Rainbow Cafe 長洲

Rainbow Cafe 評價 相片

今次叫咗煙肉牛肉漢堡，特色薯餅三文治，凍mocha。

以小店經營，呢個食物質素可算係不過不失，唔特別，但唔難食。

Mocha都幾好飲，都幾大杯。

店員都幾nice，座位以小店來講都舒服，下次來長洲都可以再嚟食下。

而家咁興打卡Cafe，入到黎長洲，當然都要搵間。

不過係下午茶時間嚟到長洲，原來好多都冇開，好彩經過見到呢間唔錯嘅小店。

呢度係半自助形式，所以無加一收貨。

自己出去落order，同埋拎餐具，而嘢食嘢飲就會拎俾你。

由於店內只係得兩個人手，野食選擇都係簡單為主。

所有嘢食，嘢飲都係即叫即做，不過上菜都幾快唔會等好耐。

我哋一行四人，每個都揀咗唔同嘅嘢食試下。

包類嘅比較吸引，熱狗， burger都幾出色唔算好貴，不過all day breakfast就麻麻哋啦。

Overall 都唔錯，係座位坐得有啲迫。

今日好遠水路黎到長洲行山，行完攰攰地緊係搵間cafe坐下啦！ 呢間rainbow cafe好近碼頭，就算等船冇野做都可以黎飲番杯咖啡今次岩岩行完山，就唔食啲太heavy既野，兩個人淨係叫左一個甜品同一杯野飲！朱古力心太軟配雲尼拿雪糕呢個朱古力心太軟唔會太甜，因為佢係用70%朱古力整成既， 食落唔會漏！食心太軟最緊要緊係流心啦！ 呢個心太軟一切開，啲朱古力流到成隻碟都係！真係好正！好彩個雪糕有用餅乾墊高左！咁先唔洗溶晒乍！鮮奶抹茶呢杯green tea latte好香抹茶味！唔會淡到飲唔出！正！熱辣辣既天氣，有咩好得過坐低飲杯凍野？仲要係好好味既抹茶味凍野！ 啲奶都好香嫁！

已經超過一年不能旅行了，要平衡心理唯有到離島走走，這天選了長洲，星期三下午的長洲遊人不少，碼頭大街一帶食肆頗多，唯獨是這間咖啡店最吸引，因門前放了數袋咖啡渣供路人免費拿取，某程度上反映經營者的良心。

餐廳空間較少，裝修簡單整潔，開放式廚房內見數個年輕人埋頭苦幹，也顯得合拍。

煙肉牛肉漢堡包 牛肉鬆軟，肉味香濃，芝士沒有溶化在牛肉上反而更能特出芝士味，蔬菜份量剛好，薯角粗大，炸得乾身，帶點辣，個人覺得漢堡包十分美味，值得一試。

日式照燒雞薄餅 雞肉很有麻油香，照燒味道也很吸引，再灑上芝麻和紫菜碎，充分提升味道，而餅底偏薄，餅邊也脆口，整體不錯。

Lime soda 梳打水份量較少，青檸也偏細，味道不過不失。

偷得浮生半日閒，有時間要去吓離島享受吓啲寧靜環境。

入到長洲第一件事梗係要揾食啦，一嚟食飽先有力行，二嚟長洲咁多好西，早啲食早啲落格先有位食其他嘢嘛 🤭🤭叫咗 2 份 all day breakfast，兩份除咗多士同炒蛋外，其他食物都唔同，多士新鮮哄好，一份肉類多啲，另一份疏果多啲，好彩 2 碟唔同款， 可以撈亂食，A 款 waffle 加 B 款生果好夾 🤣🤣🤣可惜咖啡比較淡唔夠香，做得 cafe 我對杯咖啡要求會高啲！ 餐廳室內環境好 warm 好舒服，可以慢慢享受時光。

Rainbow Cafe餐單提供西式, 甜品, 糖水, 薄餅, 咖啡店等推介美食位於長洲區，餐廳座位數30人均消費約$50以下，結賬可以用現金，Booking訂位可以電話致電 69384433 查詢。

您對於長洲餐廳「Rainbow Cafe」有何 comment？

Rainbow Cafe餐廳詳細資料：

• Rainbow Cafe地址:
  長洲新興海旁街63號地下
  Rainbow Cafe, G/ F,63 San Hing Praya Street, Cheung Chau
• Rainbow Cafe電話: 69384433
• Rainbow Cafe價錢: $50以下
• 分類: 西式, 甜品, 糖水, 薄餅, 咖啡店
• 座位: 30
• 付款: 現金
• FB專頁: Rainbow Cafe Facebook

更多Rainbow Cafe相關資料:

• Rainbow Cafe分店
• Youtube
• Facebook
• Twitter
• Google