關資料:

• 快樂茶檔分店
• Youtube
• Facebook
• Twitter
• Google