#湯。雞 葵芳

#湯。雞 評價 相片

之前去過一次葵廣，記得有好多嘢睇買同食今日咁啱又係附近整完結婚嘅嘢大概六點左右，就諗住不如去望下，睇下有咩特別嘢食，由第一層開始行，行到3樓就開始肚餓本身諗住食地下個間鹽水雞，其實大部分人都係就咁買完企附近食，不過K話係街企喺度食都好似唔係幾好住，因為葵廣都多人，咁啱我地行過見到jollibee，本身諗住坐低食算，不過見到隔離有間店望落都幾吸引望一望餐牌竟然有我最鍾意嘅花膠雞湯K不嬲都好鐘意食口水雞，所以我地就決定試下因為我介緊碳水所以淨係飲湯同埋食咗幾件雞，K就叫咗飯同埋Fanta 口水雞辣得嚟好香好好食，老闆話係廚房入面自己炒㗎，唔係出面買一樽樽開好個d唔知係咪食完口水雞， 個湯飲落就唔係好夠咸，不過都好好味有兩大舊花膠，仲有魚唇，魚翅，同埋細細粒嘅金華火腿

一直想試但係因為限聚令所以冇機會去。

今日好彩有同事舉手買返嚟食叫了三款不同湯（砂鍋桃膠雪梨椰子雞湯，砂鍋花膠雞湯趐，砂鍋姫松茸蟲草花螺頭花菇雞湯）份量10分足，湯味好濃超正食晒雞後在拿湯撈飯冇得頂叫了很多款小食，第一次食醉鵝肝，有驚喜醉豬手非常入味泡椒豬手酸酸美味好特別。

醉鴨舌，鮑汁冬菇不過不失，對得住這個價錢麻辣牛柏葉不錯，麻辣雲耳，四川麻辣鴨血喜歡麻辣嘅人一定要試醉三寶一次可以試三樣嘢，如人少又想食多幾款不錯的選擇⋯⋯整體全店食物都不錯值得再試

大熱天時，諗住搵個有冷氣、有食肆、有街行嘅商場，我哋一家咁可以輕輕鬆鬆hea足半日！ 不過假日揸車搵位都有啲困難😅 點之我聰明老公唸到一個好地方，仲話泊低架車就可以直上商場， 我一諗就諗到當年我帶個仔去嘅掃街聖地［葵涌廣場］😍先去三樓睇有咩好食😆見到一間門口堆滿人嘅小店，香港人嘅心態😆梗係走埋去睇睇啦！一望入去裝修好有文青feel，咁嘅情況唔理咁多攞咗張飛先😆點知嚇我一跳要等3張枱😭有啲唔耐煩之際，唸住望下餐牌有咩好食，估唔到見到我至愛..... 滋潤養顏湯［砂鍋鮑魚花膠雞湯翅］， 說時遲那時快，小店哥哥就話有位比我哋👍🏻一坐低：小二，幫我嚟五斤高粱，三斤牛肉呀！ (純粹虛構😂) 因為太開心，有我鍾意食嘅食物😂我先嗌咗半隻雞湯翅試下，再嗌我平時屋企好想整嘅桂花酒香醉雞卷，平時好少見嘅酒醉鵝肝，呢啲都啱我兩公婆食，再幫亞仔嗌咗碗蒜油雞撈刀削麵😋😋😋小店人山人海，諗住出餸都要等等，傾下偈都唔夠10分鐘之間就已經陸續餸到😍首先賣相吸睛😍先食鵝肝，質地係我鍾意嗰種，又棉又化；個湯好濃沃，有唔少花膠； 雞卷好食啖啖肉，唔使𦧲骨，雞皮唔肥膩；仲有阿仔個雞面啲雞好滑，蔥油爆得好好味，食完之後碟碟照鏡😆 一粒杞子都食埋！我哋三仔乸好彩嗌咗半隻雞湯剛剛好👍🏻 總括嚟講，食物唔濃味，食完唔口乾👍🏻

藥膳湯底好正，冇味精，好足料！個湯好甜，感覺好補身，食完個米線，仲會飲晒個湯！醉雞都唔錯,, 就算雞胸位都好林，一d都唔會覺得乾硬,,呢個價錢，食到呢個質素，真係好抵

星期四，朋友介紹到左葵涌廣場3樓，試了間精緻湯雞。

葵廣3樓，只想起企喺度掃街小食，冇諗過有間咁正既隱世小店😋朋友推介，必點砂鍋花膠雞湯淮山麵，花膠紅翅，超好味😍😍😍 個湯基本上係飲晒（唔好落辣椒油污染佢既湯味😂）小食醉分啼都很出色，非一般小店水準，直達餐廳級數，肉質夠厚有酒味，仲有杞子一齊煮，好補身又有益。

店務員亦非常友善講解菜式，看得出很用心去經營👍🏻👍🏻👍🏻❤️ 相信疫情後生意必大賣。

#湯。雞餐單提供港式, 粉麵, 米線等推介美食位於葵芳區，餐廳座位數34人均消費約$51-100，結賬可以用現金，Booking訂位可以電話致電 31877377 查詢。

您對於葵芳餐廳「#湯。雞」有何 comment？

#湯。雞餐廳詳細資料：

• #湯。雞地址:
  葵芳葵富路7-11號葵涌廣場3樓302A號舖
  #湯。雞, Shop302 A,3/ F, Kwai Chung Plaza,7-11 Kwai Foo Road, Kwai Fong
• #湯。雞電話: 31877377
• #湯。雞價錢: $51-100
• 分類: 港式, 粉麵, 米線
• 座位: 34
• 付款: 現金
• FB專頁: #湯。雞 Facebook

更多#湯。雞相關資料:

• #湯。雞分店
• Youtube
• Facebook
• Twitter
• Google