功夫點心 香港仔

功夫點心 評價 相片

香港仔分店管理太差，浪費了點心師傅的功夫！更好吃的食物也要令人食得暢順舒服！有幾位收銀姐姐比較祥和，唯獨一個經常黑臉悔氣的無禮收銀阿姐，佢對眼線加上佢既惡相，係人都頂唔順佢，問多句都唔多啋你或態度惡劣，見佢好幾次有公公婆婆手腳慘係咁話人！唔明佢公司點解會請呢類趕客的職員

總是門庭若市。

店舖未開，已有十多位老人家在排隊。

找了個不算很好的位置後，才幾分鐘即全店爆滿。

夥計很忙，識相的我叫了壺香片，再劃點心。

食物不便宜，但確實是花過心思，比連鎖集團的酒樓精緻。

點了燒賣皇、流沙包及雞紥。

心情輕鬆，吃貨等食。

豈料…感覺愈坐愈down! 皆因這店生意，實在是太過興隆了! 全場滿座後，人客還是絡繹不絕，沒有位子的，只好堵在這店的不同角落。

情況漸漸混亂，職員竟然出動大聲公，指揮茶客往哪裡走；到何處坐…全場人聲鼎沸，擾擾攘攘! 眾茶客彷如各奔前程，由哪位大姐指揮。

店子本已小，捺不住這般動靜，吆喝聲不絕於耳。

我只有盡快將點心塞進食道，逃離此地。

結論：點心水平上佳 職員處理不宜

呢間垃圾野真係好唔掂，呢d時勢大家都叫外賣，但佢唔俾電話落單都算，佢仲要落完order 半個鐘都未拎到野食，明明我個號碼係156，但佢叫埋159拎埋都未到我，問佢大約仲要幾耐，一句話未得就行左去野食拎到番屋企係凍（用左5分鐘），扮哂即叫即整但完全唔係事實。

食物差，態度差，又唔平，仲要等勁耐Never recommend for this dim sum restaurant, service delay, bad attitude, cold food, expensive....that’s the keyword to explain this restaurant

0700去到未開門，見有啲公公婆婆排緊隊，於是跟住排，排喺頭10個位左右，依而家規定每檯要相隔1.5米，眼見都大細檯夾埋都15張檯左右，排隊期間見舖頭入面有個伯伯行來行去，將幾張檯啲筷子晾上茶杯上，跟住佢坐抵咗其中一張檯排咗半個鐘終於開門，我地算首批行入去，見最近門口張檯冇人就坐底，點知唔夠一分鐘跟住有個婆婆行埋嚟，跟住話個位喺佢，跟住乜都理即立刻坐低，問佢點解坐落嚟，佢話檯面有茶壺即係有人，我地話我地係首先坐落張檯度，個婆婆冇理我地照坐，佢硬係要坐都冇所謂，當撘檯算，但疫情下只容許四人聚餐， 唔想同婆婆嘈，最後我地冇幫襯就離開，點解未開門就有人可以喺舖頭入面幫手霸位，點解要排隊？未開門就有客人可以喺舖頭入面坐，點解要其他客人喺外面排隊？安排極差！食物質素就唔知！

見到功夫點心係連鎖嘅本來沒什麼期望， 誰知出奇地有驚喜喎先講排骨， 呢度用了蒜蓉做調味， 雖然不是新鮮排骨，但調味搭夠，不用太濃味已經足夠。

腸粉皮薄而且嫩滑， 捲著油炸鬼在中間， 先食到薄薄腸粉皮，再食到中間的香脆，口感十分豐富蝦餃皮薄餡多，一咬落去滿滿彈牙的蝦肉，肉汁流入口中唯一要彈的就是鳳爪排骨陳村粉，滿心歡喜以為是透明的陳村粉，誰知道端上來的竟是腸粉失望題外話，進入舖頭已經見到有自家製辣椒油售賣，馬上叫侍應端來一碟辣椒油嘗試，結果不負所望，辣椒油香中帶辣，沾上食物時不單沒有搶去食物的味道，反而突出了味道，值得一讚

功夫點心餐單提供港式, 點心, 中菜館, 名人店等推介美食位於香港仔區，餐廳座位數120人均消費約$50以下，結賬可以用Visa,Master,現金,銀聯，Booking訂位可以電話致電 28788282 查詢。

您對於香港仔餐廳「功夫點心」有何 comment？

功夫點心餐廳詳細資料：

• 功夫點心地址:
  香港仔香港仔大道190號地下A,B&C舖
  Kung Fu Dim Sum, Shop No. A, B& C, G/ F,190 Aberdeen Main Road, Aberdeen
• 功夫點心電話: 28788282
• 功夫點心價錢: $50以下
• 分類: 港式, 點心, 中菜館, 名人店
• 座位: 120
• 付款: Visa,Master,現金,銀聯
• FB專頁: 功夫點心 Facebook

更多功夫點心相關資料:

• 功夫點心分店
• Youtube
• Facebook
• Twitter
• Google