六記米酒雞 西環

六記米酒雞 評價 相片

今次已經係兩星期內試食第三次，只有三個字可以形容，真係"無得彈"，細細間嘅食店可以坐得咁舒服，嘅親切又好招呼，所以點都要同家人再試，不過要提醒大家，有啲特別餸菜要預訂，到時冇得食唔好話我，因為我真係只係食客，佢係有史以嚟第一間食店(包括五星級酒店)令我咁衝動要開account點名讚好！最值得推介既係重慶辣雞煲, 真係試過咁多間佢最好食，夠乾身，夠入味，真係叫一隻都嫌小！其他小菜都一樣咁好食……真係不能盡錄，下次我一定會影相分享比大家睇，頭先好食到忘記影相，哈哈！

今日突然想食辣，醒起某日行過日富里見到間川菜，今日決定會一會佢。

一坐低叫左個水煮魚同米酒雞，水煮魚可選擇大魚或龍利柳(迎合唔鍾意lun骨既朋友)非常貼心。

水煮魚肉質同味道都唔錯，如果花椒味多啲會更好。

至於米酒雞味道鮮甜可惜雞件較"鞋"，但整體黎講都唔錯。

羊腩煲不錯 羊腩很有層次 👍😘燉翅湯底濃郁 翅的份量也十足 😍重慶鷄和番禺蠔餅也OK😃😀  最欣賞是那一味豉椒炒蟶子 爽脆冇沙水準之作 😜😍最失望是酸菜龍躉球 魚片骨粗而鱗多 😱😡 片皮鴨則價錢和品質不成比例 服務員招呼很親切 ✌️👏👍😘

早排經朋友強烈介紹下今日一於衝落去石塘咀試下呢間六記先。

我地6大2小一到呢間餐廳既時候店長即該安排坐位比我地仲比埋小朋友餐具我地D小朋友用添😀為左試新野梗係叫呢位醒目店長介紹下有乜好野食啦。

同小朋友食飯梗係照顧左呢班大帝先，先呢一個小朋友至愛酸酸甜甜既咕佬肉再黎個抄什菌同整碗白飯餵飽佢地先。

跟住到我地呢班餓鬼，先黎個手拍青瓜小食，跟住整個重慶雞煲（小辣）呢個雞煲香夠曬香又惹味，仲可以加湯柯打其他火煱料打邊爐，酸菜龍𧄌球食得出係新鮮魚唔會一夾就散。

店長強烈推介第二度食唔到既番禺蠔餅同啫啫新鮮雞什，作為一蠔癡既我點會食唔出呢個蠔餅用美國桶蠔做，一咬落去外面夠翠入面啲蠔汁走晒入我個口腔度游走，真係值得推薦,我一個人食左大半碟呀😋啫啫雞什上枱個陣仲支支聲食得出師傅洗得夠乾淨冇內藏異味，再黎多個避風塘豬手送下啤酒先。

埋單都係七舊幾水除番開每人都係百幾蚊

  昨晚我們合共16人再前往這間食店品賞晚膳, 我們首先點了一些小食凉伴作前菜, 而該老闆亦非常熱情, 只是第二次見亦不會意記, 記憶力強呀！食物當中有至尊滋補米洒雞一隻(不辣帶點洒香味和紅棗味)、阿六雞煲(可辣、麻辣或不辣),夠乾身而雞亦保持嫩滑和撲出內裡獨持的香料味。

避風塘豬手、，外脆內嫩而帶有蒜香味。

避風塘炒蟹、兩煲雞煲翅、酸菜龍疋魚煲、什菜籃、豉椒炒聖子皇、濃蝦湯野菌泡菜和店長推介之支竹羊腩煲(附送生才一碟), 因為我很怕食羊, 怕有一陣味, 但當我嘗試食一口, 便被羊腩和支竹吸收了之味道吸引住, 還食了一碗白碗, 真的好好食。

最後想講原來我們當晚所飲之豆醬是該鋪頭每日自己新鮮煮成的！價錢真的合理, 貨真價實, 每人都是200元有找, 原來沒有加一收費, 我們一定會再嚟食其它持式菜。

六記米酒雞餐單提供川菜, 四川, 火鍋, 海鮮, 水煮菜式, 中菜館等推介美食位於西環區，餐廳座位數44人均消費約$51-100，結賬可以用現金。

您對於西環餐廳「六記米酒雞」有何 comment？

六記米酒雞餐廳詳細資料：

• 六記米酒雞地址:
  西環石塘咀日富里13號地下
  Luk Kee, G/ F,13 Yat Fu Lane, Shek Tong Tsui, Western District
• 六記米酒雞電話:  
• 六記米酒雞價錢: $51-100
• 分類: 川菜, 四川, 火鍋, 海鮮, 水煮菜式, 中菜館
• 座位: 44
• 付款: 現金
• FB專頁: 六記米酒雞 Facebook

更多六記米酒雞相關資料:

• 六記米酒雞分店
• Youtube
• Facebook
• Twitter
• Google