荳荳店 西環

荳荳店 評價 相片

今日過黎石塘做野 所以順便過黎荳荳店揾老闆 兼食晏今日天氣有d焗同熱老闆都知道大家都冇乜胃口 好貼心咁推介左肉骨茶同涼拌麵畀我同同事肉骨茶 配白飯 今次係第二次食 依然係咁好味排骨同蘿蔔都大大件 個茶又好飲配埋白飯一齊食 愈食愈開胃同事叫左個日本雞扒涼拌公仔麵個賣相相當唔錯粟米粒又夠甜食落去涼浸浸 好舒服解悶然後跟餐配左杯椰汁冰當然都係老闆推介架啦大大杯 超足料 飲到個肚好飽最後埋單都係40蚊一位 好味又抵食 真係成個石塘只此一間

住左喺西環好多年，以前好少去街市食野，因為覺得衛生同環境麻麻，不過自從食咗呢間荳荳店之後，成日lunch time 都想黎食，原因有三：1. 人情味 2.價廉物美 3. 好味又健康老闆真係好親切，態度好好，成日笑面迎人。

呢度嘅午餐$3x $40，包嘢飲，凍飲唔使加錢，我成日都會嗌檸密，同樣係唔使加錢。

食物嘅份量都好足，味道出色，而且每碟都有唔少蔬菜，好似食緊住家飯咁健康咁！！有時唔想食飯會叫豬排/雞排炒烏冬，有好多芽菜同埋椰菜，仲有好多芝麻喺面，口感豐富，亦都好惹味，我個人覺得雞扒更出色，煎得香脆，肉亦嫩滑。

見好多人都話hidden menu 嘅黃酒雞飯好正，所以都叫左黎試下。

個湯配料好豐富，有好多木耳同埋翠玉瓜，直頭係營養均衡之選。

湯汁有少許酒味，亦有杞子同紅棗嘅甜味，再吸收左雞肉嘅精華，送飯一流，巴絲係冇介紹錯呀下！👍🏻👍🏻真係有相逢恨晚嘅感覺!!!!!! 呢間係我嘅新飯堂，我一定會keep住幫襯嫁!!!😍😍😍

呢間小店在西環都有點名氣，除了食品出色外還有其開業時間唔係想食就食，首先他只開星期一至五，無早餐，傍晚六時就關鋪，係因為老闆娘身體唔好，老闆話請人又難所以晚上就不營業了，要食的話就睇緣份喇。

今日天氣有點點涼，身邊很多人感冒，想補補身點了餐牌沒有的「黃酒雞飯+菊花姜蜜」，有4件大雞塊，酒湯香濃暖身，配菜有黑木耳、脆肉瓜、紅棗枸杞，今天的湯頭有點咸卻剛好送飯，滿滿一碟飯就這樣俾我K.O,重點是成個餐只要$40，仲想點呀！！另外友人不是很餓就點了「雲南田園米線」$28，雖然一塊肉都沒有但很有驚喜，大大碗素菜米線，唔係hea做，買相一流，女孩子&素食者不二之選老闆很健談，食物物超所值，但夏天就會有點熱因為街市的冷氣很弱，不過除了這樣、這個價格真是無得挑釁

今日外出工作，經過石塘咀就決定食個lunch後再努力就係咁誤打誤撞黎到呢家位於熟食中心的小店不要以為熟食中心環境不好就放棄覓食因為咁樣你就一定會錯過美食我同同事睇完一輪menu, 熱情老闆推薦佢地出名的黃薑飯（伴雜菜），另外就點了一個照燒雞扒飯。

再黎兩杯解暑凍飲：椰汁冰同凍檸蜜蜜糖香。

不要少看椰汁冰呢種平平無奇的飲品，就係因為普通野但都整得好飲，先叫有誠意！椰汁冰淡了少少，但勝在夠椰香，又夠奶香食飽後繼續工作

呢間荳荳店由中學食到大學，大學食到畢業，都唔知食左幾多次🤔 呢間野嘅特色有幾個：1. 荳荳店係冇豆漿飲的（相傳佢呢個名一開始係主打豆漿的）2. 有好多hidden menu, 好多hidden 加送方法(重點係好鬼死平)3. 老闆好健談，會記得你讀咩科宜家做緊咩，平時鍾意食啲咩4. 平靚正，不解釋今日就叫左招牌雞扒飯 (多飯) 啦，加個隻蛋 (老闆hidden menu 咁比左雙蛋:0)雞扒脆中帶汁，不愧為招牌菜雙蛋有蛋黃汁，配上特製醬油好正👍🏻好多菜，軟諗諗，好健康😆野飲就老闆推介hidden menu 椰汁冰略為甜左啲，但幾好飲仲加左個$11 上湯菜 (好大碗冇影到相，比我食曬)又平，又好食，老闆又親切，真係冇乜好挑剔🤔唯一可以講下就係因為係街市，會熱d 又無冷氣，會有可愛麻雀配你食🙊唯二就係晚市唔係成日開我冇得食😭😭😭

荳荳店餐單提供港式, 熟食中心等推介美食位於西環區，餐廳座位數未知人均消費約$50以下，結賬可以用現金。

您對於西環餐廳「荳荳店」有何 comment？

荳荳店餐廳詳細資料：

• 荳荳店地址:
  西環石塘咀皇后大道西470號石塘咀市政大廈2樓熟食中心CF10號舖
  荳荳店, Shop C F10, Cooked Food Centre,2/ F, Shek Tong Tsui Municipal Services Building,470 Queen's Road West, Shek Tong Tsui, Western District
• 荳荳店電話:  
• 荳荳店價錢: $50以下
• 分類: 港式, 熟食中心
• 座位: 未知
• 付款: 現金
• FB專頁: 荳荳店 Facebook

更多荳荳店相關資料:

• 荳荳店分店
• Youtube
• Facebook
• Twitter
• Google