尚鮮海鮮料理 銅鑼灣
地址: 銅鑼灣耀華街3號百樂中心8樓
最後更新:
尚鮮海鮮料理推介
中式火鍋店，以新鮮海鮮作主打，另有日式生魚片及燒烤料理。
銅鑼灣尚鮮海鮮料理
| 餐廳分店 | 尚鮮海鮮料理 |
|---|---|
| 地區 | 銅鑼灣 |
| 電話訂位 | 沒有電話提供 |
| 餐單 Menu | 港式, 火鍋, 海鮮, 壽司, 刺身, 中菜館 |
| 人氣指數 | 1645 |
| 價錢幾錢 | $201-400 |
尚鮮海鮮料理訂位位於銅鑼灣區，詳細地址是銅鑼灣耀華街3號百樂中心8樓，餐廳寬敞座位數目共有70個。尚鮮海鮮料理幾錢？價錢優惠後人均消費大約$201-400埋單，早餐午餐晚餐尚鮮海鮮料理餐單包括有港式, 火鍋, 海鮮, 壽司, 刺身, 中菜館等美食，付款方式有Visa,Master,AlipayHK,支付寶,現金,AE,銀聯,微信支付付款。
尚鮮海鮮料理優惠
尚鮮海鮮料理 評價 相片
之前都喺呢間餐廳食過飯 記得佢地嘅打邊爐都幾唔錯 仲有好多款新鮮海鮮揀 味道幾好但今日見涷涷地 諗住再去打個邊爐暖下身 點知又有驚喜喎！😏餐廳喺出名排曬隊撘live嘅百樂中心 一上到去見到咁多獎就知唔少野啦🙈呢到嘅座位嘅舒服 一個箱同朋友坐幾有私穩 隔離仲有電視可以一路睇一路食添🙈而今次個驚喜就係估唔到佢哋有埋私房！應該係因應近期疫情影響 所以有新野試👍🏻好貼地阿！我哋飲酒叫個串燒試吓先！•老火湯🍲•店員仲好好人送咗個老火湯俾我哋飲味道都唔錯 飲落係冇落味精嘅👍🏻•串燒拼盤🍢•呢個拼盤有燒蠔,牛柳粒,牛舌,鮮蝦,獅子狗同粟米•燒生蠔🦪•師傅加埋蒜蓉同埋蔥花一齊燒 蠔新鮮之餘仲好惹味添👍🏻•燒蝦🦐•蝦嘅肉質都好彈牙 而且簡單用鹽醃一醃就已經好入味！•燒芝芯獅子狗🍢•呢個獅子狗都燒得好香 而且一咬落去 啲芝士爆曬出嚟 口感一流阿！•沖繩Orion生啤🍺•串燒加啤酒當然係絕配啦！•自製桂花糕🥣•最後店員仲送多個甜品俾我哋食！呢個桂花榚微甜 食落好清新👍🏻.除咗打邊爐之外 呢度新嘅串燒都唔錯 收工可以嚟啤一啤！
來到銅鑼灣既尚鮮海鮮火鍋，一向都係打邊爐食火鍋，但近日肺炎持續，大家都擔心吾敢再去打邊爐，不過貼心既尚鮮，竟然係呢個時候，推出佢哋既尚鮮私房菜料理，實在令食客感到超級窩心，食得安心同放心。
佢哋既衛生做得非常仔細，一安排好座位，就會馬上提供消毒噴霧比客人消毒雙手，亦提供足夠既濕紙巾比客人享用，啱灑鐘意乾淨既我。
<尚鮮私房料理晚餐😋> 川貝海底椰鱷魚🥣燉湯(位上) 三色刺身🍣(章紅魚/帆立貝/鮑魚) 蒜香燒生蠔 香煎安格斯牛柳粒🐂 雙色煎活海蝦🦐 鮮野菌炒雜菜🥦 黑豚肉炒稻庭烏冬🍝 自家桂花糕🍮$278/位 (二人起)※※另+ $69升級 🦞活波士頓龍蝦另+ 半價享自家花茶🍵(一瓶)另+ $49/位 🍶清酒任飲(90mins)另收 10%服務費🙇🏽♂<川貝海底椰鱷魚排骨燉湯>燉湯非常足料，大大粒紅棗，清潤滋補，入口清甜暖胃。
<三色刺身🍣(章紅魚/帆立貝/鮑魚)>刺身水準高，非常新鮮，而且切功好，帶子同章紅魚都肉厚鮮甜; 鮑魚肉質又嫰滑又彈牙，係必食推介!!~<蒜香燒生蠔>生蠔新鮮肥美，燒得脹卜卜，用好多蒜泥同香葱來烤，蒜香味濃郁。
<雙色煎活海蝦>海蝦非常大隻，共有兩個味，一款酸酸甜甜超級開胃；另一款用尚鮮自家製醬油汁料來煎，蝦肉肉質彈牙，非常惹味好食!!~<香煎安格斯牛柳粒>牛柳粒牛肉味濃，煎得又香又惹味，而且充滿肉汁，入口啖啖肉，非常好食。
<黑豚肉炒稻庭烏冬>烏冬炒得煙煙韌韌，用上好多配料來一起炒，有大大件黑豚肉，椰菜，洋蔥，紅蘿蔔絲等，入口微甜，好好味吖!! <鮮野菌炒雜菜>炒雜菜份量不少，用上好多雜菌同香菇來炒，雜菜亦非常新鮮清甜。
<自家桂花糕>桂花糕有好多杞子，帶有清甜桂花味，入口清新。
<菊花茶>菊花茶大大楂，夠曬冰涼解渴。
餐廳不算很大，但座位間非常闊落，有間開的卡位，亦有間開的房間，私隱度高，非常舒適。
餐廳仲有不同優惠套餐，同埋不同時段既優惠，值得推介呀!!~
冬天每隔幾日就想食火鍋，所以今日同朋友仔去左銅鑼灣百樂中心既尚鮮火鍋海鮮料理 裡面雖然面積唔係好大，但勝在坐得舒服，每枱坐位寛闊。
首先一坐低服務員就介紹有咩湯底，然後好體貼咁問有沒有介口，由於款款都想食，幾經辛苦選了雙拼（秘製傳統土鄉，血池麻辣）$157湯底來到便香氣四溢，忍唔住先喝了半碗火鍋湯底看餐牌見到二人海鮮尚盛（$239）好吸引便叫了，來到果然冇令我失望，食落更加有驚喜，大花甲（名副其實的大花甲）彈牙鮮甜，廣島蠔超大肥香，蟶子王大到要分開3啖食，還有白鱔片和蝦，各樣都食得出好新鮮，呢點好重要！性價比超值！超級推介！牛三併（手切牛邊、特尚手切牛，肉質很嫩很鬆滿滿的牛味，尚鮮雪花牛柳粒油花均勻）（$268）四圍餃尚盛，最想推介蟹皇餃，有埋湯汁係𥚃面非常鮮甜，亦佈滿蟹肉！一試❤上，（$127）鮮炸脆響鈴和百花釀油條，由於係新鮮炸的所以脆卜卜，這個配搭很特別，值得一試（$55）見叫左太多海鮮、肉類，想試一試個皇帝菜（$49），放落去血池麻辣湯底入面效果超正，吸到湯入面「麻」既感覺！最後，服務員服務態度很好，多次幫我們‘不’走湯上的泡泡，主動加水同埋調節火鍋溫度大細。
食食下仲見到老闆親自落手落腳，唔怪之得請回來的伙記都咁細心！
上星期同朋友去銅鑼灣食飯, 曾經食過呢間的打邊爐, 覺得水準幾好, 今次就去試下佢的小菜同串燒。
由於疫情關係, 座位唔滿, 幾闊落, 坐得幾舒服。
卡位座位有小電視可以睇, 幾貼心! 我地叫左2碟前菜同一D串燒。
湯品: 清清地的中湯, 冇乜味精味麻辣浮皮呢款涼拌帶點酸麻辣, 味道有D似掃街食到的特色重慶小食。
豬皮軟而爽口。
泰式海生蝦生蝦幾新鮮, 蝦肉爽彈,一D都唔梅。
同生蒜一齊食增加左味道層次, 好夾。
串燒叫得比較多, 等待的時間好彩唔長, 而且全部一齊上。
牛舌幾香口, 口感偏淋。
豚肉帶子串聽落幾高級, 豚肉有點油脂香氣, 食落幾好味, 亦食到帶子, 但味道被豚肉蓋過了。
生蠔蠔肉幾大粒, 唔會燒到縮晒水, 火候幾好。
咬落去好juicy, 唔腥, 而且蒜味幾香。
帶子好大隻, 幾厚肉, 燒的時間掌握得幾好。
燒白鱔魚脂被火燒後咇晒出黎, 食落好有魚脂香味, 肉質實而滑。
如果份量多D就更好牛肉瘦肉部份較多, 牛味重。
總體黎講, 串燒都算幾好! 可以一試。
星期一悶悶地，最近又常常係屋企食飯，所以同老公今晚晚餐想出街食，經過銅鑼灣耀華街既百樂中心，眾所周知呢到好多層都係食肆之前試過位於八樓既 尚鮮海鮮料理不過之前係食火鍋，都很不錯，原來都有做串燒和其他小食等等.....一於去試試一進去環境依然乾淨企理!有哂消毒設備!令我地食得很放心，坐位都很舒適，卡位仲有電視睇添!我們點了尚鮮海鮮龍蝦湯鍋 烏冬 海鮮份量都很多，而且新鮮，肉質彈牙!湯底係用原材料淆出來的，味道鮮甜，還有牛油香!!烏冬一食就知唔係便宜貨，很滑煙韌!很喜歡!另外點了些串燒芝心牛丸芝心麻糬雞翼首先要讚一讚芝心牛丸和芝心麻糬，未咬已經見到芝士流了出來(個人很喜歡芝士),店員仲好細心提醒小心一咬太多芝士流出來會好熱，果然很多芝士，牛丸彈牙!麻糬煙韌!出色今晚主題是日式串燒居酒屋當然要點埋紙包燒雜菌和日本生啤啦！店裡還做緊優惠，適逢今天是星期一，生啤仲有買一送一添!如果去岩時段還有折扣優惠!真係又抵又好味!下次較岩時間再來幫襯
尚鮮海鮮料理餐單提供港式, 火鍋, 海鮮, 壽司, 刺身, 中菜館等推介美食位於銅鑼灣區，餐廳座位數70人均消費約$201-400，結賬可以用Visa,Master,AlipayHK,支付寶,現金,AE,銀聯,微信支付。
您對於銅鑼灣餐廳「尚鮮海鮮料理」有何 comment？
尚鮮海鮮料理餐廳詳細資料：
- 尚鮮海鮮料理地址: 銅鑼灣耀華街3號百樂中心8樓 Seansin Seafood Experts, 8/ F, Bartlock Centre,3 Yiu Wa Street, Causeway Bay
- 尚鮮海鮮料理電話:
- 尚鮮海鮮料理價錢: $201-400
- 分類: 港式, 火鍋, 海鮮, 壽司, 刺身, 中菜館
- 座位: 70
- 付款: Visa,Master,AlipayHK,支付寶,現金,AE,銀聯,微信支付
- FB專頁: 尚鮮海鮮料理 Facebook
更多尚鮮海鮮料理相關資料:
香港餐廳2026推介9月