張生記 銅鑼灣
地址: 銅鑼灣新寧道8號中國太平大廈2樓
最後更新:
張生記推介
「張生記」自1988年在杭州創店以來，一路精研江南菜式，將名不經傳的「張生記」打造成江南菜的金漆招牌。餐廳內設九間貴賓房，每間貴賓房可容納十至十四人。
銅鑼灣張生記
| 餐廳分店 | 張生記 |
|---|---|
| 地區 | 銅鑼灣 |
| 電話訂位 | 27776068 |
| 餐單 Menu | 江浙菜, 中菜館 |
| 人氣指數 | 988 |
| 價錢幾錢 | $401-800 |
張生記訂位位於銅鑼灣區，詳細地址是銅鑼灣新寧道8號中國太平大廈2樓，餐廳寬敞座位數目共有100個。張生記幾錢？價錢優惠後人均消費大約$401-800埋單，早餐午餐晚餐張生記餐單包括有江浙菜, 中菜館等美食，付款方式有Visa,Master,現金,AE,銀聯付款，Booking網上訂位可以電話致電 27776068 查詢訂座。
張生記優惠
張生記 評價 相片
銅鑼灣高級中菜館選擇不少，「張生記」無論是食物質量、服務質素、店鋪環境都較出色，重點還有特惠套餐，性價比更高。
店鋪裝潢大氣中帶著古香味道，以簡潔餐具配上各種木製用具，突出中華簡單卻華麗之處。
桐鄉胎菊王桐鄉胎菊，顧名思義就是菊花初形態，為菊花的花蕾，又稱蕾菊。
花瓣整齊蜷曲，斂成金黃色的小球，包裹花心。
桐鄉胎菊王沖泡的茶湯淡黃清澈明亮，口味清新甘甜。
三潭印月宴全日買一送一，建議人數雙數的點選這套餐。
每人均能享用前菜、湯類、小炒、點心及甜品。
江南前菜兩味海蜇頭拼墨魚腸海蜇頭質感爽脆，咬下富膠質，入口清新爽利。
薄片墨魚腸腸皮薄而脆，腸肉墨魚味足，質感緊緻彈牙，味道鮮甜。
張生記老鴨湯麻婆豆腐龍蝦麻婆醬汁稠度適中，味道麻香濃厚，豆腐滑溜味帶豐富豆香，餸飯一流！蝦肉新鮮、肉質結實彈牙，蝦肉鮮甜惹味，混合麻辣香，味道富層次感。
東坡牛肉伴南瓜餅東坡牛肉肉質柔軟細嫩，醬汁入味香濃。
南瓜餅皮略厚，質感煙韌糯軟，內餡含豐富紅豆蓉，精美甜點。
荷塘小炒蝦肉小籠與一般小籠包有些分別，小籠包皮晶瑩剔透，蝦肉豬肉混合在一起，肉餡結實彈牙富湯汁。
酒釀丸子酒湯稠度適中，入口似羹似湯，帶滑溜蛋白絲。
芝麻小湯圓皮薄餡多，芝麻香濃卻不太甜。
整體來說，套餐設計較完整，可一次過品嚐多款江浙菜式，食物水準均不錯，適合宴請、聚餐。
父母愛吃中菜，這日放工後相約他們到銅鑼灣中國太平大廈2樓吃杭州菜，點好茶後，服務生便奉上花生🥜和辣椒醬🌶。
📍香油馬蘭頭（$128）Malantou (Indian Aster) and Smoked Beancurd Salad with Sesame Dressing🥬菜粒加上豆乾，味道過寡，不太喜歡。
📍蝦爆鱔（$238）Wokfried Eel Fillet with River Shrimp炸鱔炸得香脆可口，配上河蝦🦐，醬汁應該加了陳醋，味道酸酸甜甜十分惹味😋。
📍香乾筍絲炒榨菜($178)味道鹹鹹辣辣 ，算是個不錯的蔬菜🥬。
📍 蔥油餅外面烘脆，伴上甜醬同吃，但香蔥味不夠突出。
📍菜肉大包包子剛蒸好熱辣辣♨️，口感鬆軟，但餡料不夠多。
📍雞頭米南瓜百合（$58）Sweetened Gordon Euryale, Pumkin and like Bulb清澈見底的糖水內加入南瓜粒🎃、嫰滑的蛋白、新鮮爽脆的百合和煙銀的芡實，蛋味香濃🐣，不會過甜，味道有驚喜。
這間坑州餐廳味道不錯，但定價較高，並不大眾化。
真的要特別日子或是公司聚餐才有機會再訪呢😆！
今日老豆生日所以帶佢食好野～呢間主打杭州菜比較少見，餐廳非常優雅，每張枱都有花瓶做裝飾，座位舒服又闊落，枱面有軟墊再鋪上枱布非常貼心舒服！店員做事非常有效率，不錯！頭盤：杭州燻魚賣相一流，望落去好似糖醋排骨咁，估唔到燻魚會有咁大塊，真係非常驚喜！厚厚既燻魚，外層帶少許焦脆，食落香甜惹味，第一口真係唔小心講左句：好好食啊！魚肉鮮嫩入味，外脆內軟，不得了，驚喜十足，惹味十足！必試！（燻魚帶骨，所以食既時候要小心）湯品：宋嫂魚羹材料非常豐富既湯羹，每一匙羹攪起都有料，質地黏稠唔會水汪汪咁，仲有胡椒粉可調味魚肉稍微煎香外皮再落羹，食落有口感，而且每口都有魚肉真係非常滿足，入面仲有肉絲、薑絲、蘿蔔絲、粉絲⋯⋯啖啖豐富既口感，調味剛好唔會淡又唔太咸，再加上少少胡椒粉更添風味！飲完個人會暖笠笠，冬天最岩飲！小菜：家鄉回鍋肉色彩豐富既菜式，大火爆炒火喉十足，非常惹味，味道軟濃送飯一流，入面除左回鍋肉仲有豆乾、筍片、京蔥、青紅椒⋯⋯全部都沾滿醬汁，辣辣地嘅味道非常開胃！小菜：杭三鮮用濃湯煮既杭三鮮賣相一流，材料唔止三樣，有海鮮、豆腐、肉丸、薑粒蛋白丸“？”、魚肚、金華火腿、雞肉、木耳、小棠菜⋯⋯應有盡有，最特別既係薑粒蛋白丸“？”我本身以為係魚蛋，但咬落去非常鬆軟，入面仲有薑粒，口感十分過癮！湯底濃香但唔會太咸，配埋材料一齊食非常正！小菜：杭州東坡肉配蝴蝶夾動L動L既東坡肉，一上枱店員就會幫手用較剪剪開，閃令令既表面睇得出骨膠原十足，夾起既時候仲非常動L既感覺，有啲似啫喱，咬第一啖真係比佢驚艷到，調味滿分，而且東坡肉入曬味，入面既油脂分布平均，入口即溶，不得了！咬左一啖試左原味後再用蝴蝶夾夾住黎食，原本已經切開咗即蝴蝶夾唔會太厚，口感彈牙軟熟，唔會好似饅頭咁硬，食落唔會乾，夾埋東坡肉食更加好味，沾多少少汁會更惹味！簡直係絕配！小菜：蟹肉粉絲煲份量十足即粉絲煲，入面既蟹肉份量都十分之多，睇得出係新鮮蟹再拆散，配埋蔥粒，賣相吸引粉絲濕潤又唔會太多水，彈牙既粉絲配上蟹肉，鮮味十足，一啖接一啖，加埋XO醬真係不得了既配搭，惹味又香口仲帶少少鮮味，正！甜品：酒釀丸子十分推薦既甜品，酒味香又唔會太重，帶上少許桂花既味道，丸子用咗黑芝麻做餡，皮薄彈牙，細細粒既丸子竟然包裹住咁多既黑芝麻餡，一咬落去就有非常濃郁既黑芝麻香味，食落唔太甜！各種配搭都十分出色，係我食過最好食既酒釀丸子！正！
今日同埋兩個朋友加隻佬黎食杭州菜，朋友推介黎呢道話好抵食同好好食，仲有餐買一送一，梗係要試下啦 !! 今晚我地有訂坐，黎到就可以即刻入座。
正 ~~黎到環境都幾高級，好似好多有錢人黎咁 !! 哈哈 ~~ 突然覺得自己高級左 !放枱既兩樣小食都好好味，酒釀南棗 / 雪菜豆腐粒，用黎開一開胃，尤其鍾意食南棗，正 !!我地叫既係 "三潭印月宴"，入面有隻佬最想試既老鴨湯，所以決定叫呢個。
首先黎既係 小食，江南前菜兩味，入面有墨魚腸同埋海哲頭，墨魚腸好正 ~~ 整個口都係墨魚既味道，你睇到佢咁黑就估到佢係墨汁都打埋墨魚肉整成，入面仲有好多粗粒墨魚，堅正 !! 另外仲有個醋香青瓜海哲頭，個海哲勁好咬口，青瓜吸收左唔少醋，好開胃 !!嘩 ~~ 正呀 ! 到張生記老鴨湯，用自己個招牌黎銘名，應該都真係唔少野，味道唔在講，首先講個溫度，不得了 !! 我地最鍾意就係要飲熱湯，呢個溫度正到爆 !! 入面仲勁多料，有荀絲、金華火腿、鴨肉仲有花膠，花膠都唔細架，仲唔係薄添。
湯味道入口完全感受到老火湯 !! 勁濃 ~ 唔會好油，好好味 !! 果然係招牌 ~~侍應上前菜果陣同我地講，龍蝦得2隻，有兩客同我地鮑魚，咁都OK既 ~ 每人都可以試都兩款野食。
開心呀 !! 所以呢個我地黎左既係 麻婆豆腐龍蝦，同隱藏版既 麻婆豆腐鮑魚喇 !! 食之前...完全諗唔到點解會咁整，完來真係好夾，龍蝦冇用波士頓既外國貨，黎到雖然係好細隻，但本地貨勁爽甜。
豆腐又勁滑，以為佢唔入味 ? 又唔係呀 !! 呢個 MOMENT 好想要碗飯添 ~~ 哈哈 !! 我梗係有老笠隻佬既鮑魚啦，佢話佢鍾意鮑魚，而我都係鍾意食龍蝦多D !! 鮑魚咁炒都唔會 UN，都好好味，但我個人認為龍蝦夾D !!再黎就係 東坡牛肉伴南瓜餅，估唔到東坡肉可以用牛，隻佬果舊話佢有一半係肥膏勁香，好在我果舊唔係 ... 入口即溶，正 !! 估唔到南瓜餅都好味，佢入面全部都係南瓜蓉，唔會好甜，都唔錯 !!荷糖小炒，我地只係睇到蜜糖豆，仲估係咪雞脾菇，但原來係蓮藕切左條，兩樣蔬菜都好爽甜，最勁既係底下 ... 估唔到有新鮮既茨實，煙煙UNUN咁，好得意 !! 我地都冇食過新鮮架 !! 呢個幾驚喜 ~ 哈哈食到黎呢道都好飽，我本來以為唔飽 !!! 仲想問要唔要加野食 ~ 好在 !! 每人一隻既 蟹粉小籠包，勁鮮甜 !! 同係出面食既好唔同，肉質唔會散修修，有豬肉既鮮甜味，又有蟹粉既鮮甜，GOOD 到爆 !! 皮又薄，食到飽都好想叫 ENCORE，哈哈 !!再黎就係最後既 酒釀丸子，我地以為粒丸子係普通既粉團，完來入面有芝麻餡，都真係估佢唔到，好用心 !!
位於銅鑼灣的張生記，是一間創自1988年的中國杭州過江龍。
餐廳主打江南菜系菜式，被譽為 「杭州市餐飲業名店」，「中華餐飲名店」丶「國際餐業名店」，是間非常有名氣的著名品牌哦。
張生記氣派十足，地方寬敞，裝潢優雅，寧靜舒適，設有卡位和大圓桌適合一家人一共聚會。
晚市光顧設有套餐或單點，而部份套餐更有買一送一優惠哦。
三潭印月宴 $399/位(優惠 ) $798/位(原價)這個套餐包括: 江南前菜兩味丶張生記老鴨湯丶麻婆豆腐龍蝦丶東坡牛肉伴南瓜餅丶荷塘小菜丶蟹粉小籠包丶酒釀丸子。
江南前菜兩味: 涼拌木耳和糖醋排骨。
味道酸甜醒胃，作為前菜不錯哦。
張生記老鴨湯。
招牌老鴨湯，曾試過一天內沽清，非常誇張呢。
但只要你品嚐過，你就會知道它的厲害之處啦!湯頭用老鴨、筍乾、金華火腿等燉煮四個小時以上製成，濃香不膩，把全部材料的味道也燉出來，鮮香不已，超好吃的哦!麻婆豆腐龍蝦。
氣派十足丶氣勢非凡的龍蝦，值得相機食先呀。
已預先將龍蝦起肉，蝦肉白亮，彈牙軟香，搭配麻辣惹味的豆腐，有另一番風味哦。
東坡牛肉伴南瓜餅。
東坡牛肉燉煮軟腍，摻雜脂肪，質感軟腍。
賣相可愛的南瓜餅，是我最愛的紅豆餡哦。
酒釀丸子。
酒釀酸酸甜甜，是女孩補身佳品，丸子是芝麻湯圓，很不錯哦。
張生記餐單提供江浙菜, 中菜館等推介美食位於銅鑼灣區，餐廳座位數100人均消費約$401-800，結賬可以用Visa,Master,現金,AE,銀聯，Booking訂位可以電話致電 27776068 查詢。
您對於銅鑼灣餐廳「張生記」有何 comment？
張生記餐廳詳細資料：
- 張生記地址: 銅鑼灣新寧道8號中國太平大廈2樓 Mr. Zhang, 2/ F, China Taiping Building,8 Sunning Road, Causeway Bay
- 張生記電話: 27776068
- 張生記價錢: $401-800
- 分類: 江浙菜, 中菜館
- 座位: 100
- 付款: Visa,Master,現金,AE,銀聯
- FB專頁: 張生記 Facebook
更多張生記相關資料:
香港餐廳2026推介8月