派對樂園 觀塘

派對樂園 評價 相片

因為有朋友生日五想年年都食飯甘Dry,所以上網揾左勁耐，最后選左呢間Partyroom試下，大家貪呢間又有得玩又有得食，又有好多間五同既主題房，因為就系地鐵站隔離夠晒方便，去到發現地方真系好夠大，好多野玩，大家眼花撩亂都五知玩咩先好，佢地服務態度好好，最后介紹我地玩左Just Dance,閂埋門成班友high到癲左，火鍋好味，有任食肥牛，大家都食到勁飽，仲要野飲可以任飲，私隱度又極高，同成班朋友都玩得好開心，下次仲會再嚟

我地10人book房，老闆（唔知定係員工）好好人比左間20人的大房我地，入去超靚，有種酒吧feel同KTV Feel，d fd 話超有氣氛XD食物我地訂左打邊爐同雞煲，個員工好好人，朋友中意食烏冬，就送多左幾個烏冬比我地~飲品仲要係無限任飲~都算多款，罐裝，紙包都有，設備方面有switch同唱K，Boardgame，都足夠，仲有個廚房仔，不過我地用唔到XD switch的game都幾新，同成班fd玩Overcooked，Just dance 玩到癲左，哈哈。

下次可以再來~

去到book咗房，點知將我哋間房俾咗其他人，唯有焗住去間細房！安排極差，冷凍食品直接放在桌上，任由其滲水，畫面十分嘔心。

到了房間，裏面只有ktv，沒有宣傳裏所說的其他娛樂設施，遊戲機又開不了，我們10幾個人只能在裏面排排坐！到離開的時候，他攬收附加費，恐嚇我們要加清潔費等雜項，以此拒絕退還借充電器的按金。

對於是次體驗10分反感，強烈建議大家不要來這裏，同樣的價錢可以在其他質素更高的party room玩，以免大家好似我咁曬咗錢又一肚氣

一直都好想同幾個好朋友book間party room好好輕鬆同影下相，見到呢間party land plus宣傳好勁，係觀塘既工廈入面，我好少會咁嬲咁負評。

首先，一開始既安排已經好混亂，我地早一個月已經bk好，佢地接頭負責既同事，應承安排一間波希米亞style既房比我地，但比完訂金，佢就話間房內部裝修，我地問佢轉日子，佢又話個日子唔ok，之後安排另外細好多，同我地唔鐘意既房，我地之後堅持先肯安排另一間好少少既主題房。

然後，我地去到個陣，發現無開到，跟住即刻打電話比staff，佢話個地址唔update，我地即刻行返去佢另一個地址，我地同佢講返，個staff既態度好惡劣，意思話係我地唔岩，係我地無睇清楚，但轉左房你無通知我地另外既地址，我地唔會諗係原先既地址，佢地溝通同安排好差。

而且，去到之後，我地訂左雞煲同火鍋，唔講食物質素，但個電子爐不斷唔著，要換幾次，而且借佢地既switch，手掣同主機都無電，我地bk4個鐘，但呢d問題已經浪費左我地好多時間，真係好無奈，加上佢房入面既公仔衫好耐無洗，完全唔敢著，所以再bk party room絕對唔會要呢間！

識食一定係去呢間食，去呢到主要係食野仲多過玩 🤡 約親朋友去偷情一定係黎呢到，私人房，今次黎仲裝修左換哂主題房，有哂咩森林和原野果啲系列，又有多套公仔衫任換任影，唱 k 呀 switch 呀當然唔少得，都係 $58 起一位，誠意推介 🤘🏿最癲係咩呀，係每位 + 多 $58 就有芝士雞煲，份量咁當然按人頭計啦，人愈多就比愈多，只會比多，唔會比少，食完個芝士雞煲仲有得打鴛鴦火鍋，麻辣鍋 x 蕃茄鍋，另外再比埋一大堆火鍋料，都係按人頭比，肥牛丸類菜類果啲，全部 $58 包哂芝士雞煲 + 鴛鴦火鍋 + 火鍋料，極抵 🤤PartyLand觀塘開源道 55 號開聯工業中心 A 座 1419 室

派對樂園餐單提供多國菜, 樓上cafe等推介美食位於觀塘區，餐廳座位數200人均消費約$101-200，結賬可以用現金，Booking訂位可以電話致電 59318688 查詢。

您對於觀塘餐廳「派對樂園」有何 comment？

派對樂園餐廳詳細資料：

• 派對樂園地址:
  觀塘開源道55號開聯工業中心A座1419室
  Partyland, Shop19,14/ F, Block A, Hoi Luen Industrial Centre,55 Hoi Yuen Road, Kwun Tong
• 派對樂園電話: 59318688
• 派對樂園價錢: $101-200
• 分類: 多國菜, 樓上cafe
• 座位: 200
• 付款: 現金
• FB專頁: 派對樂園 Facebook

更多派對樂園相關資料:

• 派對樂園分店
• Youtube
• Facebook
• Twitter
• Google