豬仔屋 長沙灣

豬仔屋 評價 相片

有人介紹我去食豬仔屋睇個門面，家庭式ｏｋ丫所以帶埋全家去裡面得番兩個客兩點幾，過左ｌｕｎｃｈ高潮吧～豬仔包唔錯包脆肉軟炸軟殼蟹唔錯啦，不過唔算特別好吉列炸蠔照燒牛肉烏冬非常難食烏冬用普通ｃｈｅａｐ果種，即係橫切面係圓果隻牛肉用超多蘇打粉去醃過，我相信連我婆婆唔戴假牙都食到咩味都冇吉列炸蠔先激死我，虛有其表炸到金黃色熱辣辣咁一咬．．．裡面凍既？好腥喎，唔熟既？唔怪得咁快有得食啦．．．咖哩牛肉拉麵本來想要飯點知佢竟然話飯賣晒兩點半就賣晒？？？牛肉同上，難食拉麵煮過龍太爛，咩質感都冇．．．餐茶”唔該凍０茶丫～””唔好意思，茶賣晒啦～”茶都可以賣晒？？？不過杯咖啡係幾香既～比人老點去食，唔想再比機會佢．．．

週末早上訓醒後,開,開電腦上Openrice睇下有咩好介紹.找到長沙灣有間豬仔屋.立刻叫醒老婆仔,前後只需要半小時巳經可以出門口,跟隨開車出發.地點不難搵.到達後坐下來,叫了一個魚柳飽餐.老婆叫了一個豬仔飽餐.,....奄列ok...但杯mocha coffee,coffee比想像中少了個心型圖案.老婆見到後好失望.其他食物可以接受.最後總結太大油煙.令到老婆心情大減.但可以再去嘗試.

今日下午三點幾係青山道做完野諗住行去元州街搭小巴返觀塘飲下午茶,點知係小巴站對面見到有間新開既茶餐廳叫"豬仔屋",所以就入去試下新野。

入到去一坐低就有個女仔拎個餐牌埋黎同我講"今日D豬仔包賣晒",唔通個個入黎都係食豬仔包既,點解一坐低就要講明"今日D豬仔包賣晒"咁巴閉。

我打開餐牌一睇,嘩...下午茶餐都有廿幾款,點揀啊。

問問個女仔有乜好食,佢話而家廚房出緊十幾個"一口西多"外賣,所以如果叫"一口西多"就會快D其他都可能會耐小小。

反正都未試過,就試下個"一口西多"有幾巴閉一次過出十幾個ORDER,餐飲再加5蚊雞叫杯Mocha。

等左五分鐘先黎杯Mocha,點解人地果杯有個心心我果杯無架,唔公平啊。

杯咖啡感覺上得75度熱,點解D即磨咖啡機總係出唔到一杯夠熱既咖啡。

雖然個女仔話"一口西多"無咁耐,不過我件西多都等左差不多十分鐘先到,但係個賣相又令我有點意外,平時見D西多炸完出黎通常都係啡啡地色既,但呢度D西多炸完出黎竟然係金黃色既,食入口竟然仲係唔覺得"油林林"既,感覺上無咁熱氣同健康D,一客九件跟埋個沙律都好夠飽。

係度坐左大約半個鐘先後有五枱客入黎,每次個女仔第一句都係"今日D豬仔包賣晒",我下次就早D黎試下你個豬仔包有幾咁巴閉

間鋪個名都幾得意叫豬仔屋.都食過兩次,覺得冇味精,味道都幾好,起碼食完唔洗勁飲水,今次我叫左個下午茶餐食,曰式肥牛炒烏冬$25,都好好味個sauce啱啱好炒得唔太乾亦唔salty.仲加左$5蚊飲mocha coffee,coffee好香但亦不失chocolate香味,仲有個心型圖案.可能因為有埋mocha 飲都只係比$30蚊都算抵la..到走果陣我見到格離枱食緊果個一口西多,望落個樣都好似好好味,下次試下先.

好別緻的一間餐廳，相比附近的茶餐廳，呢到感覺好田園優雅，衛生程到都好好，而且呢到的食物唔算好貴，三十幾蚊都可以食到個日式定食，同埋呢到食物的款式有好多，中式，西式，日式咩都會有，甚至甜品都會有的，而且所有食物都是不含味精，還有自家製的芝士蛋糕，出面食唔到架，食物味道我覺得好OK，尤其是我今次食左個燒雞串，呢個我覺得好味，服務態度都好好

豬仔屋餐單提供多國菜等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「豬仔屋」有何 comment？

豬仔屋餐廳詳細資料：

• 豬仔屋地址:
  長沙灣元州街482-492號金碧閣地下14號舖
  豬仔屋,  
• 豬仔屋電話:  
• 豬仔屋價錢: $50以下
• 分類: 多國菜
• 座位: 未知
• 付款: 現金
• FB專頁: 豬仔屋 Facebook

更多豬仔屋相關資料:

• 豬仔屋分店
• Youtube
• Facebook
• Twitter
• Google