手卷屋 藍田

手卷屋 評價 相片

還記起中學時期的我以前常去，之前還是小店一間，誰不知已經開到好大間，並設有堂食，設施完善，口味又多，幸好還是這麼廉價，我最近看了太多新聞吾敢吃三文魚，我認為必食佢火炙款同手卷款！$32有兩款味的手卷，新鮮大大粒嘅魚仔再加埋爽口赤貝，我佬食話好得！我食嘅海膽手卷都不錯，佢嘅芥辣八爪魚、油甘魚、芥辣八爪魚同熟帆立貝好正! 最衰佢啲油甘魚腩已經被人賣曬了，佢油甘魚都很肥美，至於熟食都好抵食，款式夠多，十元已經有兩串雞肉串了，我仔仔還食得津津有味。

最近行匯景商場發現有間手捲店 以為淨係得外賣 原來行入餐廳裏面 會有三張枱可以堂食原來menu都有好多選擇 除咗手捲壽司之外 仲有刺身 前菜 小食串燒仲係即叫即做㗎 係吧檯入面有四五個哥哥喺度包壽司 雖然係即叫即做 但係都好快整好曬外面仲不停有人叫緊外賣 佢哋真係手腳好快今次點咗芝麻醬冷麵 螺肉 芥辣八爪魚 海膽魷魚 鰻魚 赤海蝦三文魚腩海膽壽司 軟殼蟹手捲 醬汁墨魚丸同雞串 芝麻醬同墨魚丸個醬汁好好食其他壽司亦都新鮮鮮甜 豉油唔會好鹹 wasabi夠攻鼻手捲屋 價錢親民 食材新鮮 比一般連鎖店質素要好 仲有好多款壽司想試下次一定會再嚟

手卷屋有一種魔力，令人隔一段時間就會想返黎再食，今次就係特登去藍田幫襯佢，雖然佢由以前既細舖， 搬到斜對面變成大舖， 但價錢並冇因為咁而加價， 價格仍然非常親民。

其實以往大多數食手卷為主， 但今次因為夜晚想坐低食，同埋食飽肚啲， 就叫咗便當 、三文魚飯、壽司同一個加州手卷。

便當啱曬我咁為食既人， 一個便當就可以試到唔同款式嘅食物， 壽司由店主幫你決定， 啱曬我呢啲有選擇困難症嘅人， 店主亦都好貼心， 有得比客人揀正常定係全熟， 唔食生野既客人亦可以放心了。

招牌醬冷麵好好食，好入味， 蟹柳亦都好鮮甜。

重點係厚切玉子實在太太太好食了， 每次食手卷屋都一定係必食， 醬汁加上厚厚嘅玉子加上飯簡直就係絕配，包你一食會愛上， 但建議一次最多食兩件， 否則就會太膩同會覺得濟雖然加州手卷無咩特別， 純粹因為想食清小小先叫， 但要值得一提係佢既手卷好足料， 唔係只有表面果層有料。

另外三件招牌醬火焰壽司， 都係一如以往咁好食， 三文魚腩好滑好夠油脂。

下面呢九件壽司，除咗魷魚有點遜色， 因為比較韌，要咬比較耐，其他都係高水準， 同樣地三文魚腩非常滑， 油脂好夠好肥美， 另外赤海蝦壽司更加係有驚喜， 原本鍾意食甜蝦嘅我， 因為店主嘅推介， 推薦左赤海蝦壽司， 原來真係冇介紹錯，好鮮好好食。

三文魚飯就冇咩太特別， 但三文魚份量都幾多下， 而且每一片都好厚，好足料，仲有玊子，比想像中更飽肚。

呢一餐就係叫咗咁多野， 兩個人食到好飽，價錢合共都唔洗二百蚊，非常扺食，性價比很高！

好耐無黎，原來已經大鋪搬細鋪去左對面，仲有少量坐位。

本身諗住散叫，但我咁大食又唔化算。

原來佢有便當喎，一個都係四十零蚊，一於叫夠兩個。

精選三食便當， 壽司有得㨂正常同全熟都幾貼心。

三件壽司唔知點解無咩味有d 失望，八爪魚同三文魚都比較味淡，甜蝦無乜甜味，反而個加州卷就幾好食，正正常常。

個飯加4蚊轉特大帆立貝，佢個豉油加埋d 沙律醬送飯好好味。

帆立貝都好鮮味，不過得一粒就唔夠送飯，好彩個蒜味螺肉都幾多可以搭夠下。

另一款豬軟骨飯就加$6 ,估唔到個豬軟骨超腍勁入味，d 骨係炆到勁軟身好似牛筋咁起晒膠質，超正！！厚燒玉子都好味，入面有d 沙律醬又有d 飯咁， 如果個便當可以加杯熱茶飲下就更可親。

以前去食係一個細鋪位，依家去食已經有幾個座位，每次去食都必叫嘅墨魚丸同炙燒左口魚！另外必定要食嘅就係厚燒玉子，雖然加咗少少價，但係每次黎親藍田都一定會食呢間！推薦！

手卷屋餐單提供日本菜, 小食店等推介美食位於藍田區，餐廳座位數未知人均消費約$50以下，結賬可以用現金，Booking訂位可以電話致電 51113431 查詢。

您對於藍田餐廳「手卷屋」有何 comment？

手卷屋餐廳詳細資料：

• 手卷屋地址:
  藍田匯景道8號匯景廣場5樓183-187D號舖
  手卷屋, Shop183-187 D,5/ F, Sceneway Plaza,8 Sceneway Road, Lam Tin
• 手卷屋電話: 51113431
• 手卷屋價錢: $50以下
• 分類: 日本菜, 小食店
• 座位: 未知
• 付款: 現金
• FB專頁: 手卷屋 Facebook

更多手卷屋相關資料:

• 手卷屋分店
• Youtube
• Facebook
• Twitter
• Google