Cafe Zentro 銅鑼灣

Cafe Zentro 評價 相片

金日同1班frd去到Cafe Zentro 環境都唔錯咖.同埋幾易搵入到去幾驚無位因為無訂到位.好彩都有之後坐左好耐都未揀野食.我地都幾嘈下好彩無人話我地xdd推介係心太軟同芝士薯條啦.真係好好好好好好味.1次過叫左每樣2碟7個人share.仲叫左1個pasta.多士.chicken wings都唔錯咖會同frd再去的.希望唔好yim我地好嘈啦

我已經黎過三次。

呢度枱唔多，我次次都訂定位，因為一full 起上黎，就會冇位。

次次我都一定會點招牌芝士薯條！個芝士醬好好味，個醬唔夠，可以request個姐姐比多一份芝士醬！yummy~~~好味道呀！另外老闆推介既心太軟！一切開，啲朱古力湧出黎，加埋Icecream食，好正！！個次老闆仲加左呢個煙花效果，好鬼靚唷！！Pasta就唔會失望，有啲地方好難食既，但呢度好好味！次次都清晒！之前未黎之前，睇呢度食評有啲擔心，好多時都係會因為睇左食評而唔去or 會有左偏見，但so far黎食左三次，次次都好滿意，而且啲staff 都好nice，有咩要求都會即刻應左你！我諗某啲食評係個別/主觀意見吧！我試過個pasta 汁唔夠，同老闆講，佢即刻幫我整返多汁啲！好好人。

我會再黎食唷~~~~~

看過戲，慣例也要一個甜品才算工整。

這幢大廈選擇的確很多，而且樓下的看更伯伯也很盡責(!)，總是要登記而且看身份證後才給進場。

甜品三個，朱古力心太軟很正路，事實上很正路也已算不錯了，軟心很夠熱，味道也可以。

Apple crumble製法和樣子很特別，其實是crumble碎，感覺古怪，但每口一粒再配上雪糕也很好吃。

最有趣的反而是栗子版的心太軟，軟熟的蛋糕外層，加上熱辣辣的栗子芯，撞上雪糕，比起朱古力來說淡一點，但反為更加配合，是很有新意的組合。

整體的感覺都很好，cafe的環境不錯，光線也很充足，店員也很友善，也很好坐，要扣分就是那印在朱古力糖漿上的手指模、和比較長的等上檯時間了，吃正餐的話要有心理準備了。

在cafe和西式甜品來說是很高水平的一間了。

當然，異常重要的問題是，和誰一同來，對我來說這個人腳是hea的最佳組合，縱使世界如何，這個意念也沒有變。

舊同學搞左個gathering..好多地方都full booking咁就選左呢度min. charge $2700預十五個人, 每人包兩柸野飲由七點到十點半..好啦...上到去...發現有d 朋友甩底, 得約十人..問拎返d 枱出黎, 唔包埸得唔得, 負責人話預左十五個人食物...咁我地都知明明話包埸, 而家話唔包係我地不對gathering 照去...先有一張drink list, 好多款飲料...有冷有熱, 我覺得ok, 好戲黎喇野食上枱1.沙律先黎一碟沙律所謂既沙律其實只係生菜,番茄, 麵包粒..另上一碟仔dressing我地成十個人, 都係得一碟沙律同醬...2.雜腸之後...茄醬炒雜腸, 數落有三四種, ok 大碟, 不過腸腸腸...真係食腸飽?3. 炸春卷再黎炸春卷, 比較香口, 因我果日唔太舒服, 淨係食到辣辣地..食唔到咩味..4.焗雞翼之後一碟焗雞翼, 甜甜地, 味道ok~5. 白汁意粉之後就係一大碟意粉, 普通料6. 長通粉之後就黎一碟長通粉, 同白汁意粉差唔多冇喇, 甜品欠奉後記: $2700, 錢唔係問題, 係值唔值既問題我覺得野食值$800 only...正如友人話齊, d 野食好似小學生煮野食, 我心諗自己煮都好過佢又冇menu 話我地知有咩食...又冇甜品如果真係十五個人, 都唔知點夠食都唔明, 十幾個人, 好心分開兩碟啦, 又話包場, 又唔係門口貼Party inside.搞到成日有d 人撞入黎..想點呀大哥我睇openrice d comment, 人人都係一百蚊落樓, 點解我地人人食左兩百五十...兩百五, 加多五十, 去魚翅城有翅食啦...真係賺死佢...

經朋友介紹去到呢間cafe一試, 其實一直對樓上cafe有d戒心, 覺得d食物唔慌會好食, 不過朋友一再推薦, 所以最後都去左. 雖然係平日, 不過我地去果日都好爆場, 好彩book左位有個window seat坐, 環境舒服乾淨, 好relax亦都好適合傾下偈. 招呼唔算好殷勤, 不過每當你想叫人都會有人理你, 又唔會催你落單, 同行朋友拎包藥出黎想食, 就有人主動拎杯暖水過黎, 呢d位好細心, 即時加分!兩個人叫左一個dinner set係蜆肉意粉, 再加芝士薯條同all day breakfast, 3樣野都好好食, 個意粉炒得好香, 亦都夠彈牙, 我一個人掃左大半碟. 薯條個芝士醬仲正, 我地仲request多一兜添...整體黎講, 食物環境同服務都好好, 下次要試下甜品, 見到隔離個心太軟好開心咁, 不過今次太飽....

Cafe Zentro餐單提供西式, 咖啡店, 樓上cafe等推介美食位於銅鑼灣區，餐廳座位數25人均消費約$50以下，結賬可以用現金。

您對於銅鑼灣餐廳「Cafe Zentro」有何 comment？

Cafe Zentro餐廳詳細資料：

• Cafe Zentro地址:
  銅鑼灣富明街寶富大樓2樓B
  Cafe Zentro, Flat B,2/ F, Po Foo Building, Foo Ming Street, Causeway Bay
• Cafe Zentro電話:  
• Cafe Zentro價錢: $50以下
• 分類: 西式, 咖啡店, 樓上cafe
• 座位: 25
• 付款: 現金
• FB專頁: Cafe Zentro Facebook

更多Cafe Zentro相關資料:

• Cafe Zentro分店
• Youtube
• Facebook
• Twitter
• Google