周記點心 西環

周記點心 評價 相片

聽朋友講這間點心好有心思，所以就算好遠，都山長水遠嚟食。

我們大概4:30左右去到，這時餐廳沒有人，餐廳比較細，坐位不多。

一定要點嘅係「招牌芝麻蝦多士 」四件多士都炸得香酥不油膩，夾著厚厚的蝦膠，超豐富，加埋面頭的白芝麻，口感香酥！「口水雞」 味道香辣，但係可能雪雞嘅關係，口感比較淋「紅油抄手」雲吞細細粒，一啖一粒，加上香辣嘅醬汁，口感豐富。

「豉蒜炒尖椒🌶️」 豆豉蒜蓉醬味道很香濃，加上普通嘅青、紅椒，即刻變得可口。

「京川煎餃子🥟」 餃子好大隻，餡料肉很多，很好入口仲有樽仔原味奶茶 ，好港式，有茶味。

整體來講周記點心既味道好，而且份量同用料上都覺得新鮮又足料！性價比高，確係用心之作。

係好心思嘅小店

以前好鍾意同家人、朋友去酒樓飲茶，食下點心、飲啖茶，蝦餃、燒賣、叉燒包等等，樣樣齊，想食咩嗌咩。

不過，而家多咗好多點心專門店，大部分都幾好食，話曬專門食點心嘛。

今次，特登嚟到西環嘅周記點心，聽聞佢個芝麻蝦多士，以及西多工做得好岀色，所以，專程來試食佢招牌菜。

芝麻蝦多士 $42 (7/10)外面係麵包烘成多士，再夾上手打蝦蛟，沾滿一層芝麻再炸，芝麻多士香脆無比，脆到有聲，入面嘅蝦蛟係爽口。

奶黃流心西多士 $34 (7/10)金黃色嘅西多士外觀已經十分邪惡，切開嗰時，入面嘅流心奶黃不停爆漳，好似火山熔岩咁湧岀黎，十分澎湃！除咗呢兩樣，當日我同朋友仲叫咗鳳爪排骨飯、煎蛋牛肉飯、蝦餃燒賣、馬拉糕、紅油炒手。

其他點心質素正常，味道唔差，只係沒有太特別。

而我地食過以上嘅點心之中，個人覺得蝦餃係幾正，皮薄而且晶凝通透，見到入面啲蝦，馬拉糕係眾點心之中最唔差，質素有如淘大點心嗰啲無差別。

小總結: 整體點心只屬普通水平，不過不失，唔同點心有好有唔好，不過，佢岀名嘅招牌點心 芝麻蝦多士、奶黃流心西多士係岀名嘅。

蝦多士外脆內爽，西多士入面流沙流岀黎都幾震撼，至於，價錢方面，唔算太貴，三個人做咗九十元左右。

我想講呢間野真心正 真心推薦 最衰我唔係住附近🥺 如果唔係就可以近水樓台 我地叫左個邪惡流心西多士 同埋 XO醬炒腸粉 XO醬炒腸粉 ：佢個xo醬好香 少少辣 好惹味 炒得好夠哂火喉 我未食過一間炒得咁入味嘅腸粉 通常有啲鋪炒到剩係上左色就算 佢呢個炒得好香口 食到停唔到口 邪惡流心西多士 ：佢上枱時脹卜卜！真係令人精神為之一振！當切落去果下佢嘅流心原來係鹹蛋黃奶黃黎架！好澎湃咁湧出黎！都係一樣！ 令到人食到停唔到口 鹹鹹香香 好好食呀 佢呢個西多士真係名副其實好邪惡！

這裡的西多士非常出名，因為並唔係普通西多士，而係奶黃流沙西多士！！一切開奶黃就不斷湧出來。

第一啖咬下去的時候，即時「嗯～」一聲，不過吃第三小塊的時候便有膩的感覺，所以要和朋友分享。

芝麻蝦多士真的好大塊， 蝦膠份量多而且彈牙，外面麵包加上白芝麻， 炸得十分香脆！最後值得一讚的是價錢，價錢合理，性價比高！

之前成日聽人講呢間餐廳嗰啲流心西多士好似好出名而我每次經過又見到排晒隊～咁好囉我咪搵次的起心肝叫外賣返上屋企食。

咁我就叫咗個好出名嘅流心西多（黑芝麻），我自己個人口味就覺得唔係太match，個黑芝麻本身唔算太甜，但拼埋落個包到就格格不入……不過呢，我另外叫咗個蝦多士就真係好有驚喜㗎 ！ ！ ！ ！ ！ ！佢啲蝦膠係好厚好多嘅，而且嗰個多士唔會炸到好油淋淋咁樣……

周記點心餐單提供粵菜, 廣東, 港式, 點心, 茶餐廳, 冰室, 咪嘥嘢食店等推介美食位於西環區，餐廳座位數40人均消費約$50以下，結賬可以用AlipayHK,支付寶,現金,微信支付，Booking訂位可以電話致電 25592389 查詢。

您對於西環餐廳「周記點心」有何 comment？

周記點心餐廳詳細資料：

• 周記點心地址:
  西環西營盤水街東利大厦地下H1號舖
  Chau Kee, Shop H1, G/ F, Tung Lee Mansion, Water Street, Sai Ying Pun, Western District
• 周記點心電話: 25592389
• 周記點心價錢: $50以下
• 分類: 粵菜, 廣東, 港式, 點心, 茶餐廳, 冰室, 咪嘥嘢食店
• 座位: 40
• 付款: AlipayHK,支付寶,現金,微信支付
• FB專頁: 周記點心 Facebook

更多周記點心相關資料:

• 周記點心分店
• Youtube
• Facebook
• Twitter
• Google