焰亭 西環

焰亭 評價 相片

雖然的確不及係日本食倒嘅禁正中 但係氣氛真係好正 啲staff好愛客 重送埋酒比我地一齊飲野食好配酒又抵食 (以日式串燒黎講)我同女朋友二月十四坐足三個鐘😍最讚係佢新嘅menu 個二人串燒餐真係正 😋 最讚嘅係個燒白鱔 🤩外脆肉軟又多汁 正都要encore 好食到連相都唔記得影重有$78happy hour 包三串同杯啤酒 想試食吓都幾抵 不過本人食完就決定繼續叫多啲 實在唔夠喉 再加上我地兩個食量酒量都唔錯，不經意就大洗咗，不過話點都二月十四係抵洗嘅 如果大家想要一個好feel 又食得舒服嘅居酒屋小店😌依一家實要試 本人一定會再黎

味道一般，千萬不要叫海鮮。

———————同男朋友分別叫左兩個串燒餐。

黎到見到賣相幾好，我習慣先食菜後食肉， 一拎起個翠玉瓜後面，面個浸皮燒焦了，比正面更焦黑。

串燒可能放係碟會攤凍，所以要快食，放左10分鐘後，我最後食那幾串串燒就不熱了。

有海鮮的串燒餐是過一百的， 見到隔離檯有叫，見幾特別，有鹽燒帶子同生蠔，所以我即叫左。

但真係唔好食😂放了太多醬反而有唔新鮮的感覺。

呢個燒日本番薯就普普通通。

整體一般般。

同幾個朋友諗住夜晚收工叫啲外賣一齊食少少，飲兩杯就各自歸家，原先打算叫BBQ外賣自己拎，誰不知諗住提早幾個鐘落order點知人哋話幾個鐘後嗰段時間驚會忙，唔做外賣🙄所以就揀咗呢間焰亭~拎咗張外賣紙返嚟睇下有咩啱食，發覺種類好似算多，但好多嘢都唔太啱食，簡單啲講種類多，但唔係大眾化口味，左揀右揀都唔知食乜好~最後就求其叫咗幾串嘢~嘩~拎到返嚟打開一睇😑😑啲嘢咁鬼迷你，張單$3xx，感覺好似俾人搵笨😤😤雖然我都知香港地乜都貴，但都唔係咁離譜㗎，真係唔會再有下次

舊鋪未食過，見搬咗新鋪兼價錢親民就幫襯下啦，估唔到水準只係一般，人客不多，還在試業中，要同隔離活x鮮比較，真係要加多把勁！吉列黑豚定食 $78🥢🥢薄切吉列豬唔吸引，口感亦唔得，咬落唔juicy，幸好肉質鬆軟，唔會實的的，不過我覺得似普通豬多d；隨餐附送嘅蒸蛋蛋香味濃，可惜水份唔夠，做唔到入口即溶同細滑效果。

油甘魚魚生飯 $78🥢賣相唔吸引，說好的魚生點解有一半變咗炙燒架😤，仲要加咗d好咸嘅沙律醬响面！其實另一半真魚生係好鮮甜軟熟，咁搞法已經打咗好大折頭比佢；另外飯都唔ok，有d爛同過黏，食咗三份一放棄咗。

。

油甘魚鮫 $168🥢🥢🥢有三大件，魚味濃油脂香，煎得剛好香口，可惜我愛吃嘅魚皮超多鱗，又要放棄！二人共消費：$356

係西環搵一間滿意既日本野都真係唔容易。

見呢間焰亭試業中就試試佢既水準。

女朋友叫左個鰻魚飯。

一黎到未食已經睇到出問題，舊鰻魚仲得我手掌一半左右，收費88蚊仲要加一。

我知鰻魚唔平，但係咁樣真係唔太上得枱。

至於味道唔算差，燒汁惹味，咬落去唔會好硬，但係都係有少少腥。

串燒叫左自家制免治雞肉棒同明太子雞翼。

燒得幾好食，但係份量都係細。

三文魚燒飯團就好淡，三文魚好少，紫菜亦淋哂，失敗。

最後個吞拿魚蓉飯就都算勉強合格，份量夠，魚同飯既比例幾好，仲加左蟹子同沙津醬。

唯一唔好既地方係沙津醬味道好濃，唔太食到魚既味道。

總括而言，僅僅合格啦

焰亭餐單提供日本菜, 爐端燒, 壽司, 刺身, 居酒屋等推介美食位於西環區，餐廳座位數未知人均消費約$51-100，結賬可以用Visa,Master，Booking訂位可以電話致電 28022666 查詢。

您對於西環餐廳「焰亭」有何 comment？

焰亭餐廳詳細資料：

• 焰亭地址:
  西環石塘咀皇后大道西509號地舖
  Yakitori, G/ F,509 Queen's Road West, Shek Tong Tsui, Western District
• 焰亭電話: 28022666
• 焰亭價錢: $51-100
• 分類: 日本菜, 爐端燒, 壽司, 刺身, 居酒屋
• 座位: 未知
• 付款: Visa,Master
• FB專頁: 焰亭 Facebook

更多焰亭相關資料:

• 焰亭分店
• Youtube
• Facebook
• Twitter
• Google