泛亞飲食 薄扶林

泛亞飲食 評價 相片

全日放假,上午同埋D朋友去左踢波,下午就要找找數,去圖書館溫書啦.溫到咁上下,當然要入入油,整個下午茶,補充下能源咯.睇完成個餐牌,發現呢個最平最抵.一隻大熱狗(司華力腸)+一碗粉(炸菜肉碎)+一杯飲品(熱咖啡) = $22.5真係抵到爛.味道就老實講一般架啦.係大學既環境,以照顧學生既荷包需要為重,所以價錢上一定係經濟同實惠啦.既然有咁平既價錢,味道唔太差,已經係上等架啦.試下以$22.5黎計,去街到我諗.....只能夠食到一碟腸粉加埋豆漿啦.不過惟一要彈下既,就係冷氣唔多夠.如果冷氣再大少少,咁就完美啦~!~~

平時好少食下午茶，今次晏左食LUNCH，就到SU CAN食個TEA。

我揀左楓糖雞扒多士腸仔配一個粉，仲有一杯野食，因為想獎勵下自己就另外叫左隻雞脾，夾埋先$30左右，真係幾抵食！雞扒細細舊，不過唔會過老。

腸仔係正正常常嘅廚師腸。

多士搽左牛油，不過唔算熱，但都少少脆，幾好食。

番茄肉碎米粉都係正常茶餐廳貨色。

雞脾幾好食，幾滑幾入味。

三十蚊食到咁多野，飽到嘔，真係抵！

大學既canteen抵食就人人都知架啦今朝早就去左既su canteen到食個早餐成個早餐有包, 餐肉, 牛尾湯通粉在加多個凍咖啡都係$22味道中規中矩,可以接受啦,一定係最慳家既早餐而環境方面地方好大,但係衛生方面麻麻地, 可能因為太多人人食呢間canteen啦如果你唔太介意環境既話, su canteen一定會係慳家既你最好既選擇!

又來飯堂, 今天晚了一點, 下午四時半才到, 一半下午茶餐已售罄. 剩下的當然也沒有甚麼好吧.炒滑蛋賣晒, 唯有配腸仔吧, 炸魚柳腸仔多士, 配火腿通粉, 名稱就寫得十分了得, 名為: “紐西蘭南冰魚柳”, 聽個名, 都嚇一嚇, 但出場時, 真的嚇你一嚇, 外皮是炸過的, 但實在放得太耐了, 又淋又韌, 懷疑係由早餐時段放到下午茶, 腸仔無炸過, 又實又凍. 多士, 無需講了, 唔通會即烘比你! 火腿通粉, 求其極了, 火腿切絲都免了, 就一塊四方型火腿鋪上面, 通粉尚算彈口唔太淋, 不能用 “湯” 來形容這碗通粉, 只是暖水加了些少精精而已吧.幸好環境尚算寬敞, 四周景致宜人.

香港大學的百周年校園建成後都未回去行過, 今晚到港大聽講座, 特意早一點去遊一遊, 新建的地方, 在黃克競樓平台一直申延到寶翠園方向, 平台上的飯堂裝修完, 從身開業, 空間感變得大了很多. 到達時間, 約四時半, 來一客下午茶, 太耐無去飯堂食飯, 比飯堂的價錢嚇親, ”雪菜肉絲米粉”配“雞扒和牛油麵包”, 連奶茶, 只係港幣廿蚊, 難怪街外人都走上來用餐. 雪菜肉絲米粉十分大碗, 後來再看餐牌, 才知道原來雪菜肉絲米粉有分大碗和細碗, 嘩! 如果揀細碗未重平? 米粉當然唔係細如髮絲卻口感Q韌的新竹米粉啦, 但都入口都好爽口, 雪菜和肉絲, 都恰如其分, 雪菜顏色, 呈淺啡綠色, 尚算光彩, 鹹度不重, 口感鮮脆, 肉絲顏色, 望落精神, 肉質咬口結實彈牙. 至於整體味道就… 無謂掃大家興喇, 望到湯水顏色就有所領會啦, 唔通大家真係咁天真, 會以為用鮮雞湯?雞扒和牛油麵包, 擺放在四方長碟, 襯托頗美觀, 雞扒不算大件, 皮略略煎過, 火力不足呀! 不是黃金色, 煎得不夠時間, 望落還是淡淡肉色, 旁邊伴以淡紅色醬汁, 試一口, 味道是淡淡的蕃茄味, 切開雞扒, 皮不算厚, 但皮下脂肪不少, 加上皮煎得不脆, 無法連雞肉一起吃下, 只好除去皮後才吃. 我當然也唔會咁天真以為係新鮮雞, 但這塊雪雞又醃製得幾好味道, 鹹淡適中, 完全沒有雪味, 肉質沒有醃得過火, 口感咬落尚算軟熟牛油麵包, 麵包一睇就知係嘉頓出品, 熱狗包品種, 牛油放得奇怪, 方形一小片牛油, 打直放, 一半突出了熱狗包外, 經檢測後, 証實並非鮮牛油, 只是雪得比教硬的人造牛油. 麵包口味方面, 食過嘉頓, 心裡有數, 熱狗包, 質感略粗糙, 欠軟熟, 沒有烘熱過, 口感略鞋和粉.奶茶, 用平常茶餐廳盛白開水的膠杯, 無風味可言, 飲一口, 奶味十足, 茶味濃度不重, 尚可接受. 以廿二蚊的價格, 如此評價是否苛刻了一點? 的確係! 而且食完還可以慢慢坐上一小時, 細意俯瞰西環各式各樣的樓景, 慢慢欣賞廣闊的西環天空, 不怕大風, 走出外的坐露座位, 更可從樓與樓的罅隙中略略望到西環的海景, 微微涼風送爽, 確實寫意. 單是景色, 也應該來一個笑臉吧!

泛亞飲食餐單提供港式, 快餐店等推介美食位於薄扶林區，餐廳座位數未知人均消費約$50以下，結賬可以用現金。

您對於薄扶林餐廳「泛亞飲食」有何 comment？

泛亞飲食餐廳詳細資料：

• 泛亞飲食地址:
  薄扶林香港大學黃克競樓4樓
  Asia Pacific Catering, 4/ F, Haking Wong Building, The Universityof Hong Kong, Pok Fu Lam
• 泛亞飲食電話:  
• 泛亞飲食價錢: $50以下
• 分類: 港式, 快餐店
• 座位: 未知
• 付款: 現金
• FB專頁: 泛亞飲食 Facebook

更多泛亞飲食相關資料:

• 泛亞飲食分店
• Youtube
• Facebook
• Twitter
• Google