照龍點心專門店 長沙灣

照龍點心專門店 評價 相片

琴晚返夜更到晚飯時段決定網上外賣平台搵外賣🥡想食點心，就決定一試👇🏻啦！📍照龍點心專門店兩個人揀左六樣食物(以下價錢是網上外賣平台外賣價錢)迷你長春卷 $32三條超長的蝦春卷有青瓜拌碟脆卜卜又唔油，裡面係新鮮熱騰騰蝦肉，好驚喜，好好食，堆介 ！香煎蘿蔔糕 $31賣相煎得幾吸引，不過淋身左少少，可能外賣原因，不過都好食，一d都唔粉重點係跟埋甜醬照龍蝦餃王 $35皮薄蝦肉新鮮美味，大讚！蟹籽燒賣王 $29不錯之選，新鮮豬肉製👍🏻古法糯米雞 $32外面飯偏硬左dd，裡面肉比較少個人認為如果蒸耐少少會更加好吃晶瑩鮮蝦腸 $34皮偏厚身，蝦肉細左dd希望皮可以薄身d就好了

夜晚叫左個肉餅飯啦 一打開嚟d飯又硬又臭點食呀咪打返電話叫佢轉第二樣野囖 話轉一籠蒸鳳爪咪算咯過左十五分鐘竟然送過嚟係一個蒸飯底 咁我個d肉餅咪凍曬我真係唔知講咩好唔會再有第二次去食咯

今日突然好想食點心 又唔想食酒樓集團式連鎖個種點心 想試下手工點心🤭🤭 朋友推薦之下就黎左依間佢一直都好欣賞佢依到既糕點既小店麻雀雖小 但五臟俱全唔好睇舖頭細細嘆 但你講得出既點心都有得食！首先叫左依個蒜蓉粉絲蒸鮮魷 鮮魷好爽好滑 成個點心調味都好夠 不過粉絲就少左d 得d碎碎咁點心拼盤! 呢個拼盤入邊分別有燒賣 蝦餃 菜餃 粉果 一次過滿足晒三心兩意嘅朋友 個人來講最欣賞個菜餃 因為啲菜好好食同埋個蝦都好爽口 成個combination 好正 皮又夠滑另外仲叫咗個薑汁紅棗糕 呢個紅棗糕個味其實唔係好夠紅棗味 反而成個糕點嘅主導係薑 如果唔鍾意食薑嘅朋友就千祈唔好叫呢個啦最後仲叫咗個春風得意腸 其實即係入邊有春卷包住 春卷入邊有蝦同埋菜 而且春卷皮都好脆 另外嗰個腸粉皮好滑好透 點咗啲豉油真係好好食！我下次再嚟試吓嗰個炸咗嘅流沙包先😌😌😳

突然好想食點心 ，選擇左呢間試試，但價錢都唔算平架，尚可接受啦， 店內唔大，因為可能我地2點幾入去，所以唔多人，先黎左叉燒腸$21幾香滑的比起其他酒家，奶香千層糕$23都唔錯唔太甜，雞札$28尚可！跟住再黎個花膠罐湯包$30都幾大個，幾夠分量，都幾重味精，由於個肉多過湯，有點滯，但味道都唔錯既！之後呢個香炸流沙包 金黃色 ，好熱氣咁，但點都要食，因為幾正流曬沙 食果陣記得要小心點， 茶錢每位$3 ， 得閒會再黎！

星期日最適合做嘅事就係Hea , 11點起身落樓下飲個茶食個包，再優休閑閑諗下做咩，正！😪牛肉腸＄21牛肉味就冇乜，外皮略嫌厚咗一點，食落好粉，味道好一般😕。

蟹籽燒賣王＄23蟹籽嘅賣相我以為係落咗辣椒汁，燒賣肉質唔夠爽口，啲肉好死實實，燒賣都算係點心店通常會叫嘅食物，但見到燒賣王質素都如此，真係好失望🙄。

蘿蔔糕＄25算係較好嘅一碟點心，夾落去唔會好散，蘿蔔嘅比例都算高，唔會淨係一堆粉。

鮮蝦菠菜餃＄21有好大嚿蝦，再配埋菠菜，但整體味道較淡，需要點豉油去調味。

照龍點心專門店餐單提供港式, 點心, 中式包點, 中菜館等推介美食位於長沙灣區，餐廳座位數40人均消費約$50以下，結賬可以用AlipayHK,支付寶,現金。

您對於長沙灣餐廳「照龍點心專門店」有何 comment？

照龍點心專門店餐廳詳細資料：

• 照龍點心專門店地址:
  長沙灣青山道475號地下(聯邦廣場)
  Chiu Lung Dim Sum, G/ F,475 Castle Peak Road( Federal Plaza), Cheung Sha Wan
• 照龍點心專門店電話:  
• 照龍點心專門店價錢: $50以下
• 分類: 港式, 點心, 中式包點, 中菜館
• 座位: 40
• 付款: AlipayHK,支付寶,現金
• FB專頁: 照龍點心專門店 Facebook

更多照龍點心專門店相關資料:

• 照龍點心專門店分店
• Youtube
• Facebook
• Twitter
• Google