Siam Noodle 西環

Siam Noodle 評價 相片

今次嚟到堅尼地城，試一間新開嘅泰國餐廳！嘩，泰國嘢，我最愛啦😍呢間新開嘅泰國餐廳 Siam Noodle 🇹🇭 ⭐️溫馨提示：同一地方，有兩間 Siam Noodle，不過兩間係唔關事，無關係，有興趣嘅朋友，記得唔好去錯啊⭐️餐廳鋪位唔算好大，不過設計都算闊落，座位空間都算大，整體環境都舒服，員工好有禮貌，仲安排卡位比我哋！Menu方面，菜式好豐富，勁多選擇，不過生蝦暫時未番到貨，希望下次再嚟就食到🥲沙嗲串燒 $48/4串:2串豬肉，2串雞肉，燒得好香，size都大塊泰北肉碎生菜包 $68:碟肉碎勁多，就咁食唔會太鹹或者太辣，撈飯都無問題，生菜又係好新鮮泰式冬陰功湯 $68:份量啱啱好夠4位分，個湯偏偏少少辣，而且材料好足，4隻蝦都大大隻泰式飛天炒通菜 $58:我食泰國嘢嘅指定菜式😅 呢碟通菜仲炒得幾有鑊氣👍🏻咖喱海鮮包 $108咖喱多到瀉出嚟，個咖喱食落少少甜，另外青口，蜆連埋個咖喱汁一齊食好好食，當然就係個包吸晒d咖喱汁，真係好好食😋泰式青檸明爐烏頭魚 $168:自己係香港無食過泰式烏頭，今次就試吓！啖啖無骨魚肉，魚肉都算滑，連埋個酸酸地嘅汁一齊食，真係好好食

昨日同朋友專程去堅尼地城買少少野，晚上時分途經一間泰國餐廳，19:00左右門口已經排左好幾個人，心諗呢間餐廳都應該值得一試，拎飛時侯門口姐姐都幾有禮貌，服務態度和藹。

19:30左右我同3 個朋友都已經順利全面進場，價錢方面我就不作點評，但對於我黎講就可以話物超所值！ 姐姐幫我地落單之後大約15分鐘已經上齊菜，菜既份量無對比就無傷害，我就不作開名比較啦～只可以話多！小弟其實都係一名泰國通黎，呢間小店竟然有非常地道既味道，但都會避重就輕，非常值得讚；好奇心驅使，我膽粗粗探究發現原來廚師真是純純正正泰國人，我都已經講到呢個地步，已經唔需要再多評。

真心推薦這間小店，睇得出用心經營，我滿意程度有（8/10）👍🏾

琴晚同男朋友去咗高先睇自殺特攻，坐咗成2個幾鐘，我地個肚都打晒鼓，行行下比呢間泰國餐廳門口嘅大芒果裝飾品吸咗入嚟餐廳環境新淨，店員見到我地入到嚟岀晒汗，遞上2杯凍水比我地降溫同埋推介「咖哩海鮮包」比我地！！個咖哩海鮮包原來係季節限定㗎！佢嘅咖哩仲好香好滑，同海鮮嘅味道好夾！另外，因為我本人好鐘意食芒果糯米飯，就叫左2份「泰式香芒糯米飯」，想一次過試晒黑糯米同白糯米！店員將2份香芒糯米飯放喺1個大碟上，一放喺枱面已經聞到好fresh嘅芒果味！糯米飯軟硬適中，椰汁又唔會太甜，岩岩好！性價比好高！為食MugMug推薦指數:9/10

Waited 40 mins in restaurant and still no food.People around after me are all having their meals.After checking , because my order requires fresh made.What does that mean?All others are ore made so my order is ignored!! After chasing, ‘do you like to cancel your order? ‘.I couldn’t believe this is how customers are treated.HK deserve better and these retailers should go under.They don’t deserve any respect!

第一次黎食 兩個人 有book位先講下對餐廳既第一印象先喇一入門口已經俾涼浸浸既冷氣吸引左(天氣實在太熱😅😁) 好快老闆已經好熱情咁招待我地入座雖然坐門口位 但都好涼 坐位亦十分舒適 😉我地叫左六樣食物 2杯飲品泰北肉碎生菜包 (味道適中 惹味得黎又唔會太辣太咸 )咖喱海鮮包(推薦俾唔食得辣既人 咖喱入面帶有椰香既甜 一啲都唔辣 面包又索曬啲咖喱汁 一個字：泰式菠蘿海鮮炒飯(🍍菠蘿好甜 啲飯又炒得岩岩好 唔會太濕太乾)泰式酸辣無骨鳳爪(我唔係食得辣既人 對我黎講就辣左少少喇 味道都ok既 聽老闆講 鳳爪係每日新鮮醃 唔會隔夜 所以肉質先會保持到爽脆 唔會霉 但我朋友就覺得唔夠入味 要點埋個汁先夠 P.s.點汁會再辣啲🥵)串燒 (每樣食左一串先記得影相😅)(中規中矩 唔會太乾身)班蘭糕 (唔記得左影相😅)(煙韌得黎唔黐牙 唔會太甜 好食😋)椰汁冰 龍眼冰 (唔記得左影相😅)(正常發揮 可以揀少甜)第一次食 唔知食物份量 叫得有啲多 每碟餸都大碟 兩個人食 飽到上心口 最後食唔曬要打包拎走🤣埋單＄400左右食物質素算中高 價錢適中合理 CP值高👍🏻 會再幫襯 😋😋😋提提大家：座位有限 最好book位

Siam Noodle餐單提供泰國菜, 粉麵, 米線等推介美食位於西環區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 26680198 查詢。

您對於西環餐廳「Siam Noodle」有何 comment？

Siam Noodle餐廳詳細資料：

• Siam Noodle地址:
  西環卑路乍街18A號如意大樓創景商場地下2號舖
  Siam Noodle, Shop2, G/ F, Charmview Shopping Arcade, Yue Yee Mansion,18 A Belcher's Street, Western District
• Siam Noodle電話: 26680198
• Siam Noodle價錢: $50以下
• 分類: 泰國菜, 粉麵, 米線
• 座位: 未知
• 付款: AlipayHK,支付寶,現金
• FB專頁: Siam Noodle Facebook

更多Siam Noodle相關資料:

• Siam Noodle分店
• Youtube
• Facebook
• Twitter
• Google