29 熱狗店 長沙灣

29 熱狗店 評價 相片

同朋友一齊去食叫左芝攬肉同埋夏威夷堡再加$6多個薯角野食即叫即做所以全部都好熱辣辣 好好味12點幾去到唔多人 d野好快都嚟到熱狗好大個 完全夠飽肚 仲有好多芝士漢堡要壓扁先可以將咁多層一次過咬晒薯角新鮮炸起熱辣辣 要放左幾分鐘先食到店舖比較細 夏天嘅時候可能會比較熱多數見人嚟買外賣 因為係即叫即整同埋人手唔多 見到都等左78分鐘 如果趕時間嘅都係去番M字頭嘅快餐店比較好整體嚟講咁嘅價錢咁嘅質素 完全係超值！下次經過會再去買

其實深水埗同長沙灣附近開左愈黎愈多小店，附近都有兩三間出名漢堡（唔計m記）我都食過，但價錢都比較貴，發現呢間小店，見佢主打熱狗同漢堡，價錢又便，熱狗連野飲都係$29，漢堡包都係$31，見有人食緊薯條係粗薯條，我都加$6 試下薯角，佢個𠒇唔算細，但係裝滿晒，熱辣辣，我個下已經有點驚訝，可能大家已經被m記既國際集團式既欺騙手法 呃慣左，「d冰有咁大粒得咁大粒⋯」所以遇到用心經營既良心小店已經好感動。

問老闆有咩飲品選擇，都已經由汽水、紙包飲品去到即沖既檸茶檸水柚子蜜，雖然唔係好特別，要知道間小店只有兩三張抬，但食物既醬汁同飲品已經有咁多選擇。

漢堡比我想像中快，因為知道即時製既都要時間，一咬個包，唔講重要要靈魂漢堡扒有幾juicy，最基本既包，都烘到外脆內軟，加埋漢堡扒既爆汁，醬汁，我決定做左咁耐CD ROM 都要寫番篇文章 支持小店見到老闆見多人 突登開張抬比其他幫襯緊既人坐，所有野都一腳踢，睇得出佢十分有誠意同人情味漢堡包唔同店可以有唔同價位，食過晒附近幾間burger既我，深深知道當中貴既個一兩間交既係鋪租錢。

怕你開係橫街難做，又怕你出左名我有排等😂加油啊小店

夜晚同女友係附近搵下嘢食，行下行下見到遠處有一間小店 29 hotdog 因為好耐冇食過熱狗就上前睇下，見到款式好多有成12款仲要有10款醬揀，睇到心大心細，最後當然決定到仲坐低食兩個人叫左個芝攬肉同埋夏威夷風情(感覺安全d) ，揀左千島醬同黃芥辣，再搭多個甜薯片小食，等唔洗好耐就有得食講返熱狗真係好抵食，$29一個大大件好足料 ，又唔會好油薯片就唔會好咸同太油都幾好食，唔算好熱氣值得再去試下其他款支持下 香港嘅店仔

是日誤打誤撞唻到靜中帶旺既東沙島街，見到一間特色小店傳來陣陣炸野香味，即時心動坐低試試！舖頭採開放式設計，人多時要坐街，不過勝在無乜車唔會吸廢氣。

每款熱狗可選2款醬料，啱哂貪心的我=p跟餐已配罐裝汽水或紙包飲品，是次貪心啲加錢轉特飲朱古力咖啡，仲加埋炸薯條㖭！等咗五分鐘左右薯條嚟，不規則切割非常有口感👍🏻👍🏻等多一陣主菜熱狗送到～腸仔脆皮～醬料十足～芝士好香好煙韌～夠哂真材實料！飲埋杯香濃港式咖啡加可可粉，大滿足非常😋下次encore嚟試下Burger先！

依間熱狗店幾得意款式有12款 敢多不同選擇，都唔知點揀好熱狗有d有腸，有d冇腸今次我揀左薯大俠，因為我鐘意食薯仔本身冇腸架，加腸要加$3蚊。

熱狗上仲有熱浪薯片，微微嘅辣，好特別！唔錯，唔錯發現依到d熱狗可以不同配搭，價錢又抵一個熱狗+一杯飲品都係$29 抵！

29 熱狗店餐單提供西式, 三文治, 漢堡包, 小食店等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「29 熱狗店」有何 comment？

29 熱狗店餐廳詳細資料：

• 29 熱狗店地址:
  長沙灣元洲街213號美居中心地下70號舖
  29 HotDog, Shop70, G/ F, Manor Centre,213 Un Chau Street, Cheung Sha Wan
• 29 熱狗店電話:  
• 29 熱狗店價錢: $50以下
• 分類: 西式, 三文治, 漢堡包, 小食店
• 座位: 未知
• 付款: 現金
• FB專頁: 29 熱狗店 Facebook

更多29 熱狗店相關資料:

• 29 熱狗店分店
• Youtube
• Facebook
• Twitter
• Google