魚羊米線 葵涌

魚羊米線 評價 相片

雖然都係最近先開始寫食評，但如果睇我去過的餐廳，好多都選小店，有啲區仲幾冷門 (例如深井 😂) 因為事實上小區嘅食肆好易被遺忘，尤其疫情慣咗返屋企煮飯，區外人又唔會專登去食 🥺 今次我係聽朋友介紹，專!登!去葵涌幫襯呢間湯底超級好味嘅米線🍜😋♥️餐廳大約有20個位，一坐底老闆就好熱心打招呼～再介紹新出食品 (當時是潮汕扎肉/牛筋餅/牛筋丸) 或推薦食物 (土匪雞翼/四川麻辣雞翼) 因為我都好揀飲擇食, 又唔好辣，所以就點了蕃茄湯底(走辣/走韮/走芽), 配牛筋丸/豬軟骨/蘿蔔/響鈴+土匪雞翼+龍眼冰 🤟🏻 $72+$35+$9=$116 雖然呢個價錢食米線加餸都唔算平，不過如果好味就抵啦 😀 你睇下張相.... 湯底配送塊腐皮超級大片!!! 蕃茄湯好濃, 又有蕃茄碎, 係絕對會飲埋碗湯 🍅👍🏻 蘿蔔入味而且無根, 都係推介的餸～龍眼冰好多粒龍眼肉同埋好清甜, 老闆話佢地自家調製架🥤雖然餐廳的位置是民居，附近沒有大型商場，但間唔中去不同小區尋下美食都係一種樂趣 😋

呢間米線店係葵興，離地鐵站有段距離，不過勝在抵食同都算好食，下午茶$39包兩餸同野飲，份量ok，加$6 仲可以有小食加，好似有幾款唔同味既雞翼呀、油菜、響鈴可以揀。

粉麵就有薯粉、米線、烏冬、米粉，仲有我最鐘意：有得揀菜底。

湯底有酸辣，上湯，比較特別就蕃茄辣湯等。

試過好幾款餸，黑柏葉，墨魚頭，豬軟骨都唔錯，黑柏業同墨魚頭都冇煮得過老，豬軟骨就入味同軟腍，但豬潤就切得太細冇爽脆口感，象拔蚌幾特別不過食落一般，同埋呢度米線冇跟芫荽，加錢先有。

見佢新開冇耐，樓面都好落力做，唔知黎緊會唔會加多d選擇呢，好似小食同餸都係，佢選擇係比上不足，比下有餘，因為佢唔係真係好少餸揀，但諗諗下其他米線店既常見餸：炸醬，冬菇，雞絲，豬頸肉，鮮牛呢度都冇

行過葵芳唔知食乜好 ？🤓真心推介你食呢間 【魚羊米線】！😛行入去有個叔叔好有禮貌 咁安排我哋去坐卡位，😆見個餐牌咁靚 即刻叫咗上湯米線食！見到加肥牛都係 9 蚊 ，緊係即刻叫啦 ！ 我咁中意食啦牛！！🐮仲加多咗個墨丸 ！🐙好快 佢哋就已經出到餐俾我 ！ 一放到上枱，已經聞到陣陣米線香味 ！流曬口水啦 ！試咗啲米線先 ！米線口感爽嫩 ！ 一食滑入口啊 ！而啲牛都好有口感好味😋  大家鍾意食牛都可以叫嚟食啊 ！食到一半 見到有土匪雞翼 ！ 緊係叫埋佢睇吓再譚仔有咩唔同 ！大食嘅我就叫咗6隻  ， 一食落肚！即刻覺得好食過譚仔多多聲 ！呢度啲土匪雞翼 ，會帶有陣陣焦香味 ，勁開胃呀 ！誠心推介大家食呢間好食過譚仔嘅米線🍜

🌶️🌶️🌶️Yunnan Rice Noodles🌶️🌶️🌶️Supreme Combo includes fish ball, beef ball, cuttlefish ball, pork liver, beef, chicken, pork, pork belly, ham, minced pork, pickles, bamboo fungus, bean sprout, chinese chives, Bean Curd Sheet, lettuce 生菜🥬and tofu puffZhong can add your favorite soup base 👉 on top of soup or spicy 🌶️ sour and spicy 🌶️ after eating, go back and find out...It's not a joke, the soup base can do itLess sugar, less salt, less oil and a strong soup tasteAddress: G/F E, Jewellery Building, Wo Tong Tsui Street, Kwai ChungTakeaway Hotline: 24682997

今日遲咗起身，諗住食個米線葵涌人應該都知附近冇咩米線薯粉類嘢食，一出就要出到葵芳/荃灣，最近都係大窩口間譚仔三哥，所以嚟呢間過下米線癮都係唔錯選擇。

落單嗌咗薯粉，但應該部機下午茶冇呢個選項，落單個叔叔唔記得幫我轉，不過好彩都啱食，講返比叔叔聽都問返我啱唔啱食，落單嗰陣都好有禮貌，而家仲有得+$6 2隻雞翼，，不過兩餸都夠食就冇嗌到，隔離位啲香草雞翼送到嚟好香聞落唔會太梗香草味。

價錢就正常偏少貴，下午茶就抵食。

環境舒服闊落，唔會好但有一半係大圓枱，喺繁忙時段就要搭枱啦~食物方面，嗌咗兩餸，腩肉有啲軟骨，片得薄同埋大塊（不過太肚餓冇影到相就開吃👻）肥牛一如既往係有剪開一段段（好少見餐廳係咁做 係咪想方便人食呢 唔太確定），兩樣餸份量都唔少。

最特別係有茄湯我嗌咗唔辣，出去食米線薯粉通常得譚仔有得嗌茄湯，所以想食茄湯唔想出到咁遠食譚仔就可以食下呢間。

凍奶茶少少偏淡，但嗌少冰真係啱啱好。

整體味道不過不失，想過米線癮可以食下。

臨走問咗下係咪接上一手做，原來都係同一班人，不過轉咗裝修同名。

（fyi：之前叫米痴線）

魚羊米線餐單提供滇菜, 雲南, 川菜, 四川, 粉麵, 米線等推介美食位於葵涌區，餐廳座位數未知人均消費約$51-100，結賬可以用支付寶,現金,八達通,微信支付。

您對於葵涌餐廳「魚羊米線」有何 comment？

魚羊米線餐廳詳細資料：

• 魚羊米線地址:
  葵涌禾塘咀街117-125號珠寶大廈地下E號舖
  Fish and sheep Rice noodles, Shop E, G/ F, Chu Po Building,117-125 Wo Tong Tsui Street, Kwai Chung
• 魚羊米線電話:  
• 魚羊米線價錢: $51-100
• 分類: 滇菜, 雲南, 川菜, 四川, 粉麵, 米線
• 座位: 未知
• 付款: 支付寶,現金,八達通,微信支付
• FB專頁: 魚羊米線 Facebook

更多魚羊米線相關資料:

• 魚羊米線分店
• Youtube
• Facebook
• Twitter
• Google