TGIF 西環

TGIF 評價 相片

TGIF 意即 Thanks God it’s Friday 相信好多人都知。

堅尼地城呢間新開張既純白系咖啡店，裝修走極簡約Muji 風。

夠新地方夠闊落加上寵物友善，見好多啡友、微網紅或者寵物友特登去打卡，所以跟風到此一遊。

.草莓巧克力巴西莓果碗 💲78⭐️3.5/5本來只係打算試下杯啡，但見人地叫既果碗好似都幾好味諗住唔會太飽肚所以試埋。

果碗用Açaí Smoothie 做base，上面有Granola 香蕉🍌 奇異果🥝 士多啤梨🍓 火龍果 藍莓 明治朱古力🍫 同朱古力醬。

其實我食唔出有朱古力再睇一次個menu先知有，不過朱古力配料唔似係走健康似走打卡路線。

Smoothie 份量好少，基本上只係得極薄一層，💲80 一碗黎講性值比唔高。

White 💲40⭐️2.5/5係我唔好無做足功課就去，原來咖啡店不供應牛奶只有Oat Milk… 唔太岩口味但一場黎到唯有照叫。

而確實…真係唔多岩口味🥲.. 拉花亦唔算打卡able..Pour Over Brazil 🇧🇷 💲50⭐️3/5同行者叫左Pour Over，唔鍾意太酸既豆店員推介左Brazil… 不過朋友話都係覺得有點酸佢就麻麻地。

.總結：咖啡店環境幾舒服，因為地方大，檯放得好疏落。

但純論食物同飲品，個人口味問題無做好功課先去唔太岩胃口，打個卡到此一遊系列。

.不專業食評 nei.foodie

未試過打食評，今次真係唔打唔得。

經過覺得好靚，入黎坐下，買杯咖啡，雖然黎到先知不是用牛奶，不過都唔緊要啦，本住試一試的心態，但飲左啖覺得中伏，nutty 口味dirty, 飲一啖，立即縐眉，苦+酸，唔知飲緊咩。

Dirty 係我至愛的咖啡飲品，係唔同的coffe shop 我都點過，不至於此，唔通關Oat milk 事🤔？有無人話到比我知，係我呢杯咁，定係杯杯都係咁，失望+傷心。

同行的買了杯ice latte, after taste 都係苦同酸，無dirty 咁勁。

咁就$95. 好唔值呀。

雖然未到星期五， 但心情在星期四已為快將來臨的週末而蠢蠢欲動了跟男友剛好在西環那邊 經過卑路乍街， 忽然被一間白色格局， 寬敞空間及偌大玻璃窗，一室陽光的店子吸引，覺得該是間Cafe，走近看看果然是，不期然走進去，門口附近竟然有一棵真樹它跟白色色調和木桌椅和諧地伸展出一種寧靜櫃台只有兩人工作， 這麼大的空間竟沒有服務員， 大概是新開， 仍未請足夠人手吧，問下單的男生 ，果然是8月中才開張餐牌選擇不多， 畢竟Café不是正式餐廳， 走的是貴精不貴多路線， 點了一客“大籠包” 牛奶咖啡和美式咖啡女咖啡師戰戰競競的奉上我的柯打，明白的，這並非她專長，只是有點替她抹一把汗XD大籠包是個小小精美的包子，配上小份沙律菜和薯條 作為high tea份量剛剛好，不錯!包子頂刻意烘為略焦再微微薰上一層薄甜漿，其實這個包既非中式包也不是迷你漢堡包，說不出是那種包但味道非常不錯，配上豬肉漢堡扒，微甜的包和漢堡扒，再吃下配上黑醋的沙律，味覺得到刺激和滿足，不得不提 薯條非常好味，最後喝上一口冰凍牛奶咖啡，這個輕下午茶實在令我心滿意足了 下次經過西環一定再來

It’s a 5 min walk from the HKU MTR station and just across the Queens Road West tram station There are big windows very work friendly 落地大玻璃好適合工作溫書 食物選擇不多 飲品淨係用麥奶 oat malk 沖 Bert vegan friendly個人比較喜歡牛奶沖的飲品當日點左Pulled pork bagel & Early grey lattebagel 有少少硬

而家啲cafe開到周圍都係，到底又有幾多間係值得去呢？至少唔會係呢間...我同我男朋友去既。

入到去鋪頭，啲二人枱冇晒。

咁職員就叫我地坐住門口個啲位先，飲住咖啡等入面既位。

嚴格黎講我唔會叫個啲做位。

唔太識形容，佢就好似公園啲石櫈，因為係圍住入面有棵樹。

然後搬左張流動既架類物體就話係枱。

飲杯咖啡都或者可以既，但食野就真係冇乜可能。

之後有人食完出黎，有張二人枱，我心諗終於有位可以入。

同一時間，有個女人入黎，然後個職員就一下子帶左佢入去。

我唔明點解佢地唔洗排隊，於是我問職員佢地係咪book左位。

然後職員先發現佢忘記左我地等緊，就即刻補鑊話「不如你地坐個張大枱吖寬落啲」。

之後我即刻問個職員，既然張枱一直冇人坐，點解唔安排我地入去先。

其實職員既然講過會優先安排我地入去，係咪應該先理下大大個坐左係門口等既客人呢？我地白等左咁耐，就係坐一張根本一直vacant既枱，真係未食就已經一肚氣。

最令我嬲既係，係我食緊既期間，我見到有另一位職員主動問坐係石櫈既客人要唔要入去坐。

我係完全俾個職員ruin my day。

講完一大堆激氣野，都係咁而講下食物啦。

食物menu選擇好少，得大概十樣。

個人黎講口味唔太岩我。

最後叫左份burger，味道一般冇驚喜。

男朋友叫左個muffin，但無論外貌同味道都係brownie，實在好毁我對糕點既認知。

另外我就叫左杯White，唯一一杯有奶既咖啡。

不過menu上寫明係用oat milk。

由於我覺得飲咖啡係應該要配真既奶，所以想飲配真奶既咖啡既人係會絕對失望。

最後講埋環境，間鋪頭都大，位置都寬落。

不過就係好嘈，好似去左大排檔咁，一啲relax既感覺都冇。

要知道係香港乜都貴，俾咁貴去cafe食野，除左環境、食物質素，服務都好緊要。

不過呢間鋪頭，三樣野都冇。

大家千祈唔好為打卡而打卡。

TGIF餐單提供西式, 咖啡店等推介美食位於西環區，餐廳座位數未知人均消費約$101-200，結賬可以用現金。

您對於西環餐廳「TGIF」有何 comment？

TGIF餐廳詳細資料：

• TGIF地址:
  西環皇后大道西539號和發大廈地下4-6號舖
  TGIF, Shop4-6, G/ F, Wo Fat Building,539 Queen‘s Road West, Western District
• TGIF電話:  
• TGIF價錢: $101-200
• 分類: 西式, 咖啡店
• 座位: 未知
• 付款: 現金
• FB專頁: TGIF Facebook

更多TGIF相關資料:

• TGIF分店
• Youtube
• Facebook
• Twitter
• Google