德里大門印度餐廳 西環

德里大門印度餐廳 評價 相片

5月29日, 好耐都冇食DELHI GATE喇, 以前返工成日黎食lunch, 仲記得係$35唔駛加一, 好食又抵食~ 到冇返之後耐唔耐都有食, 其後星期六冇咗lunch set就一直都冇食過, 今日適逢平日同呀菲請咗日假, 就黎食我認為係最正宗嘅印度菜~::: 咖哩牛配烤餅餐 ::: $42先有一大隻咖哩角, 當然同普通咖哩角有分別~ 裏面係以薯蓉同豆蓉為主, 非常健康, 再混合咗少量咖哩, 所以唔係好辣~ 外層用酥皮包住, 十分香脆~ 亦可以點d清綠色少少酸嘅醬汁黎食, 十分醒胃~ 再黎係咖哩同薄餅, 未食已經聞到濃烈咖哩香味, 印度咖哩果真香而不辣, 而佢杰杰地嘅質地點烤餅食真係一流, 烤餅好大件, 睇到一個個波波狀嘅起伏就感受到個烤餅喺烤爐裏面嘅高溫~ 咬落又脆又鬆軟, 好香麵粉味~ 咖哩牛亦非常有質感, 煮嘅時間啱啱好唔會韌, 仲有薯仔都非常好味~ 跟餐要咗杯凍奶茶, 呀菲覺得d印度奶味怪怪的, 而且比較甜, 不過我又可以~::: 免治羊肉烤餅 ::: $25比起個咖哩呢個食到有d辣, 可能佢要遮蓋羊肉嘅羶味~ 個羊食到少少羶不過都好味, 免治羊肉同d豆加香料混埋一齊, 一啖咬落辣辣地, 好惹味~ 唯一唔好係d免治羊肉碎分佈得唔平均, 多數肉碎都係去咗烤餅邊嘅位置…佢嘅印度熱奶茶係幾出色, 好香奶味, 不過因為呀菲唔飲熱野所以冇叫~ 以前食完佢地仲會遞上薄荷葉, 好似香口膠咁幫助消除口中嘅咖哩味, 不過今日冇~ 價錢係比以前貴咗, 仲收埋加一, 感覺係冇咁抵食, 不過我都體量佢地喺呢度經營一間食肆, 仲要係印度菜, 喺西環尾真係只此一間~! 絕對支持!

我發覺有d西環食家住同我一樣,都住喺西環好多年,但開波嗰句係"雖然係西環人/住x年,但都冇咩點試過附近d野食" 我仲嚴重到黎到openrice完全諗唔到附近有咩食店但其實,西環有好多好野食,就好似呢間德里大門印度餐廳=] 呢間餐廳真係我一落樓就到,媽咪一直想食,但我完全唔食得辣我以為印度食物=只有激辣咖哩.|| 真係大錯特錯最衰今次顧住食,唔記得影相,我地今次食嘅係2人餐,$180個set meal有:source&小蔥頭?/茴香?:綠色同啡色的source,啡色啱我d,媽咪則熱愛唔知係小蔥頭/茴香炸洋蔥圈 外層炸粉薄身, d onion唔"淋",兩樣加埋,正!印度脆薄餅 好味到我唔記得問媽咪要唔要,好crispy,我自己食哂鐵板燒烤雞肉 塊鐵板仲係"chi chi"聲,熱辣辣上枱,但略嫌多油(但唔多油唔會香=3=),雞肉裹滿香料,好入味+惹味~!燴薯揶菜花 對我黎講有d辣, 有d番茄,酸辣果然係好配搭咖哩鮮茄牛油燒雞肉 真係堅堅堅好食,同燴薯揶菜花一樣咁香,出奇地唔太辣但又唔太大coconut milk味(i hate coconut.||),個汁好味到可以當湯飲雞肉變左配角蒜茸薄餅 媽咪係北方人,面食,餃子,面餅整得出神入化,但我從小就唔鍾意餅,特別係plain的餅,例如填鴨的餅,pizza呢d有料嘅ok,但呢個蒜茸薄餅係plain的...我心諗h...之後......我係食唔停口!!!!,餅底脆,好大塊,好香好香,我唔知點講,d味同其他bakery,西餐廳唔同,用黎浸咖哩鮮茄牛油燒雞肉個汁,好好味呀*v*印度黃飯米長&幼身,有紅色同黃色我米,香但味較淡,+汁會冇咁好食,當炒飯食,唔錯=]汽水有好多款選擇,媽咪要hot lemon tea,我要fruit punch,杯fruit punch係一大亮點,一d都唔似得卡啦ok,茶記個d,唔會死甜,冰少(正),杯野係下紅上黃,好靚嘅漸層似bar的特飲,面有好多果肉,highly recommand!跟住我想講下service,一直以黎全家人除左daddy之外,我同媽咪都唔太care餐廳的service,但我今次知道好嘅service可以令我呢餐食得好開心,好舒服個服務員唔識聽/講中文,不過冇咩所謂=]我對印度食物有既定印象:激辣=.=所以我問佢有冇d冇咁辣,佢好熱心咁介紹,原來"白汁"開頭的食物都冇咁辣架~!又唔會催我地落order,反應同食物都黎得好快,見我地一飲完水即刻幫我地加,連媽咪都忍唔住讚佢"you are very smart=]"又會教我地點食d薄餅,脆薄餅最好味,找錢找$2都要找,我見到好多有d要找5蚊已經自動收埋,幾蚊我地唔會mind,但就係印象問題,個$2比佢啦,外食咁多次,第一次比service fee比得咁心甘情願我叫個服務員幫我地打包,佢問要唔要seperate them,又好細心咁幫我地用錫紙包住塊蒜茸薄餅,用兩個可入microwave oven的膠盒裝住走個陣好貼心咁開埋門,同我地講byebye呢間餐廳我覺得應該幾正宗,食物&汁內有d細碎的香料,d味係完全我地一般個食開個d,第一個食評好似廢話好多今次寫係因為應媽咪要求:間野咁好食,服務咁好,寫個review比其他人知道呢間餐廳好得客人唔算多,當中有唔少外賣客,呢間餐廳真係真心推薦,我覺得好值,哈,會成為我地屋企嘅飯堂~

之前途經電車路看到零零丁丁一間印度菜館, 都打算來一試, 回家看到openrice 的好評, 更有信心!今日時間o岩好, 7點幾下到來.當時得3檯客. 地方不大. 但都好印度餐廳feel, 尤其係d 印度音樂.看看menu, 兩人最後點了:vegetable samosa;aloo saag, 即咖哩薯仔波菜rogan josh 中辣羊肉咖哩.包包方面要了garlic naan及onion naan.先來前菜, 係兩個捲起了的popadum.仲有少許熱的, 我個人都係只喜歡點薄荷汁. d 蔥勁生勁辣, 食了一兩點算了.另紅包果碟係勁咸的, 以前食過, 好唔鐘意, 掂都唔掂!!!!samosa有3舊, 幾熱, 但又不太油. 皮脆.切開一半, filling 都足. 係唔辣的.naan 之後上, 夠味, 好香. 係個底少許燶, 冇計.都好多蔥, 食到"素素"聲rogan josh雖係中辣但都好勁, 豬豬女友要叫個lassi 解~羊都不少. 但香料味蓋過了任何蘇味. 羊肉質不錯. 唔韌, 送naan一流.太辣, 飲口lassi, 個lassi 又幾"杰", 直頭係yogurt 咁. 啜都唔易啜.少許甜啦, 唔太勁.aloo saag 好像bb food 咁, d 波菜已係糊仔, 但內的薯仔已切成好像骰仔咁大, 又幾淋.味道又幾夾噃.估不到都幾飽!臨埋單, 哥哥俾了兜sugar+ aniseed我們.加埋一趙, 頓時成口都係香草味, 係liquorice 果種. 加埋糖, 完全唔苦.又幾特別, 唔怪得豬豬女友出門口要跳印度舞

身為西環人，自小好少在西環食；但年紀越大，小學、中學同學都住在西環，所以在西環搵食也是最方便、最親切、最配合身份。

今次相約德里食飯，十分有驚喜！都是咖哩，但可以極小辣，又十分好味，難得。

我都懂得如之前的朋友介紹食物如何好食，只知．．．好食！比九龍城食咖哩的店舖更好。

服務態度更一流，我們一行七人，坐長枱，他們就把食物平均分兩份，細心到極。

我和女朋友點了一個2人餐：1. Papadom 印度脆薄餅2. Onion Ring 洋蔥圈3. Chicken Tikka 鐵板燒烤雞肉4. Aloo Gobhi 燴薯揶菜花5. Chicken Makhni 咖哩鮮茄牛油燒雞肉6. Garlic Nan 蒜茸薄餅7. Pullao Rice 印度黃飯8. Soft Drink 汽水可能真的很正宗，始終未必能完全接受那些香料的味道，尤其是那個印度黃飯不過那個鐵板燒烤雞肉、燴薯揶菜花和咖哩鮮茄牛油燒雞肉都很不錯蒜茸薄餅真的很大塊，食得飽飽的飲品很好，雖然餐牌是寫上汽水，但其實連貴價的特飲也可以點，所以我們點了雜果賓治和印度奶昔(其實用的奶是乳酸)值得一提是兩位待應，實在非常好人，非常有禮貌同殷勤可能是因為香料，食完後手上，甚至身上都沾上了印度菜的香氣

您對於西環餐廳「德里大門印度餐廳」有何comment？

德里大門印度餐廳餐廳詳細資料：

• 德里大門印度餐廳地址:
  西環堅尼地城吉席街27-31號A錦興大廈地下
  Delhi Gate Indian Restaurant, G/ F, Kam Hing Building,27-31 Catchick Street, Kennedy Town, Western District
• 德里大門印度餐廳電話:  
• 德里大門印度餐廳價錢: $51-100
• 分類: 印度菜,咖喱,
• 座位: 未知
• 付款:
• FB專頁: 德里大門印度餐廳 Facebook

更多德里大門印度餐廳相關資料:

• 德里大門印度餐廳分店
• Youtube
• Facebook
• Twitter
• Google