樂小館 長沙灣

樂小館 評價 相片

第一次試食,侍應態度懶散,上菜速度非常慢,食物溫度唔熱侍應遞上例湯既時候完全無協助分湯!忙都算..但呢個時間烏蠅都拍死幾隻！速度落單超過半小時先上一道菜...仲有兩道菜 隔左半小時都唔到上左一道豉椒炒蜆，凍既!好失望

今日做冬至，我們選擇了樂小館，店員很好幫我地寫菜單唔駛自已唸食咩，亦可以隨意作修改。

1.白灼海蝦2.西芹花枝帶子3.蛋白花鵰蒸蟹4.脆皮炸雞5.糖醋排骨6.瑤柱扒豆苗7.脆炸珍珠蠔8.清蒸雙斑9.脆香蜜椒鱔球10.羊腩煲11.生炒糯米飯12.金菇炆伊麵13.紅荳沙

一行六人，幸好旁晚六點半去，唔算多人，但愈晚愈多人好彩一早book位比張大枱近電視位比我地，枱唔算多地方唔太逼，環境ok，廁所都ok。

叫羊腩煲（加手切肥牛），生炒糯米飯，花雕蒸蟹（自來蟹），豉汁鱔（自來鱔），蜜汁鱔片。

不得不讚蜜汁鱔片，脆口內軟鑊氣十足！羊腩煲入味！花雕蟹蒸的時間火候剛剛好！我地六人食到好飽都係一千蚊左右，酒樓級數真係抵食！冷氣又夠！建議大家可以買海鮮去，油料錢唔貴又好食！唔收加一可以提早book燉個湯飲添呀！最後走先知可以搭𨋢唔洗行樓梯架！

又去試新嘢， 話說有日上網， 介紹咗一間平民抵食菜館， 唔收加一有冇茶錢， 炒粉麵飯都係三十八蚊， 即刻去試菜， 睇下佢咩料，出品夠鑊氣， 仲要有咖啡奶茶特飲， 地方唔會逼夾， 冷氣又 充足， 係個地步難搵啲， 你唔係嗰頭出入都好難發現， 同埋衹收現金， 訂枱之前已經用whatsapp同老闆娘聯絡過， 老闆娘留返張大枱畀我哋， 佢仲介紹佢有廳房 下次開party都得， 不過佢都收得幾早， 十點零鐘就開始收檔， 我哋都唔好意思坐咁耐， 有心佢嘅要早少少

3男3女都是吃貨的😆見K小姐推介用心小廚，有海鮮食都非常平宜便來一試來到地鋪是直上樓梯🚶🏻‍♀️🚶🏻‍♂️，街坊食肆 燈光有點暗，冷氣沒有開，我們叫侍應姐姐開她也好樂意，姐姐很熱誠，我們星期三賽馬日到探，街坊都算多，三五知己傾計都幾好，但價格就一般，並不如所推介咁平，但都可接受！見牆上告示牌全都是時價海鮮，也寫上歡迎外帶食材加工。

我們只叫了推介幾道家常小菜...朋友未到，先來一個椒鹽雞軟骨試試菜，果然有大排擋風昧，人齊叫多了6道菜😋但碟炸大腸就真的頂唔順...🤢炸得唔夠透及腸內好淋及有臭壓味🙊，我們立刻叫侍應姐姐，她二話不說就同我們取消，我們再追多3道菜，埋單$896/6位，包括4罐汽水，2杯凍檸茶。

我們都覺似普通飯店，不值 Kitty小姐推介囉！這🐔好味，皮脆肉嫩👍🏻 $168/只⭐️⭐️椒鹽鱔片🐟⭐️生炒糯米飯🍚一般 $128/碟凍食水魷🌶🌶好味👍🏻😋⭐️⭐️⭐️豬潤白菜仔，豬潤好味⭐️⭐️一上枱已經有一陣勁__味🙊，食一啖🤢即想__🤮👎🏼👎🏼👎🏼脆豬頸肉👍🏻，但配菜有啲萬年油味🌶腐乳通菜，一啲都唔辣唔夠腐乳味呢碟姐姐介紹~糖醋排骨，佢話招牌菜，味都係OK，唯一呢碟好細碟，連菠蘿配菜都冇...而且差不多全部都係骨😣

樂小館餐單提供粵菜, 廣東, 海鮮, 雞煲, 中菜館等推介美食位於長沙灣區，餐廳座位數120人均消費約$101-200，結賬可以用現金，Booking訂位可以電話致電 27088031 查詢。

您對於長沙灣餐廳「樂小館」有何 comment？

樂小館餐廳詳細資料：

• 樂小館地址:
  長沙灣青山道260-266號永隆大廈1樓及地下D號舖
  Lok's Kitchen, Shop D, G/ F&1/ F, Wing Loong Building,260-266 Castle Peak Road, Cheung Sha Wan
• 樂小館電話: 27088031
• 樂小館價錢: $101-200
• 分類: 粵菜, 廣東, 海鮮, 雞煲, 中菜館
• 座位: 120
• 付款: 現金
• FB專頁: 樂小館 Facebook

更多樂小館相關資料:

• 樂小館分店
• Youtube
• Facebook
• Twitter
• Google