Casa Pennington 銅鑼灣

Casa Pennington 評價 相片

天氣熱，食下海鮮，係銅鑼灣區找到有生蠔嘅餐廳，無意中找到呢一間餐廳所以即興在電話中查詢book位，最後一張枱，6:30 上到餐廳，同 OpenRice 話環境一樣，服務員也友善，坐位安排 舒服，燈光光缐👍🏻，心唸終於找到間 落腳 地方可以 經常 book ，所紅酒🍷選擇 種類 ok ， 酒杯不是太差，正常，之後先試 生蠔買一送一，（當日有六款生蠔做推廣） 先試了 3 款，主要法國生蠔， 味道不過不失， 頭盤 order 了沙律菜，只有 菜味，沙律汁、芝士 略少，第二道蟹肉球紅桑子忌廉泡沫同蟹肉不是太來，第三道帶子意大利飯係 可以，M5和牛西冷有D失望，肉質太多血水，估計處理過程當中欠功夫，整體 一般

👨🏻‍🍳食物：生蠔係必食的， 有十幾廿款選擇， 有一半做買一送一， 又新鮮又大隻， 絕不唏場！ 朋友介紹意粉比肉類出色， 另外必食梨撻，我朋友本身腸胃唔多舒服都令佢有返胃口！ 每人食左半個成塊面咁大既梨撻！ 🏙環境：銅鑼灣旺中帶靜既 比較隱蔽，見到Firebird (日式串燒餐廳） 左面大廈/service apartment入口上電梯3樓就搵到。

風格低調， 燈光偏暗， 私隱度高。

🤵🏻服務：非常體貼， 每道菜都換你換過新的餐具、 唔係淨係換碟啊！ 十分難得！另外，甜品寫上好靚既美術字Happy Birthday！💰價錢：買一送一生蠔最抵食！ 人均$300！ 仲可以做會員儲分！ 生日有甜品送！

2nd Anniversary 男朋友選擇了呢間餐廳，原因是因為我好鍾意食魚，而呢間既sea bass 好出名果然係不失望，鱸魚厚切大件唔在講，表面脆身，魚肉鮮味，嫩滑，充滿豐富既肉汁，配菜亦有驚喜，有紫薯蓉，露荀，蕃茄，配合起黎bravo,如果你本身都鍾意食魚，呢個一定無介紹錯另外，當日都叫左一個炒意粉，雖然簡簡單單，但味道都非常好😁訂位時，男朋友留了甜品，餐廳待應（我估應該是老闆）很有心思在碟上畫了非常之靚既畫花，好驚喜，估唔到餐廳有呢個額外service,而且推薦的柚子雪芭都好好味，清除油膩既感覺😋重有一點想提提係，我估係老闆既staff影相超專業，見到枱上面有紙巾，主動移走，免得破壞照片我構圖，值得一讚👍🏻👍🏻👍🏻

Father's day dinner爸爸最愛生蠔以前會揀自助餐任食到夠（我爸可以一個人食30隻呀🤦🏻‍♀️)而家反而覺得食d 有質素既蠔先係開心朋友介紹呢間蠔吧由於分時段 於是揀左8~10pm店面比想像中細左d蠔menu有好多款不過唔關我地事因為我地只係睇買一送一個6款😂爸爸偏愛creamy 或 爽口既蠔店員介紹左3款法國蠔：#JuliaMauger#FleurDesEaux (水中花）#Josephine3款都係啖啖肉！水中花海水味最重，Julia Mauger 少少海水味 ,大大隻～Josephine 最淡味但最滑，我地最中意呢款！於是不停repeat, 最後3個人食左3打蠔😂跟住先食正餐😂輕煎北海道帶子好香 帶子好軟熟好好食 不過有d 貴🙈白酒抄活蜆好鮮甜！個酒味亦岩岩好。

正！西班牙黑毛豬扒好好食呀！肉質好正😍薯仔又香煎 好好食海膽蟹肉意粉食左3打蠔之後發現呢個份量唔多唔少岩岩好😂個汁都係有海膽但爸爸嫌面頭d 海膽唔夠多😂我地食個陣已經凍左少少（因為掛住食豬扒😂）如果趁熱食應該更加好味甜品叫左pear tarte 好大份 4個人食都夠lol熱熱的酥皮包住啤梨 面頭有d 焦糖好飽加埋支酒埋單$3500

過海食西餐，朋友比餐廳名我個陣已經覺得好面熟，因為佢地有一個「畫家」廚師，響甜品碟上畫出滿分的畫作，記得佢比左一晚十分開心愉快的夜晚我，所以食飯除左食物外，同咩人食，遇到咩事都係一樣好值得紀念架唔講咁多我最遲到，無得話事叫咩食，朋友已經選好曬喇，咁就go ahead 啦先來兩打生蠔，兩碟一樣就影其中一碟，四款蠔分別係American Pacific , Arousa， La Magnifica, St VasstAmerican Pacific (USA）肉厚肥大，鍾意大大隻口感滿滿就試佢Arousa (Spain) 海水味濃，好creamy 肥dodo, 肉質爽口La Magnifica (France) 肉身飽滿，口感幾幼滑帶甜，粒帶子好鮮甜要食埋呀St Vasst (France)海水味濃，蠔邊爽口，食完有甘甜味之後來左一客小食香煎芝士再來我同另一個friend encore 多三隻生蠔，Fleur Des Eaux, Sentinelle, American Pacific Fleur Des Eaux (France) 又係法國蠔，食的時候先咸後甜，幾特別Sentinelle (France) 都係法國蠔，呢隻好厚身好creamy , 淡淡地但十分鮮甜三隻都係厚身蠔食完好滿足呀前菜差唔多，來多個小食煎小羊架，佢係小食類所以份量唔多，羊又係我另一個「我的最愛」，肉質細嫩多汁唔so,不過佢幾so我都接受到，I love 羊😌再來都係小食 炸蟹餅蟹肉幾多炸得香脆，最特別係個sauce, 士多啤梨定藍莓呢，甜甜地每人半件真係唔多滿足，呢款不過係炸野，民主的我地唔夠票我encore 唔到，下次再食終於到主菜喇，Rib Eye Steak medium....好味煎完之後一定rest 夠時間先上檯，好容易切，牛味夠煎得唔錯，我都比到7580分，不過同類型價錢可以有更好選擇之後到飯/意粉類喇Clams Spaghetti, 大蛤真係好大隻，食落十分鮮甜，一碟有6隻，一人一隻加少少意粉岩岩好點之另一碟上檯就打架喇Sea Urchin Linguini, 海膽扁意粉，正呀！呢個配搭好夾，扁意粉可以夾到D海膽一齊食，意粉應該做唔到咁出色，呢款真係欲罷不能，仲要有三個海膽愛好者，好啦你地食多D之後再到松露意大利飯，因為我呢排食左好多所以食左一啖就無食了，松露味香，呢種飯粒係正宗飯粒有生米口感，加埋芝士好好食最後因為我極力推介的關係，我夠票點到呢個Pear Tart, 呢個啤梨撻真係要留肚食（細問之下先知畫家無響度做了，我地同行無朋友生日但相信畫作一定會比之前失色不少）講返個tart 啤梨烤焗完，面頭有少少焦糖化左，超香超甜超口味，呢款真係要試下朋友

Casa Pennington餐單提供西式, 酒, 海鮮, 蠔吧等推介美食位於銅鑼灣區，餐廳座位數60人均消費約$201-400，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 28063311 查詢。

您對於銅鑼灣餐廳「Casa Pennington」有何 comment？

Casa Pennington餐廳詳細資料：

• Casa Pennington地址:
  銅鑼灣邊寧頓街13-15號BizAura3樓
  Casa Pennington, 3/ F, Biz Aura,13-15 Pennington Street, Causeway Bay
• Casa Pennington電話: 28063311
• Casa Pennington價錢: $201-400
• 分類: 西式, 酒, 海鮮, 蠔吧
• 座位: 60
• 付款: Visa,Master,AlipayHK,支付寶,現金,AE,銀聯
• FB專頁: Casa Pennington Facebook

更多Casa Pennington相關資料:

• Casa Pennington分店
• Youtube
• Facebook
• Twitter
• Google