樂心冰室 銅鑼灣

樂心冰室 評價 相片

路過銅鑼灣見肚餓，諗住求其入廳記食個tea醫肚，點知就出事啦叫左個雞脾沙律，一上枱外貌正常無問題，點知一切隻雞脾就中招啦。

。

咁大個人未試過食一隻實肉既卥脾切落去硬硬地，食落口又無卥水味，都算啦。

點知一山還一山低....沙律完全無沙律味，粟米又係無味，我心諗家陣啲罐裝甜粟米好貴咩食完個tea即刻覺得大乜乜個啲連鎖店其實比想像中好。

相信大家都有同感，只要自己係某地區經常遊走，好自然就會搵到自己喜歡既餐廳而不停地覆桌。

早在三年前我在銅鑼灣工作，大大小小餐廳都差不多試過曬，其中一間我會間唔中都掛住個味道、會覆桌的餐廳就是「樂心冰室」！一般冰室基本操作都是果啲ABCDEFG餐... …，而「樂心冰室」最吸引我既其實係只有一個飯，就是「皇袍义燒飯」，補充番先，我有試過曬佢哋既其他食物，水準都係唔錯，例如佢哋既焗飯同茶餐其實都算幾好食。

只係呢個「皇袍义燒飯」太出色了。

所以之後嚟親呢度都只會叫呢個义燒飯。

點解我咁情有獨種鍾呢？當然有原因啦，我自己本身就係一個义燒腔，覺得好食既义燒主要食兩樣野。

第一樣係外層的蜜汁Juice既口感同口味, 第二樣就係半肥瘦爽口彈口既口感。

而「樂心冰室」就係偏向後者既選擇。

大家都明义燒肉質時肥、時瘦，肉質口感好難保持同有保證。

但「樂心冰室」呢個「皇袍义燒飯」既肉質係我四年內食過超過50次以試上。

每一舊义燒既肉質都係同一個口感，肉質鬆軟，筋部爽口彈牙。

所以我相信佢哋既「义燒」應該係特吃別選用豬既特定某個部位燒製的。

而這個堅持我係非常欣賞的。

而「义燒」外層蜜汁味道雖然未算特別的Juice，但整體都係一個非常好食既「义燒」。

加埋幼滑既炒蛋同甜豉油。

呢個「皇袍义燒飯」就變得非常無敵了！

日本有個飯叫做親子井 即係有雞同蛋 ，雞係媽媽 蛋自不然係子啦我今日都叫左個港式親子井，有雞髀同雞蛋首先個蛋好嫩滑架 ，水噹噹不知幾咁滑，而隻魯水雞髀又不知幾咁滑呀，多汁到爆架，蛋最好撈埋白飯啦，有埋魯水汁撈，親咁已係一碟高水準架碟頭飯啦！多蛋又有雞肉，食左好多肉蛋吸收曬一日所需蛋白質，仲要包埋野飲，都只係50幾蚊當然出街食碟頭飯係平靚正又快，但都有通病就係係菜啦 ，有時加返兩條菜，見到綠色我會好感動飯一個人都食唔曬，食量細可以order 少飯啦，惜食唔浪費

過年頭幾日假期都要返工，係依幾日先補返假期，過年氣氛都冇晒。

加上疫情影響，又要掃描個政府app 先入得去食野，本來就更唔想出街。

難得阿媽話想去銅鑼灣買野，咁就去咗。

我阿媽都係有要求之人，平時好少聽到佢讚邊間餐廳好食。

今次隨機去到樂心，都係我好耐之前去過，同埋有少少攰，所以就入去。

門口又要量體溫又要掃描，店員話唔洗急可以入咗去先，原來佢地個個位都有一張二維碼，真係聽明。

我叫左下午茶雞脾沙律，阿媽就叫餐蛋治烘底。

佢隻雞脾好有肉汁，唔係棄你型。

重點係個烘底，要加$1，好耐冇食到咁脆口既烘底。

我阿媽仲話加$2都肯比，可見質素。

其實有冇心做食客一食便知，淨係睇件烘底就知係用心之作。

皇袍叉燒飯（$60）呢間叉燒係佢哋嘅招牌 係三成肥七成瘦嘅厚叉燒 炒蛋好足料 🍳就咁望好似起碼落左3隻蛋咁多 炒蛋嫩滑 一啖食過蛋叉燒白飯又幾正嘅😂 不過略嫌豉油落得太多 差唔多粒粒米都有豉油 食到尾就愈黎愈鹹😯

樂心冰室餐單提供港式, 甜品, 糖水, 茶餐廳, 冰室等推介美食位於銅鑼灣區，餐廳座位數110人均消費約$50以下，結賬可以用現金，Booking訂位可以電話致電 29727811 查詢。

您對於銅鑼灣餐廳「樂心冰室」有何 comment？

樂心冰室餐廳詳細資料：

• 樂心冰室地址:
  銅鑼灣渣甸街54-58號地下
  Glee Cafe, G/ F,54-58 Jardine's Bazaar, Causeway Bay
• 樂心冰室電話: 29727811
• 樂心冰室價錢: $50以下
• 分類: 港式, 甜品, 糖水, 茶餐廳, 冰室
• 座位: 110
• 付款: 現金
• FB專頁: 樂心冰室 Facebook

更多樂心冰室相關資料:

• 樂心冰室分店
• Youtube
• Facebook
• Twitter
• Google