從⋯異世界 銅鑼灣
地址: 銅鑼灣波斯富街21-27號2樓
西式, 甜品, 糖水, 咖啡店, 樓上cafe, 主題餐廳銅鑼灣餐廳
最後更新:
從⋯異世界推介
採用了著名動漫《Re:從零開始的異世界生活》的名字，為一家女僕及動漫主題的餐廳。由香港模特兒馬俊怡RoseMa所開設，同時亦可作各動漫活動的展覽場地、表演舞台。
銅鑼灣從⋯異世界
| 餐廳分店 | 從⋯異世界 |
|---|---|
| 地區 | 銅鑼灣 |
| 電話訂位 | 24240112 |
| 餐單 Menu | 西式, 甜品, 糖水, 咖啡店, 樓上cafe, 主題餐廳 |
| 人氣指數 | 969 |
| 價錢幾錢 | $51-100 |
從⋯異世界訂位位於銅鑼灣區，詳細地址是銅鑼灣波斯富街21-27號2樓，餐廳寬敞座位數目共有未知幾多個。從⋯異世界幾錢？價錢優惠後人均消費大約$51-100埋單，早餐午餐晚餐從⋯異世界餐單包括有西式, 甜品, 糖水, 咖啡店, 樓上cafe, 主題餐廳等美食，付款方式有現金,八達通付款，Booking網上訂位可以電話致電 24240112 查詢訂座。
從⋯異世界優惠
從⋯異世界 評價 相片
由「電競女神」Rose Ma 開既(從…異世界) Re:Worlds Maid Cafe，以藍、白為主色調，入去之前係門口搖一搖門玲，可愛既女僕就會跳出黎，好浪漫咁帶住你入去你今晚既dining table，從呢一刻開始，你就是一個主人master。
進入異世界前 請輕搖鈴鐺召喚女僕！咁難得嚟到女僕cafe當然要同kawaii嘅女僕留倩影，佢呢度有幾款套餐我哋揀，揀咗比較經濟嘅『開掛人生套餐x2 @240 each』，套餐包括有直筆單張x1、主菜、甜品、飲品。
蛋包飯，先跟女僕一齊施魔法唸咒語，就算唔識日文都要落足力。
然後女僕用佢支番茄筆喺蛋包飯上面畫圖案，我哋畫咗萬人迷比卡超！黃色底嘅蛋包飯，當然要搵啲黃色嘅卡通人物，eg Minions。
玫瑰花茶，採用優質斯里蘭卡英式果花茶包，茶味不算濃，卻入口滑身，玫瑰香突出，帶薄薄回甘香，氣味清爽。
用新鮮生果打成嘅smoothies，十分迷人，呢杯有士多啤梨同埋香蕉，相當smooth，而且充滿奶香。
流心心太軟，做到cream暖暖地，真係做到流心嘅感覺，都幾creamy。
小確幸，喜出望外嘅係甜品都幾高質，有較高級嘅冧酒提子雪糕，加咗啲棉花糖威化脆脆等等，最後可以同女僕一齊影相，當然食得相當幸福！
知名電競女神 Rose ma最近係銅鑼灣開左一間從....異世界女僕cafe, 今日就捉埋男友一齊黎潮聖。
Cafe位於2樓，門外設有搖鈴。
客人先搖鈴噹，就可以召喚女僕。
女僕先在店內幫客人量度體溫及附消毒搓手液就可進入店內。
坐低後，女僕首先會給［客人守則］ 給客人細閱。
每桌上均設有搖鈴用來召喚女僕。
餐牌有4個套餐～我地分別都叫左［開掛人生］套餐$240包（即影即有單張+主餐1份+飲品1杯+甜品1份）夏祭 蘋果芒果口味奶昔，唔會過甜。
絕對領域 用藍橘子口味沖製的梳打特調，顏色夢幻又幾順口。
上菜時，還有女僕教你念變更加好味嘅魔法！因仍在試業當中，女僕表示主菜暫時只提供蛋包飯。
仲可以請女僕按照自己喜好畫上心愛嘅公仔。
男友要求畫嘅籃球圖案同我心愛嘅布甸狗都畫得非常神似，都真係不得不佩服女僕嘅畫工。
嫩滑足料雞蛋下內藏茄汁煙肉炒飯，還加入黑椒調味。
朱古力香蕉waffle 同樣畫上QQ圖案。
Tiramisu 咖啡酒味都幾濃郁。
呢間以女僕主題cafe 來講，食物質素合格以上。
星期日去開銅鑼灣逛街，某人帶我去體驗女僕咖啡店，好期待哦....咖啡店位於2樓，上去時經過1樓有夾公仔機，拖友可以玩吓先去食嘢要响門口搖鈴呼喚女僕來引領入坐，店內有點Cyber feel，枱面搖鈴讓客人呼喚女僕，女僕會跪下或蹲下幫客人落單，好似入咗日本漫畫世界。
第一次體驗揀咗 "開掛人生" $240有一張相、一份主食、一杯飲品、一份甜品。
主餐係蛋包飯，仲可以用茄汁畫客人喜好的公仔在蛋上面。
滑滑蛋皮下面係煙肉粟米飯，撈埋蛋同茄汁，濕濕哋，味道好夾又開胃。
絕對領域係梳打特飲，顏色好靚，睇得又飲得。
藍莓水果茶好香又夠味，唔錯喎。
甜品揀咗曲奇雪葩窩夫，窩夫外脆內軟，配埋曲奇雪糕更加好味。
士多啤梨聖代<=>草莓新地，士多啤梨雪糕唧上草莓醬，灑少少彩糖粒，再插2條手指餅，造型不錯。
食完嘢，仲可以揀一個心水女僕，同佢影返張即影即有合照添。
女僕咖啡店有客人守則架，配合一吓更好玩。
女僕cafe不是男士到訪專利，身為女士的我一直以來都甚感好奇，此風氣終於吹至本港，在銅鑼灣開設香港女僕cafe！充滿好奇心的我已急不及待在cafe試業期間到訪光顧途經1樓商場夾公仔場地後步上2樓，跟隨日本歌曲行走便會到達女僕cafe門口，寫上餐廳名子的牆身下放了數張椅子方便食客等待，當晚平日人流不多，無需等位門口掛著鈴噹，提示客人如需召喚女僕請輕搖鈴噹。
疫症期間，女僕還幫忙量體溫及搽上搓手液後便可進內就座就座後女僕會講解在cafe內用餐規則，總括最重要兩點：不可說粗言穢語及不可隨意拍攝女僕身影或臉孔，合照需收費。
亦可見每枱均擺放著與掛在正門相同的鈴噹。
如有任何需要召喚女僕，鈴噹一響女僕便會趕緊上前，如人場人流較多，女僕可能混淆鈴噹聲，只需示意即可餐牌內主要分為4大項目，有主食、飲品、甜品及合照收費區，可散叫亦可選擇套餐，套裝則有4款供選擇。
雖然cafe在試菜期間主食只供應蛋包飯，但這正是女僕cafe最標誌性的一道菜，也是必點之一！對女僕世界每件事物都充滿好奇的我倆決定點選2個「開掛人生」套餐看似平平無期，沒有特別裝飾或打扮的百利甜酒朱古力味道不錯，質感較一般熱朱古力稀，但味道以百利甜酒為主並帶出淡淡朱古力味，容易入口之餘又不失酒香，兩者比例剛好，做到百利甜酒與朱古力混合的精髓。
正當想喝之際，女僕示意一起為食物施展美味魔法！其後每一道食物呈上後都會施展魔法，雖然過程有少許尷尬，但也是個特別的體驗以芒果作為「夏祭」之飲品主題確實頗有夏天的感覺，芒果沙冰呈忌廉狀順滑，明顯看到粒粒紅色蘋果皮，味道有如溶化的芒果雪糕，但蘋果味卻不太明顯，內有椰絲增加口感，椰絲份量剛好不會阻外飲用，甜度適中蛋包飯雖整作簡單，但等待需時，因為多功能的女僕除了招待客人外還需整作食物及助娛表演，佩服佩服！熱烘烘的蛋包飯呈上後，女僕隨即墩在旁詢問我倆想繪畫的圖案，我只說了：「要可愛的！」最後兩位女僕分別畫了可愛貓貓圖案及美化版樣貌的我在蛋包飯上，真懂逗食客開心，完成品放在枱面上影個不停，既簡單又可愛半流動狀態的炒蛋鋪在炒飯上，炒蛋嫩滑重蛋味。
被蓋著的炒飯滲出淡淡茄汁味，與粟米粒及煙肉片炒勻後增添口感，與唧在表面作裝飾的茄汁醬一同進食，再次帶出蕃茄甜酸，開胃地一口接一口便不知不覺吃光了整碟蛋包飯了Tiramisu 層次分明，兩層蛋糕帶有淡然冧酒香同時保留到蛋糕鬆軟，不會因過於浸泡而淋散，夾雜著挺身軟滑的忌廉，忌廉還帶著淡然牛油味，加上表面一層輕薄的朱古力粉，製造出多重口感，而且甜度適中足滿神秘感的限定女僕DIY蛋糕相信定期轉款，今次品嚐到的是檸檬蛋糕，蛋糕表面的黃色醬汁帶出香濃檸檬味，挺身忌廉包裹著一層清幽檸檬果醬，層次感不及Tiramisu ，口感主要以忌廉為主，較容易有飽溜感最後當然要與勞苦功高的女僕們合照一張吧！獻醜的我只好跟隨地來一個Kawaii風，她們還把即影即有畫得可愛不而，留下一個美好的初體驗餐廳大門旁還有一台裝滿在女僕cafe工作的女僕照片供夾取，可以支持一下喜歡的女僕，把它夾回家～
呢日嚟一個新嚐試，就係去咗女僕Cafe😂，聽就聽得多，但去都係第一次。
我哋喺大廈樓下已經望到大大個廣告，要行樓梯上去，首先會經過一樓夾公仔嘅樓層，再上多層就係。
Cafe應該真係新開張無耐，有一邊好似仲未裝修好🤔。
不過環境好大，適合搞大型聚會。
當我哋進入異世界前，我哋係要先輕搖鈴鐺🔔，召喚女僕，好快女僕就出嚟迎接我哋。
第一次去女僕Cafe，感覺真係好特別🙈，好唔慣咁好服務。
女僕首先同我哋講解主人／大小姐嘅守則，例如唔好玩鈴鐺、唔準講粗口同騷擾女僕等等🤣，好搞笑。
我哋一場嚟到，又未食晏，所以就一人要咗一個開掛人生Almighty Life套餐($240)，即係包一張即影即有、主食、飲品同甜品，都幾豐富👍。
我留意到餐牌上有部份嘅食物名稱比較特別，好過癮，哈哈。
首先嚟到嘅係飲品，我要咗梳打特調系列嘅絕對領域🍹(原價$68)。
飲品好大杯，味道有啲複雜，飲到大概有啲水果味？好似有檸檬味🍋同波子汽水味。
我朋友就要咗水果沙冰系列嘅未聞花名🌺(原價$68)，同樣係大大杯。
呢杯實際係士多啤梨🍓芒果🥭沙冰，都幾真材實料，飲得出用上唔少水果。
味道比較酸，士多啤梨味比芒果味出，所以飲品係偏粉紅色。
由於係沙冰，飲到有啲啲頭痛，哈哈哈。
到主角出場喇😍，就係蛋包飯🥚(原價$88)，仲有女僕親自為我哋用茄汁畫上可愛嘅圖案。
今日為我哋服務嘅係Miyo，佢除咗好可愛之外，仲好有藝術天份🎨。
佢問我哋想畫乜圖案，我哋就即管話蠟筆小新啦，因為係我至愛🙈。
其實只係求其講下，畫唔到都無所謂，點知佢勁犀利同勁好心機，無論小新定小白，都畫得超神似！由於唔可以影食物同環境以外嘅相，所以未能影低Miyo畫嘅過程😖。
但製成品真心好靚，影咗好耐相先捨得食。
不過食之前係要先施魔法嘅✨，起初有啲尷尬，但只要跟住女僕做就OK😳。
蛋包飯味道正常，蛋入面嘅係茄汁炒飯，如果濃味啲會更好食。
炒飯落咗煙肉粒🥓做配料，比想像中無咁寡。
雖然味道無特別，但有女僕親自畫公仔，即刻扺返哂。
我估餐廳因為試業嘅關係，所以主食暫時得蛋包飯一款。
甜品方面，我要咗Tiramisu🍰(原價$42)。
蛋糕幾大件，味還好，但白色嗰啲似普通忌廉多過係Mascarpone Cheese。
Anyway蛋糕碟上畫上可愛嘅兔兔圖案🐰，好QQ。
我朋友就要咗抹茶果凍聖代🍨 (原價$78)。
呢個Parfait都唔錯，🍵抹茶味唔算淡，而且有好多料，例如蕨餅、棉花糖同蛋卷等。
題外話，我想講多兩樣關於女僕Cafe嘅特別嘢。
第一樣係呢到呼喚女僕侍應生時係要用鈴鐺㗎🎊，唔知點解搖嗰陣我有少少怕醜👉🏻👈🏻。
第二樣就係女僕除咗幫我哋落單同畫蛋包飯外，佢哋另一個隱藏身份就係廚師👩🏻🍳！呢到無大廚㗎，廚房由佢哋主理，嘢飲嘢食都係佢哋整。
我見場內有唔少熟客仔👦🏻，好似成日嚟幫襯咁，女僕仲同佢哋玩Board Game添。
最後，我哋個餐係每人包影一張即影即有相片的，但如果兩個人一齊同女僕影同一張相，就已經會計兩張。
我哋搵返Miyo一齊影相😛，佢好好人，仲用手擺心心手勢❤️，不過相片就不便公開XD。
總括嚟講，呢次嘅女僕Cafe體驗真係好新奇，同想像中差唔多，但更為Causal！雖然食物同飲品味道唔係賣點，不過勝在消費唔高、最低消費$78就已經可以嚟見識下。
我喺到再次推介要嗌蛋包飯🍚啊，真心值回票價😘。
從⋯異世界餐單提供西式, 甜品, 糖水, 咖啡店, 樓上cafe, 主題餐廳等推介美食位於銅鑼灣區，餐廳座位數未知人均消費約$51-100，結賬可以用現金,八達通，Booking訂位可以電話致電 24240112 查詢。
您對於銅鑼灣餐廳「從⋯異世界」有何 comment？
從⋯異世界餐廳詳細資料：
- 從⋯異世界地址: 銅鑼灣波斯富街21-27號2樓 re:Worlds Maid Cafe, 2/ F, Pun Tak Building,21-27 Percival Street, Causeway Bay
- 從⋯異世界電話: 24240112
- 從⋯異世界價錢: $51-100
- 分類: 西式, 甜品, 糖水, 咖啡店, 樓上cafe, 主題餐廳
- 座位: 未知
- 付款: 現金,八達通
- FB專頁: 從⋯異世界 Facebook
更多從⋯異世界相關資料:
香港餐廳2026推介9月