皇后茶座 長沙灣

皇后茶座 評價 相片

當然係食我最愛咖哩豬扒飯啦！！常餐＄２８份真係勁平！成日有時間都會來食下，無他既，平令正就係老闆娘．．．Ｄ野食既最大既吸引力！！基本上次次來都係叫咖哩豬扒飯！因為真係好鐘意食呢個飯！！岩岩睇反食評先留意到原來黎生都有來幫襯！唔知會唔會有機會撞到黎生呢！！如果有我一定影相！ＨＡＨＡ記住呀！！咖哩豬扒飯！！必食架！！

又在長沙灣這邊出沒，今次走進了這間粉紅色的餐廳。

午餐有四款，揀選了三絲炒意粉。

跟餐會送個湯，是日為冬瓜湯，是估不到的清潤，我是少有地成碗飲完。

意粉感覺上比較油，吃至尾時就更明顯。

同埋，雞絲偏淡口，反而火腿幾濃味，芽菜亦爽口。

至於意粉既質感，是幾有咬口的。

總的說，不過不失吧！餐飲要了凍鴛鴦，冰凍，味道對辦，似乎我最近喜歡了這款飲品。

我係長沙灣住左好多年架喇~呢度既茶仔唔算多,,間間都做到唔願做咁~野食又難食~服務態度又差~幾個月之前呢度開左間叫"皇后茶座"既野~食過之後無得彈啦~野食大師級,少少野都用心製作~呢間野d野食勁掂啦...我食左幾個月真係食乜都咁好味~無再去隔離d 茶仔食lu~每個月都轉一次餐牌既~我上個月食過菠菜汁焗豬扒飯~好鬼鐘意~上面仲要加埋d 炸左既菠菜絲~呢度d 廚師成日諗新野架~今個月既南瓜汁焗飯都勁好味~不過唔記得影相~仲有個"皇后炒米"!!!!!!!!!!!真係一定要食~下午茶都有!!!不過平d好似25蚊所以細碟d~勁有鑊氣，裏面青瓜呀、蝦呀、芽菜咁~唔知佢點炒啦...仲之就係好味~我次次下午茶去親都見有人食呢碟平平無奇既炒米~仲有個老板娘話獨家既一口吉列西多.......比平時既西多好食好多!!!!!一定要試下啦~我平時番學放學成日同同學黎食....夜晚同屋企人食過小菜.,....連阿爸都話d小菜超掂~我地屋企就最like食杭州骨(好似係人都講過咁不過真係堅好味~),豬膶o者o者雞煲啦......勁正架!!!!脆香蜜糖雞中翼小菜都有,,又係我地全家必食之選~普通一碟馬拉盞炒通菜都咁得!!!我成日食架....所以差唔多咩都食過.......但相就無乜影~upload少少啦~

一間可以講係長沙灣最好味既茶餐廳!!!同個fd見有柴9 食過所以去試下!食完之後發覺真係好好味份量適中!野食超好味!雞翼有蜜糖味 唔會太甜 又夠脆 = ] 絕對係推介另外我個fd食既係咖哩豬排飯 咖哩唔太辣(要食辣既朋友或者要叫過第2樣)!拎黎送飯岩岩好!!豬排唔會好似出邊炸個d甘多粉!!!!

因為要download openrice coupon, 所以被迫成為了openrice會員,不過見d人寫食評寫得咁開心, 我都推介吓呢間茶餐廳先...因為家姐住附近, 我哋一行七人就近近地去呢間皇后茶座食飯, 佢哋食小菜有例湯送, 話絕對無落味精, 我阿爸阿媽飲慣住家湯都話好好味, 飲完唔口喝喎,我都覺得係.例湯:粉葛煲豬小菜:杭州骨 用黑醋整, 成枱人都話好好食蜜味雞翼 非常good!!! 宜家仲好回味佢呀!涼瓜煎蛋角 夠清淡, 因我個人好鍾意食煎蛋角蝦醬蒸豬頸肉 好難得可以咁有蝦醬味, 係家姐favour豉汁蒸蟮 好有肉, 又新鮮,阿媽成蝶食晒百味豆腐 好味, 一粒粒, 可以當小食 奇怪呢間茶餐廳d嘢食點解咁酒樓feel, 因為見嗰個menu仲有好多小菜似酒樓小菜, 好nice嘅老闆娘話廚師係喺東x大酒樓嘅廚房做過, 所以咪煮得咁有水準囉!

皇后茶座餐單提供港式, 茶餐廳, 冰室等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「皇后茶座」有何 comment？

皇后茶座餐廳詳細資料：

• 皇后茶座地址:
  長沙灣元州街482-492號金碧閣地下14號舖
  皇后茶座, Shop14, G/ F, Golden Jade Heights,482-492 Un Chau Street, Cheung Sha Wan
• 皇后茶座電話:  
• 皇后茶座價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 皇后茶座 Facebook

更多皇后茶座相關資料:

• 皇后茶座分店
• Youtube
• Facebook
• Twitter
• Google