麵尊 銅鑼灣

麵尊 評價 相片

想起家人躲在家裡防疫, 必定有點悶.    今晚我買了外賣回家, 使大家都變得好開心. 行到銅鑼灣人氣地區,  Vpoint  樓下,  最經濟, 慳家, 必然是買 "車仔麵" .麵尊  ~ 是我目標店.招牌吸引,往入望,  金漆牌片 "麵尊 " 看來幾威風.店內整齊清潔, 感覺不同一般車仔麵家.  牆上餐牌食物介紹清晰.  三十多款餸, 餸料每款 $10, 粉麵每款 $10.店員給我外賣餐單, 通知分開每碗填一張.我分別點了 "大尊"  "細尊"  再加餸.  埋單 $142.   只等 十分鐘, Pack 好了, 可以取走.發泡膠盒保溫好, 回家後, 食物仍然暖.打開盒蓋, 好豐富啊 !!" 大尊"   有傳統豬紅, 蘿蔔, 豬皮, 咖喱魚蛋, 紅腸, 菜.  份量不少. "細尊"  也有傳統豬紅, 蘿蔔, 豬皮, 咖喱魚蛋, 紅腸,  只是比 " 大尊"  少了菜. 淨豬頸肉,   $30 ~ 分開盒,  肉質鬆, 香味滿溢,  五香牛腩,  我叫了兩份, 只 $20.   也是分開載, 牛腩口感軟滑, 五香味濃.魷魚,  夠辣又入味, 口感彈牙. 咖喱魚蛋,  微辣, 口感彈.湯底,  豬骨味濃.    分開載,   大家可以自由添加. 豬皮~ 乾淨無沙, 索晒湯汁好好味.幼麵條,  軟硬度剛好.   紅腸, 也不錯.豬紅 ~ 軟熟無腥味.   米線 ~ 烹調時間剛好, 不會太稔.店家有秘製醬料:  咖喱及麻辣醬.  我都買了回家給媽 媽試試.

銅鑼灣登龍街一向是食肆集中地，無論是地舖抑或商業大廈樓上鋪，各種價位、檔次及口味的餐廳應有盡有。

不過，餐廳數量實在太多，競爭非常激烈，多間餐廳開業未夠一年就轉手的情況經常發生，能夠生存三年以上的餐廳屈指可數，其中一間竟然是街口的車仔麵店；並不是說該間車仔麵店唔好食，只是很難相信一間小店可以支撐高昂的地舖租金。

可能有這個成功例子，竟然吸引了另一間車仔麵店進駐登龍街，還要位於落只有三年多的「V Point」地舖，租金應該更加貴。

「麵尊」原址也是車仔麵店，上手在2018年開業，幾個月之後，就換了名字。

不過，基本裝修保持不變，簡直可以說是原封不動；唯一改變就是其中一幅牆變成了餐牌，掛上一個個寫了車仔餸菜名字的膠牌。

小店有自家秘製麻辣醬及咖喱醬，兩種都是車仔麵店近年非常流行的醬汁。

車仔麵餸及粉麵種類唔算特別多，但也差不多有齊最受歡迎的大路款式，每款$10；以銅鑼灣區的旺舖地帶來說，價錢尚算可以接受。

揀了五款都算經典的車仔餸：豬大腸、蘿蔔、豬紅、咖喱魚蛋及咖喱魷魚。

見到碗車仔麵之後，信心即時打了折扣。

湯底顏色太深太黑，似乎落了太多味料，有點假。

咖喱魷魚及咖喱魚蛋賣相就更加不敢恭維，既沒有咖喱汁，外觀也不討好。

油麵也太硬太乾。

咖喱魚蛋太大粒，表面又凹凸不平。

咖喱魷魚雖然已經預計是普通泡水乾魷魚（典型車仔餸），但意料之外竟然沒有用任何醬汁熬煮，只是最普通的泡水魷魚 ⋯⋯ 只有淡淡的粉紅色，完全不能接受；雖然味道有少少香辣，但欠缺了濃濃的咖喱醬汁已足以使味道大打折扣。

豬大腸同樣難食。

豬腸臊味竟然未完全清除，即使用了滷水煮漬，也未能去除臊味。

質感又腍又脢，欠缺了好食豬腸的少少煙韌、少少彈牙、少少嚼勁。

豬紅味道算是最好的了，最低限度沒有臊腥，口感也做到少少煙韌、少少爽口。

埋單 $70。

以今時今日的物價，這碗五餸車仔麵連一罐汽水已經唔算貴了，而且，小店還是位於銅鑼灣地區的大大間地舖。

不過，味道就真係麻麻地，甚至可以叫做難食。

自稱麵「尊」？咪講笑啦！

記得以前喺中環嗰邊返工，成日都會特登走去上環幫襯麵尊，貪間舖頭有老老實實，以食物為尊👍突然見到佢喺銅鑼灣登龍街開咗新鋪，原來已經開咗至少一年，我而家先發現😂今日特登一人自私食😆佢所有麵同材料都統一係$10，好易計，好方便雞腎+酸齋+豬紅+河粉～我略嫌佢🌟雞腎硬左少少，應該係滷完擺左喺乾嘅地方，如果煮完後，啲滷水汁都繼續浸住啲雞腎就唔會有呢個情況了🤗🌟酸齋好好食，酸甜味道足夠，同齋舖嘅有得fight🌟我最滿意嘅就係呢個豬紅，食落有層次，外味濃，內軟滑，有啲台灣鴨血嘅感覺👍河粉係幼身河粉，煮得剛好，唔會糊！👍除咗食物之外，都欣賞店家嘅細心，用板隔開啲位，遵守全民抗疫嘅規則👍👍

銅鑼灣登龍街出晒名多嘢食，餐廳琳琅滿目，行行下突然見到呢度，有間車仔麵店，應該喺呢條街唯一嘅港式車仔麵舖頭😄餐廳名叫～麵尊，聽聞佢長期都係排長龍，趁今日下午3:00呢啲時間黎到，冇乜人，即刻試吓先😄豬頸肉五香牛腩河粉 配 炸魚皮～🌟五香牛腩整得好好食，夠入味亦炆得夠淋，推介👍🌟豬頸肉就比較遜色，比較硬身之餘，亦都冇牛腩炆得咁入味，我個人覺得呢味餸仲有進步空間😅🌟好欣賞佢哋嘅炸魚皮～店家好細心，喺呢個抗疫時間，亦識得將炸魚皮獨立包裝，乾淨衛生之餘亦夠脆👍🌟 河粉煮得啱啱好唔會太淋👍提提大家可以試吓佢哋嘅勁辣沙嗲醬，加喺麵度係免費，少辣已經辣到我要狂飲嘢，不過嗰陣味真係好正，食得辣嘅朋友可以試吓👍👍

今次黎到銅鑼灣登龍街掃黃，$40就食到三餸一麵既車仔麵，係銅鑼灣黎講，係好抵食一入到去，個裝修有香港情懷，又有好多pepe公仔。

嗌左牛腩蘿白生菜米粉，加腩汁。

牛腩好淋好食 蘿白夠甜又入哂味，生菜既份量好足另外嗌左咖哩水魷豬頸肉豬大腸米線，加麻辣汁。

樣樣都好食，豬大腸又洗得夠乾淨，無內臟臭味。

最後嗌左個小食，$20雞翼尖，好入味!!!!!!!!!又滷得好淋，入口即化。

總括依然，樣樣都好食。

😋😋😋

麵尊餐單提供港式, 車仔麵等推介美食位於銅鑼灣區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 23263062 查詢。

您對於銅鑼灣餐廳「麵尊」有何 comment？

麵尊餐廳詳細資料：

• 麵尊地址:
  銅鑼灣登龍街18號VPoint地下5號舖
  Min Jun, Shop5, G/ F, V Point,18 Tang Lung Street, Causeway Bay
• 麵尊電話: 23263062
• 麵尊價錢: $51-100
• 分類: 港式, 車仔麵
• 座位: 未知
• 付款: AlipayHK,支付寶,現金
• FB專頁: 麵尊 Facebook

更多麵尊相關資料:

• 麵尊分店
• Youtube
• Facebook
• Twitter
• Google