旺旺仔 長洲

旺旺仔 評價 相片

自問近呢3，4年入長洲不下2，30次，從未試過咁差嘅食店咁啱撞正今日太平清醮，所以好多食店門口都好多人排隊買野，我地幾個人就諗住輕便d買少少甜品爽下啦....點知原來係伏黑糖3色圓，$22，原來只有1x粒芋圓，個底係咩都無，而且糖水超甜🙊🙊珍珠奶茶無茶味，珍珠無咬口🙈🙈雞蛋仔本身話等8mins, 但起碼等左20mins, 雖然係即叫即製，但真係唔脆兼唔好味囉😭😭$23嘅仙草黑糖3色圓，其實唔知自己食左d咩天呀，點解要俾我遇上你架....真係差差差

經過時見無人同見到黑糖珍珠奶茶就比佢吸引左一行埋去講唔該想落單阿姨已經好兇咁望左一望 無理我地之後有個妹妹就地幫我地落單嗌左蜜桃紅茶、黑糖珍珠奶茶同雞蛋仔雞蛋仔係即整 飲品就好快就有蜜桃紅茶只有糖水加茶味 完全無蜜桃味味道太甜 無可能飲晒一杯珍珠奶茶就只有糖水加奶味 一樣好甜等左一陣雞蛋仔整好 諗住即整一定好脆啦點知又淋又無味 完全唔估食緊乜野從來未食過咁難食既雞蛋仔整野飲既阿姨態度好差 全程黑臉 食物差 服務態度差 唔會再幫襯

今期大熱黑糖珍珠奶茶已經傳到去長洲喇！哩間旺旺仔之前冇印象見過，應該都係新開既。

一向鍾意試新野既我，當然要黎試下。

見佢大大個宣傳牌放門口宣傳哩杯奶茶，我估係鎮店之寶，所以就點左杯凍黑糖珍珠奶茶試下。

價錢唔係貴，屬正常價位。

杯珍珠奶茶賣相都唔錯，望落珍珠同黑糖醬份量都好足。

可惜味道實左太甜，飲多兩啖都頂唔住。

最後拎左杯野一段時間，等啲冰溶到咁上下，將甜味中和左，先勉強地放到落口。

不過珍珠口感同其他部份都屬正常。

不過真係真係太甜，如果要試一定要揀微糖。

同朋友長洲一日遊，行到邊食到邊，食到有啲渴，於是就去左買杯野飲飲下，見到呢間台式手搖飲品店，於是一人叫一杯飲下同嗌左兩個雞蛋仔share。

我自己叫左百香果多多多，有果朋友落單果陣話要芝麻珍珠奶茶，點知店員問左啲幾奇怪既問題，佢問我地係要芝麻味奶茶定芝麻籽即蘭香子既奶茶，真係聽到我地幾個一頭霧水，最後我地話要芝麻味奶茶啦，其實佢餐牌上都寫明有芝麻珍珠奶茶，照單落就可以，但都問左我地呢個幾奇怪既問題。

我地點完飲品後，再叫左兩個雞蛋仔share，嗌左士多啤梨同抹茶味。

甘雞蛋仔佢即整，飲品整好先，我地就飲住野等佢。

我杯百香果多多，得好甜既百香果味，冇咩益力多味，飲完有啲涸喉，唔太解渴。

朋友話佢話梅紅茶都好甜唔解渴。

終於等到雞蛋仔整好，點知雞蛋仔唔脆既，其實唔脆都冇問題因為都有走唔脆路線既雞蛋仔，但最大問題係唔熱，係得少少暖，真係好奇怪。

仲有明明叫左兩個味，但食落冇咩士多啤梨或抹茶味，得雞蛋仔蛋漿味，而且覺得佢拌得唔夠勻，某啲位食到淡淡士多啤梨味或抹茶味，真係好少雞蛋仔整得甘差。

黎到長洲, 食完魚蛋就食下其他野喇。

見到呢度有賣雞蛋仔, 就排隊買喇。

。

原來排隊個1指示十分不清晰。

假日竟只有一個員工又收銀又整飲品同食物。

梗係做唔切喇員工做得辛苦。

我排左半個鐘先有呢個不成形既雞蛋仔。

。

值19蚊。

係有黑色不明物體係上面個雞蛋仔完全不成形個雞蛋仔係軟既與海報完全唔同。

不合乎商品說明條例姐係唔夠員工就唔好做生意喇。

門面招牌海報都唔錯。

。

個雞蛋仔整成咁。

眼見好多個客都唔收貨。

你又收唔收貨呢? 食返魚蛋好d..

旺旺仔餐單提供台灣菜, 台式飲品等推介美食位於長洲區，餐廳座位數未知人均消費約$50以下，結賬可以用現金。

您對於長洲餐廳「旺旺仔」有何 comment？

旺旺仔餐廳詳細資料：

• 旺旺仔地址:
  長洲建新里13號地舖
  旺旺仔, G/ F,13 Kin San Lane, Cheung Chau
• 旺旺仔電話:  
• 旺旺仔價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 旺旺仔 Facebook

更多旺旺仔相關資料:

• 旺旺仔分店
• Youtube
• Facebook
• Twitter
• Google