嚐綠 觀塘

嚐綠 評價 相片

好少會幫襯呢間，因為無乜幾可會食沙律。

之前食過一兩次，品質唔錯，起碼係真心有Heart沙律，材料新鮮、賣相靚、份量唔多但正常可以。

Check返先知原來網上 (google同openrice同佢哋自己facebook) 都不斷聽人講呢間啲店員成日西口西面，連老闆有時回應啲客都好唔客氣。

我今日終於經歷到，服務姐姐態度係唔友善ga la，但起碼無鬧我囉，或者要預咗嚟得呢度食就唔好要求佢有恩勤服務，咁平衡一下對大家都好啲。

食物選擇今日無咗我最愛嘅西蘭花，個牛油果綜合沙律我丁粒牛油果都食唔到，叫左個芭樂沙律好難食 (或者個人口味我根本唔應該叫呢個)，但薯仔、藜麥依然好食。

但佢不時會轉menu，就今日經驗個人覺得係遜色過之前。

不過觀塘極少有類似真心沙律店，有多個選擇依然係好嘅，不過就唔好期望有好好嘅客戶服務啦。

是日Lunch🖖🏻 因為今晚要食重口味雞煲😂決定晏就食清啲補補數😂呢間位於東廣場既Evergreen一向深受OL愛戴🤤🤤除左款式多樣👀任君選擇‼️ 價錢都幾抵‼️$38就有三款沙律❤️想健康一啲都唔難😎😎😎 今次揀左💁🏻‍♀️💁🏻‍♀️💁🏻‍♀️南瓜青瓜+3色藜麥+紅菜頭啤梨沙律

今日無意中行過東廣場，搵倒間野食沙律，店內大約有1112款沙律，任選3款$38， 5 款 $58，因為見倒有藜麥，所以吸引倒我試下😋。

店員話每日都會轉轉唔同口味😋藜麥（提子乾粒、彩椒粒、洋蔥粒）口感豐富 ，但可惜冇任何沙律醬、入口有d齋。

香茅柚子蜜糖（南瓜🎃、青瓜）食晤出有香茅或者柚子味🙄，唯一肯定就係南瓜夠林甜。

牛油果🥑醬綜合沙律（牛油果、青蘋果、車厘茄、粟米粒）呢個最好味，原因青蘋果🍏夠爽脆，同埋起碼呢個有沙律汁醬。

«打工仔食記 3   Ever Green»食店: Ever Green食品:  自選細沙律（$38）雖然係happy Friday 但因為返工前食左個早餐 所以食晏都唔咪覺得好肚餓 再加上天氣好好又熱 所以決定揾下有冇沙律食下 結果來左東廣場既《Ever Green》東廣場經過約2年時間 已經發展成一個小店food court格局 每到食晏既時間都人頭湧湧 好多小店原本只係外賣店 到食晏時間都會開幾張枱出來方便客人講返《Ever Green》 其實揀呢間小店最大既原因係性價比高 因為小店每天都有1x款沙律/菜供客人選擇 最抵讚係仲可以選細沙律（自選3款 $38）或大沙律（自選5款 $58）如果你係健身人士 仲可以另加烤雞肉（$16）今次我就試左自選細沙律 揀左 紅菜頭＋南瓜＋地中海小米沙律 味道方面絕對係中上 特別係南瓜係配左柚子汁 味道更清新 唔會食食下南瓜有濟既感覺 小編認為女士食細沙律都一定夠飽註1. 由於係food court形式 所以小店係同另外一間台式食店share坐位 食晏去加要自己揾位 所以如果想坐得舒服d 可能外賣比較好2. 小店每天都有23款鮮榨果汁供選擇

星期六要返工，外賣買個沙津食下，其實食素可唔可以令到心境平靜啲我唔知但間中食下都可以平衡下，猶其而家大熱天時都冇乜胃口，如果落單員工可以友善少少會更好講返沙津,夠凍我覺得已經贏在起跑線但感覺menu不太清晰，相比之下隔離四季落單就會方便啲

嚐綠餐單提供西式, 果汁, 沙律等推介美食位於觀塘區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 57037780 查詢。

您對於觀塘餐廳「嚐綠」有何 comment？

嚐綠餐廳詳細資料：

• 嚐綠地址:
  觀塘成業街7號東廣場地下55號舖
  Ever Green, Shop55, G/ F, E Plaza,7 Shing Yip Street, Kwun Tong
• 嚐綠電話: 57037780
• 嚐綠價錢: $50以下
• 分類: 西式, 果汁, 沙律
• 座位: 未知
• 付款: AlipayHK,支付寶,現金
• FB專頁: 嚐綠 Facebook

更多嚐綠相關資料:

• 嚐綠分店
• Youtube
• Facebook
• Twitter
• Google