鄰居 長沙灣

鄰居 評價 相片

係一間好多朋友都介紹我食嘅漢堡店🍔今次咁啱去嘉頓山 就順便去食啦🤤估唔到整體嘅味道都唔錯！店舖入面嘅座位唔多但氣氛唔錯🤎———————————————#雙層芝士牛肉漢堡+ 菠蘿($52+$8)💘推薦轉套餐：雙色薯條+罐裝可樂(+$18）味道：9/10牛肉方面真係有驚喜🤤🤤🤤咬落會食到滿滿肉汁💦而且唔會係好油膩嗰隻食到最後更加會係個包裝底見到有好多汁牛肉味都頗重👍🏻漢堡中間夾住左生菜、生洋蔥圈同蕃茄本身我唔係幾鍾意食生嘅洋蔥🧅但佢加係漢堡入面 而且放番茄係中間有解到油膩 另外我再加左菠蘿🍍同漢堡非常夾😆肉汁加菠蘿汁一齊 會爆汁😈但非常正🙌🏻另外雙色薯條都好意外地好食特別係番薯條🍟！！！兩款薯條都外脆內軟而且食完漢堡之後食凍咗都可以keep到個口感反而就係薯條嘅味道就淡咗啲不過整體之下我都已經好滿意🥰———————————————環境: 8.5/10 服務: 8/10會想再食: 9/10———————————————店家資訊•店名: 鄰居 •地址: 長沙灣元州街162188號天悅廣場地下A8號舖———————————————#foodhealinghk荃灣線#foodhealinghk西式#foodhealinghk漢堡 ( ´﹃｀)Follow me on instagram @foodhealinghk 🤎

長沙灣黃店💛.餐廳門口同入面都有貼文宣座位比較少 只有5張枱左右所以可能要係門口等一等今次等左廿分鐘都唔算太耐但每張枱都隔得比較遠 唔怕隔離枱聽到同朋友傾計.餐牌選擇方面都算多有牛有雞有素菜~又有漢堡又有沙律又有熱狗仲有薯條雞翼洋蔥圈🧅.*落單係先付款的*今晚就叫左黑松露醬蘑菇牛肉漢堡 (下面個碟)再加18蚊轉套餐~ $78漢堡上枱後 店員會俾漢堡紙你包住個漢堡黎食 方便啲 唔洗食到里咁Hea(´∀`)但個包就麻麻地!睇到有黑松露但個味好啖個包睇到有烘過下 但完全唔脆唔係好食到有自家醬汁食既時候手打牛肉扒既汁就漏哂落張紙到薯條份量ok 少脆.水牛城雞翼 $32/4隻個汁同其他餐廳差唔多 有少少辣 普普通通.如果排長龍 唔太建議去排或者可以叫外賣自取

小編同朋友仔因為機緣巧合嘅情況之下，終於拜訪喱一間出名嘅黃店漢堡店😝🙊大家睇到啲相就知道個漢堡幾大份，食完真係好滿足！🥰.#鄰居漢堡 🍔入面嘅材料非常之豐富！有手打牛肉扒🥩、煙肉🥓、蘑菇🍄、菠蘿🍍、蕃茄🍅、紅洋蔥🧅、羅馬生菜🥬、自家醬汁🥫，加埋兩塊鬆軟嘅麵包，真係冇乜可能一啖就可以食晒咁多材料🙈🙊小編覺得呢款漢堡就相對比較適合重口味嘅朋友仔😏 先係塊牛肉扒係非常之厚實同Juicy！🐮然後佢啲煙肉就會煎得好香脆，但係就比較偏鹹🤭 不過有酸甜嘅菠蘿同埋多汁嘅蕃茄，令到食落口唔會過鹹！味道係豐富而且有層次感嘅😉👍🏻·#大烤菇漢堡 🍔相比之下小編同埋朋友仔都比較鍾意呢個漢堡！🤤 佢入面嘅配料就係有大烤菇🍄、手打牛肉扒🥩、番茄🍅、紅洋蔥🧅、羅馬生菜🥬、自家醬汁🥫當中嘅大烤菇絕對係畫龍點睛之作！🤩 佢哋嘅大烤菇烤得好香之餘，唔會乾，而係非常非常Juicy！配合埋成個漢堡，食落口嘅味道會調和左，又唔會覺得好Heavy！味道係更加得小編心♥️ 真係好正💯.#雙色薯條 🍟只係需要加$18就可以將漢堡升級至套餐！有雙色薯條同埋罐裝飲品！雙色薯條嘅意思，就係番薯薯條🍠 同埋普通薯條🥔，小編其實係好鍾意食番薯薯條嘅！淡淡嘅番薯香，甜甜地好好味！☺️ 薯條整體上炸得都乾身，唔會油淋淋，而且薯肉嘅份量都OK！不過鹽就可能落得重手咗少少，唔好太重口味嘅小編，就會係食之前凳走啲鹽😆.🏆 「豬」味指數：8/10📌 溫馨提示：大家如果真係想挑戰一口食到晒成個漢堡嘅餡料，記得要用餐廳提供嘅包裝紙拎住個漢堡黎食，就咁用紙巾係冇可能做到㗎🤣

夜晚經過長沙灣，見到呢間店舖細細間，裡面已經滿座，門外有幾組人排緊隊，於是人排我又排。

餐牌上選擇不多，小食，沙律及漢堡等等。

開放式廚房，自助形式購買。

烤大啡菇沙律加雞扒加菠蘿，所有最好味既食物，集中於一身。

烤菇一點也不會乾，多汁又彈牙，其次雞扒惹味，加埋菠蘿，酸酸甜甜，真係好夾。

呢個組合係我既私心推介，無得輸。

另外，朋友點了牛肉芝士漢堡飽，麵包有烘底香口，份量大點都係要分開吃，一口咬唔哂。

食物即叫即整，新鮮熱辣，點都會好味。

好耐冇食漢堡包🍔而且無乜幫襯連續快餐店食漢堡之後好耐發掘香港漢堡小店💛發現好多都好高質好值得支持喔👏🏻黎到長沙灣嘅鄰居身邊朋友同網上評價都好高今次試完絕對無令我失望😍首先係大啡菇牛肉漢堡🍔佢個手打牛肉真係好出色 好有牛味牛肉汁亦好多蕃茄同生菜放係牛肉下面 所以肉汁菇汁唔會令到個飽濕晒個包好鬆軟 唔會一食就淋晒仲有個大啡菇 有個包咁大架😆菇味同樣好出 同牛肉擺埋一齊又好夾🤝加18蚊有雙色薯條同汽水 成個套餐食夠晒飽☺️雙色薯條呢個idea我好中意當然本身中意食薯條🍟而蕃薯條亦少有小店會做之餘帶一點點健康哈哈🍠好抵讚呀！第二份係雙重芝士牛肉漢堡加配套餐落單時店員有特登提醒雙重芝士係一塊牛肉叫我地唔好同雙層牛肉芝士撈亂👌🏻指示好清晰👏🏻個漢堡真係好多芝士 食落可以拉絲添架🧀包同手打牛肉 頭先講左 真係好正好回味🤤另一抵讚位係店員上菜時專登附上張紙可以手揸個包食啲料唔會跌黎跌去三角開口位確保唔會漏汁 唔會整污糟手好體貼🥰超開心滿足嘅一餐💛多多支持啦😉

鄰居餐單提供美國菜, 漢堡包等推介美食位於長沙灣區，餐廳座位數未知人均消費約$51-100，結賬可以用現金,八達通，Booking訂位可以電話致電 37020958 查詢。

您對於長沙灣餐廳「鄰居」有何 comment？

鄰居餐廳詳細資料：

• 鄰居地址:
  長沙灣元州街162-188號天悅廣場地下A8號舖
  Neighbor, Shop A8, G/ F, Smiling Plaza,162-188 Un Chau Street, Cheung Sha Wan
• 鄰居電話: 37020958
• 鄰居價錢: $51-100
• 分類: 美國菜, 漢堡包
• 座位: 未知
• 付款: 現金,八達通
• FB專頁: 鄰居 Facebook

更多鄰居相關資料:

• 鄰居分店
• Youtube
• Facebook
• Twitter
• Google