大快活 葵涌
最後更新:
大快活推介
上次就一支公落街買餸兼行公園，晌「銀龍」食咗個好流嘅菠蘿油，今次兩公婆行完公園，老婆口痕就話不如食個下午茶，就揀嚟咗「盈暉薈」嘅「大快活」，因為一嚟等陣會晌隔離嘅「百佳」入貨，二嚟就喺呢間「大快活」地方超大，卻喺特別少人，疫情之下，坐得更安心。入門口，照例有量體溫，備有消毒搓手液，入到裡面，枱與枱之間都加咗隔版，再者，地方大，顧客都自動波隔開枱咁坐。下午茶餐選擇非常之多，有平有貴，由於一開始無打算食下午茶，之前嘅午餐時段都有食正餐，所以，就點咗一個下午茶餐，再加配一份湯麵。見到有款所謂特色湯粉麵，好似幾OK咁，又可以配雞脾，再加錢額外配碗迷你粉麵，夠晒過吓下午茶癮。迷你扎肉胡椒湯米線+蜜味燒雞脾 $39、雪菜肉絲上海幼麵 +$7.5雖然個胡椒湯米線寫明喺迷你，但睇落都有番咁上下大碗，而且，碗面加咗一大抹胡椒醬料，胡椒香四溢；隻燒脾亦好大隻，燒得金黃，睇落唔錯喎。迷你扎肉胡椒湯米線上面都講到胡椒嘅香氣四溢，真喺捧餐時已聞到，不過，就真喺過辣，辣到有啲嗆喉，小弟唔食得辣就咁講啫，但連食得辣嘅老婆都話啲胡椒辣勁好狠吓。除此之外，其實，個湯米線都無咩問題，扎肉跟湯米線都唔喺次等貨。蜜味燒雞脾至於隻雞脾為個下午茶餐搶回唔少分，一來夠大隻，夠份量，因為有啲餐廳將貨就價，啲雞脾細到好似未發育咁；二來醃得入味，又燒得香，而且，咬落肉質軟腍，意外地好食喎。雪菜肉絲上海幼麵間常嚟食早餐都有試過加配佢啲上海幼麵，感覺唔差，又只喺加多$7.5，睇樣你都見喺交足貨，而且，啲麵條咬落有韌性，雪菜肉絲味道啱啱好，唔會過鹹。熱奶茶有啲人話「大快活」啲奶茶最滑，有啲又話「大家樂」嘅奶茶最好，當然，兩間嘅奶茶都唔喺我心目中嘅最好，但「大快活」嘅奶茶算唔差，口感就稱唔上細滑，但茶底都算夠醇香。估唔到嚟食咗下午茶無耐，隔多個星期同老友行完山，沿石梨貝水塘落九龍接收水塘，再經長坑村返到嚟美孚，就不如食個下午茶，再吹吹水先散。今日再嚟，可能接近下午茶市完（因為疫情關係，茶市5:00pm就完，跟住就轉晚市），成個場都無乜人。迷你熱狗、粒粒紅豆冰 $27行完山，個心最想念就喺紅豆冰，所以，一眼就晌配紅豆冰系列嘅下午茶餐度揀，結果，就選咗配熱狗。出嚟嘅樣唔錯喎，紅豆冰大大杯，熱狗條腸亦有番咁上下，唔覺會喺將貨就價。粒粒紅豆冰 先講講紅豆冰，上文都講過杯紅豆冰大大冰，但打橫睇，堅有近半杯喺紅豆，可能臨近茶市完，賣大包清埋啲貨，最正喺啲紅豆又清甜，有腍身，配上冰涼嘅奶水，入口爽晒，真喺好飲好食。迷你熱狗再嚟睇睇隻熱狗點先，包身烘過，所以，好軟熟，而幼長嘅香腸唔喺白烚，喺輕輕煎過嚟，咬落腸衣仍有點脆口，雖然只喺加入普通嘅沙律醬，伴點生菜絲，但都比預期中好食。夾番兩次嘅體驗，「迷你熱狗、粒粒紅豆冰」下午茶餐絕對值得俾個讚好佢，但個「特色湯粉麵」下午茶餐就因為碗胡椒湯米線拖累，拉低晒啲分，不過，整體而言，小弟仍覺得值中上嘅分數。
葵涌大快活
| 餐廳分店 | 大快活 |
|---|---|
| 地區 | 葵涌 |
| 電話訂位 | 28568680 |
| 餐單 Menu | 港式, 快餐店, 少鹽少糖食店 |
| 人氣指數 | 918 |
| 價錢幾錢 | $50以下 |
大快活訂位位於葵涌區，詳細地址是葵涌景荔徑8號盈暉薈2樓218-222號舖，餐廳寬敞座位數目共有未知幾多個。大快活幾錢？價錢優惠後人均消費大約$50以下埋單，早餐午餐晚餐大快活餐單包括有港式, 快餐店, 少鹽少糖食店等美食，付款方式有現金,八達通付款，Booking網上訂位可以電話致電 28568680 查詢訂座。
大快活優惠
大快活 評價 相片
上次就一支公落街買餸兼行公園，晌「銀龍」食咗個好流嘅菠蘿油，今次兩公婆行完公園，老婆口痕就話不如食個下午茶，就揀嚟咗「盈暉薈」嘅「大快活」，因為一嚟等陣會晌隔離嘅「百佳」入貨，二嚟就喺呢間「大快活」地方超大，卻喺特別少人，疫情之下，坐得更安心。
入門口，照例有量體溫，備有消毒搓手液，入到裡面，枱與枱之間都加咗隔版，再者，地方大，顧客都自動波隔開枱咁坐。
下午茶餐選擇非常之多，有平有貴，由於一開始無打算食下午茶，之前嘅午餐時段都有食正餐，所以，就點咗一個下午茶餐，再加配一份湯麵。
見到有款所謂特色湯粉麵，好似幾OK咁，又可以配雞脾，再加錢額外配碗迷你粉麵，夠晒過吓下午茶癮。
迷你扎肉胡椒湯米線+蜜味燒雞脾 $39、雪菜肉絲上海幼麵 +$7.5雖然個胡椒湯米線寫明喺迷你，但睇落都有番咁上下大碗，而且，碗面加咗一大抹胡椒醬料，胡椒香四溢；隻燒脾亦好大隻，燒得金黃，睇落唔錯喎。
迷你扎肉胡椒湯米線上面都講到胡椒嘅香氣四溢，真喺捧餐時已聞到，不過，就真喺過辣，辣到有啲嗆喉，小弟唔食得辣就咁講啫，但連食得辣嘅老婆都話啲胡椒辣勁好狠吓。
除此之外，其實，個湯米線都無咩問題，扎肉跟湯米線都唔喺次等貨。
蜜味燒雞脾至於隻雞脾為個下午茶餐搶回唔少分，一來夠大隻，夠份量，因為有啲餐廳將貨就價，啲雞脾細到好似未發育咁；二來醃得入味，又燒得香，而且，咬落肉質軟腍，意外地好食喎。
雪菜肉絲上海幼麵間常嚟食早餐都有試過加配佢啲上海幼麵，感覺唔差，又只喺加多$7.5，睇樣你都見喺交足貨，而且，啲麵條咬落有韌性，雪菜肉絲味道啱啱好，唔會過鹹。
熱奶茶有啲人話「大快活」啲奶茶最滑，有啲又話「大家樂」嘅奶茶最好，當然，兩間嘅奶茶都唔喺我心目中嘅最好，但「大快活」嘅奶茶算唔差，口感就稱唔上細滑，但茶底都算夠醇香。
估唔到嚟食咗下午茶無耐，隔多個星期同老友行完山，沿石梨貝水塘落九龍接收水塘，再經長坑村返到嚟美孚，就不如食個下午茶，再吹吹水先散。
今日再嚟，可能接近下午茶市完（因為疫情關係，茶市5:00pm就完，跟住就轉晚市），成個場都無乜人。
迷你熱狗、粒粒紅豆冰 $27行完山，個心最想念就喺紅豆冰，所以，一眼就晌配紅豆冰系列嘅下午茶餐度揀，結果，就選咗配熱狗。
出嚟嘅樣唔錯喎，紅豆冰大大杯，熱狗條腸亦有番咁上下，唔覺會喺將貨就價。
粒粒紅豆冰 先講講紅豆冰，上文都講過杯紅豆冰大大冰，但打橫睇，堅有近半杯喺紅豆，可能臨近茶市完，賣大包清埋啲貨，最正喺啲紅豆又清甜，有腍身，配上冰涼嘅奶水，入口爽晒，真喺好飲好食。
迷你熱狗再嚟睇睇隻熱狗點先，包身烘過，所以，好軟熟，而幼長嘅香腸唔喺白烚，喺輕輕煎過嚟，咬落腸衣仍有點脆口，雖然只喺加入普通嘅沙律醬，伴點生菜絲，但都比預期中好食。
夾番兩次嘅體驗，「迷你熱狗、粒粒紅豆冰」下午茶餐絕對值得俾個讚好佢，但個「特色湯粉麵」下午茶餐就因為碗胡椒湯米線拖累，拉低晒啲分，不過，整體而言，小弟仍覺得值中上嘅分數。
有早餐就係好嘅朝早🌸聽人講大快活嘅無糖麥皮幾好食~所以就黎試下😋.精選早餐🥣 $30 (配牛油厚多士同野飲)個麥皮好杰身 唔會好水好稀😛不過我自己就覺得佢太杰～太似糊仔嘅口感...食到有啲想嘔🤮佢仲要有啲成左型 變左一舊舊🙈但係個麥皮都真係幾健康🤣完全冇加糖 ‼️連牛奶味都食唔出🥛如果唔係想食得清淡啲 下次都應該唔會再食🧐佢仲有好多款麵食可以揀 實有一款啱🤩十一點幾食嘅話 真係飽到唔洗食晏🤙🏻一份早餐可以當兩餐食🤣好抵食沒有之一🥰
這兒的早餐價錢不貴，份量不少，味道不錯。
就好像我這次點的雞扒早餐，才$30。
這雞扒早餐附脆皮香腸兩條，多士或蘿蔔糕，還有飲品，我選了多士和熱咖啡，我另外加了番茄湯通心粉。
雞扒嫩滑，醬汁味美，脆皮香腸口感佳，味道也好，可惜多士不脆，下次改點蘿蔔糕，咖啡味道也不錯，番茄湯通心粉湯頭很鮮味，推薦！這家大快活面積很大，環境本來不錯，可惜空調不足，悶熱，收銀員服務好，可惜取餐那邊的店員態度一般，而且出餐時有點混亂。
咁啱要去美孚上公司training，lunch得自己一條友，又唔熟路唔知食乜好，所以決定求求其食個飯算，咁就揀左去食快餐🙄🧐……☆ 豉油皇雞脾脆皮腸配雪菜肉絲湯米粉HK$39當然食得快餐，對佢既要求唔會高，而佢成個餐都算合格嘅。
豉油雞脾醃得都算夠味，雞脾肉幾軟腍，size中規中矩。
脆皮腸同雪菜肉絲湯米粉都不錯，特別就講唔上，性價比係ok嘅，起碼一定食得飽你先……加上分店唔算多人，可以坐下hea下成個鐘都得👍。
天氣清涼，好想食吓糯米飯，咁啱呢度下午茶有得食，我揀了糯米飯配熱奶茶。
糯米飯份量都唔算细，鋪有腊腸片，花生及香葱，賣相唔錯，糯米飯夠熱，軟滑唔油腻，花生香脆，葱粒惹味，快餐店都有咁好水準，相當唔錯，再配以一杯熱奶茶，更加覺得暖意十足。
大快活餐單提供港式, 快餐店, 少鹽少糖食店等推介美食位於葵涌區，餐廳座位數未知人均消費約$50以下，結賬可以用現金,八達通，Booking訂位可以電話致電 28568680 查詢。
您對於葵涌餐廳「大快活」有何 comment？
大快活餐廳詳細資料：
- 大快活地址: 葵涌景荔徑8號盈暉薈2樓218-222號舖 Fairwood, Shop218-222,2/ F, Nob Hill Square, No.8 King Lai Path, Kwai Chung
- 大快活電話: 28568680
- 大快活價錢: $50以下
- 分類: 港式, 快餐店, 少鹽少糖食店
- 座位: 未知
- 付款: 現金,八達通
- FB專頁: 大快活 Facebook
更多大快活相關資料:
香港餐廳2026推介9月