井旁 觀塘

井旁 評價 相片

原來而家改咗名做 “愛家廚房” ，怪不得搵極都搵唔到啦。

入到嚟，右邊有幾張歐陸式嘅櫈，左邊就有個擺滿電子琴、鼓及結他嘅小舞台，前面有啲普通枱櫈咁樣，環境都算舒適每日有不同嘅餸菜，1個餸$30，2個餸$40，包一碗例湯。

今日嘅選擇有幾樣都偏辣，完全唔食得辣嘅我，唯有揀最穩陣嗰兩樣。

店員話要12：30後先有嘢食，Ok吖番茄薯仔湯果然係家庭式例湯，有香甜嘅番茄味道，帶少少黑椒嘅微辣，又唔會好鹹，飲到最尾仲有啲薯仔食，唔錯唔錯！薯仔雞塊+青椒肉絲 ($40)我揀咗呢兩個餸，諗住實唔會辣啦，點知青椒肉絲係辣嘅，仲要落紅椒去炒，其實餐牌上已經有兩款辣嘅餸，點解連青椒肉絲都要落紅椒呢？雖然店員話佢哋嘅餸菜係以健康為主，少油少鹽，如果唔落啲紅椒可能會寡咗啲，但其實落蒜蓉炒都已經可以好有味又健康呀；而且雞塊及肉絲非常少，如果雞塊可以去皮，肉絲可以切走晒啲肥豬肉就會更加健康，肉絲已經非常細條，再咬走埋啲肥豬肉其實我真係冇乜嘢可以食㗎喇...薯仔雞塊+上海回鍋肉 ($40)回鍋肉只有兩三塊，味道還可以如果食物質素再改善吓就會更好，而且上菜時間好耐，唔係所有餸煮好晒就咁上菜就OK㗎咩？我同紅魔鬼都係食薯仔雞塊，但佢嗰碟比我快好多，我嗰碟就同另一檯客人嘅一齊上菜..... 如果坐滿晒客，咁咪有排等？！可取之處係服務良好、價錢OK、以碟頭飯嚟講唔油膩、環境唔算非常骨子但比茶餐廳好好多... 希望呢度會再改善吓啦

之前朋友提過觀塘有一處很特別的私房菜，除了有得食之外，還有得玩，一次過滿足哂兩個願望。

食者，上海傳統家常菜也，由專業名廚主理；玩者，不是一般猜枚飲酒卡拉OK，而是有專人彈結他伴奏，有時甚至有專業keyboard手註場，讓你唱Live大展歌喉，滿足個人表演慾。

由於場地須包場附合最低消費，經朋友安排下夾夠人數，在上星期終於有機會試到這久聞了的私房菜。

從觀塘地鐵站D出口步行約5分鐘，到達觀塘工業中心第一期，跟一般工業大廈一樣，載客電梯大堂一向較隱蔽，幸好入口處有更亭，一問之下已取得方向。

上到3樓，仍然是工厦的殘舊裝修，心想應該沒有去錯地方吧？尤幸兜了一個小圈後終於找到指示去到目的地。

入到室內跟外面反差很大，雖然不是華麗堂煌的裝修，但勝在簡約，寬大舒服，尤其場中間的舞台夠哂吸睛，一件件專業樂器放齊在內，Keyboard，結他，鼓set一應俱全，音嚮發聲更是出眾，讓人煞是期待。

當晚我們大家協定爭取時間，決定邊吃邊唱，務求盡興而回。

飯局開始，先來的是冷盤四小碟，雖説是小碟，但份量十足，每碟都足夠十二位以上享用。

冷盤四小碟馳名醉雞 原隻醉雞上碟，皮爽肉嫩，酒香而不濃，尤其皮下油脂不多，讓人食完也不覺膩。

上素烤夫 上海傳統家庭菜，烤夫盡吸醬油滋味，豆香醬甜，配上小雲耳及其他配菜，在濃油赤醬當中帶出了點點清爽。

海蜇頭伴小黄瓜 海蜇頭切得長度剛好，有咬口不會太碎，調味亦得宜，麻油香遇上海蜇頭的爽脆，加上小黄瓜的清香脆口，相互輝映。

鮑魚絲粉皮 鮑魚切幼絲，做得不會太乾身，鮮甜入味；粉皮不是外面一般貨式，做得皮薄軟糯，加上秘製香濃芝麻醬汁，濃濃花生芝麻香充滿口腔，令人回味。

四小碟後，師傅隨即帶來另一震撼……干燒大蝦 真是名副其實的大蝦，每隻足八寸長有多，師傅將蝦開半，以自家酸辣醬汁乾煎，蝦肉彈牙爽甜，醬汁香濃惹味，超水準懷舊菜，大家食到連汁都撈埋！繼後還有……魚翅蛋白賽螃蟹 蛋白炒得滑溜，起初望落夾雜水份還以為大廚失準，食落才知應該是用了少許上湯埋芡增加幼滑度。

配以金華火腿絲添上點點咸香，魚翅增加了口感，整體配合屬水準之作。

潮式炆海参 海參切條炆得軟淋滑嫩，配埋花菇火腿，蠔皇勾芡，醬香味濃，入味可口。

砂窩雲吞雞 這裡並不是用砂窩而是湯盅上枱，原隻鮮雞以傳統清雞湯做法，餚製需時，火喉十足，湯色金黄清澈，雞味濃而慢慢滲出清香，與現時外面的速製濃雞湯截然不同；配上自家包製菜肉雲吞，菜肉比例均勻，皮薄餡靚，頓時明白簡單便是美這道理。

士多啤梨BB骨 肉排肥瘦比例適中，做得鬆化軟熟，幾近入口即化。

酸甜味道有少許似糖醋骨，食落慢慢滲出淡淡士多啤利香，消去了油炸肉類的油膩感。

清蒸海上鮮 原條大海班清蒸，火喉控製準確，肉質嫩滑，鮮味十足。

上湯豆苗 食完咁多濃味餸菜，當然要食點清淡菜蔬清一清味蕾，這豆苗正正恰如其分，清爽無渣，沒有油膩濃湯，只用簡單上湯調味，讓人頓時感受到菜蔬那份翠綠清新。

蛋香葱花炒飯 飯粒炒得粒粒分明，蛋香四溢，唯略嫌未夠乾身，但亦就是這樣少少的瑕疵，才能帶出點點家庭住家菜的影子。

豆沙窩餅 自家包製， 豆沙餡不會太甜，餅皮薄薄的，煎得金黄微脆，香口美味，為這頓飯畫上了完美的句號。

值得一提是這裡的大廚袁伯，他為人友善和謁，曾任職於某馳名滬菜近數十年，整頓飯差不多全由他獨力主理，言談間得知他竟然已介八十過外，果然老當益壯，令人佩服。

而除了以上好餸之外，我們當然還有各友好的美妙歌聲送飯，不知不覺已渡過了歡愉的幾小時，果然是快樂不知時日過。

井旁餐單提供西式, 咖啡店, 樓上cafe等推介美食位於觀塘區，餐廳座位數38人均消費約$50以下，結賬可以用現金。

您對於觀塘餐廳「井旁」有何 comment？

井旁餐廳詳細資料：

• 井旁地址:
  觀塘工業中心1期3樓K
  The Well, Room K,3/ F, Block1, Kwun Tong Industrial Centre, Kwun Tong
• 井旁電話:  
• 井旁價錢: $50以下
• 分類: 西式, 咖啡店, 樓上cafe
• 座位: 38
• 付款: 現金
• FB專頁: 井旁 Facebook

更多井旁相關資料:

• 井旁分店
• Youtube
• Facebook
• Twitter
• Google