堯記美食 葵涌
地址: 葵涌和宜合道196號地下
最後更新:
堯記美食推介
呢間堯記店舖,前身轉過好多手,間間做唔長,當時開業真係替佢有點擔心,點知幾年前某日,不經意的叫了一碟招牌貴妃雞飯,真的不能不加入午餐必食名單上!我平時好少食白切雞的,但路過見d客人大多點雞飯,佢地有沙薑雞同貴妃雞可選,前者配沙薑,後者係落左好香既葱油,我第一次試食係貴妃雞,講真,當時見25蚊包埋凍飲.......心諗一定係冰鮮雞架啦!這是常識吧!點知,老闆唔知點解處理到d雞肉好嫩滑,好似新鮮雞一樣咁好味!幾年後既今日,水準仍然一直keep到,價錢來講,4年間只加得45蚊算係非常有良心之店!因為附近的茶記,已經由32蚊變成40蚊先走人,仲要唔包凍飲!而在堯記,你埋單加埋凍飲,基本上32蚊內就可以有好多選擇!成日都會諗究竟佢點做架!!除左雞,我亦試過京都骨飯,好大碟,d汁偏酸少少,不過加埋d洋蔥炒到好甜,又平衡返,d肉又好好味!佢地處理得非常好,唔會好鞋口,又唔會太雪藏味!仲有佢地既牛腩飯,亦係必試之選!因為真係好香,好林,好佩服老闆一家三口,膽粗粗之下開店,竟然為石蔭區街坊同打工仔帶來如此美食!佢招牌真係無改錯!我諗如此有香港味道既店,已經買少見少了!仲有呢,我有2個對餐廳環境幾有要求既同事,都唔介意同我一齊坐露天位食,就可想而知,呢間店既食物水準已經取悅人心多過店舖裝潢了!早餐黎講,佢地最抵食係3送麵(午市都照供應架!)包凍飲都係24蚊!唔好以為d送好少喎!如果叫外賣,係塞滿左成個盒架!!!老闆仲驚你唔夠營養,除左3種送仲比多幾條菜配搭,根本一般OL係唔可能食得哂架!除左野食,再講人情味,小店模式,老闆夫婦負責落單上菜,老闆負責埋水吧,仔仔就煮野,佢地好厲害,可以記得邊個客通常同邊個一齊來,有時會問: xxx唔一齊既? 仲有,有客人入來,佢即時問: 凍奶茶少甜腿蛋治係咪? 哇,對於客人來講,最窩心既服務莫過於此!老闆娘好有性格的,唔好睇佢接電話order時拜拜都唔講句,查實以佢地一把年紀,做野非常爽快!爭分奪秒,好忙之餘又可以邊做邊同客人傾計,建議想試食呢間茶記既朋友一定要試堂食!因為你會見到香港的人情味如此濃厚!有次行過問佢買幾包辣油,佢直頭話唔使錢送比我!所以話想到食,首選會諗起堯記!
葵涌堯記美食
| 餐廳分店 | 堯記美食 |
|---|---|
| 地區 | 葵涌 |
| 電話訂位 | 沒有電話提供 |
| 餐單 Menu | 港式, 粉麵, 米線, 茶餐廳, 冰室 |
| 人氣指數 | 830 |
| 價錢幾錢 | $50以下 |
堯記美食訂位位於葵涌區，詳細地址是葵涌和宜合道196號地下，餐廳寬敞座位數目共有未知幾多個。堯記美食幾錢？價錢優惠後人均消費大約$50以下埋單，早餐午餐晚餐堯記美食餐單包括有港式, 粉麵, 米線, 茶餐廳, 冰室等美食，付款方式有現金付款。
堯記美食優惠
堯記美食 評價 相片
呢間堯記店舖,前身轉過好多手,間間做唔長,當時開業真係替佢有點擔心,點知幾年前某日,不經意的叫了一碟招牌貴妃雞飯,真的不能不加入午餐必食名單上!我平時好少食白切雞的,但路過見d客人大多點雞飯,佢地有沙薑雞同貴妃雞可選,前者配沙薑,後者係落左好香既葱油,我第一次試食係貴妃雞,講真,當時見25蚊包埋凍飲.......心諗一定係冰鮮雞架啦!這是常識吧!點知,老闆唔知點解處理到d雞肉好嫩滑,好似新鮮雞一樣咁好味!幾年後既今日,水準仍然一直keep到,價錢來講,4年間只加得45蚊算係非常有良心之店!因為附近的茶記,已經由32蚊變成40蚊先走人,仲要唔包凍飲!而在堯記,你埋單加埋凍飲,基本上32蚊內就可以有好多選擇!成日都會諗究竟佢點做架!!除左雞,我亦試過京都骨飯,好大碟,d汁偏酸少少,不過加埋d洋蔥炒到好甜,又平衡返,d肉又好好味!佢地處理得非常好,唔會好鞋口,又唔會太雪藏味!仲有佢地既牛腩飯,亦係必試之選!因為真係好香,好林,好佩服老闆一家三口,膽粗粗之下開店,竟然為石蔭區街坊同打工仔帶來如此美食!佢招牌真係無改錯!我諗如此有香港味道既店,已經買少見少了!仲有呢,我有2個對餐廳環境幾有要求既同事,都唔介意同我一齊坐露天位食,就可想而知,呢間店既食物水準已經取悅人心多過店舖裝潢了!早餐黎講,佢地最抵食係3送麵(午市都照供應架!)包凍飲都係24蚊!唔好以為d送好少喎!如果叫外賣,係塞滿左成個盒架!!!老闆仲驚你唔夠營養,除左3種送仲比多幾條菜配搭,根本一般OL係唔可能食得哂架!除左野食,再講人情味,小店模式,老闆夫婦負責落單上菜,老闆負責埋水吧,仔仔就煮野,佢地好厲害,可以記得邊個客通常同邊個一齊來,有時會問: xxx唔一齊既? 仲有,有客人入來,佢即時問: 凍奶茶少甜腿蛋治係咪? 哇,對於客人來講,最窩心既服務莫過於此!老闆娘好有性格的,唔好睇佢接電話order時拜拜都唔講句,查實以佢地一把年紀,做野非常爽快!爭分奪秒,好忙之餘又可以邊做邊同客人傾計,建議想試食呢間茶記既朋友一定要試堂食!因為你會見到香港的人情味如此濃厚!有次行過問佢買幾包辣油,佢直頭話唔使錢送比我!所以話想到食,首選會諗起堯記!
我第一次寫食評!主要係為左要推介呢間堯記架!雖然佢唔係咩米芝連,又唔係特別大,但係勝在短短十幾分鐘食一個快餐都可以食得特別開胃!其實呢度真係最適合打工仔,因為附近都係工業區寫字樓!如果想食大大碟+凍飲又唔加錢+30蚊又有找+想夠快夠獲氣+而且好食!相信我,呢度絕對係最好!!!我覺得食飯最重要既係氣氛、環境同食物!堯記真係做到曬!!!我好想推介比住係葵涌附近既人同上班族!係堯記食早午晚餐真係最好!!!首先講下氣氛,堯記佢地係一家三口既生意,佢地兒子就係大廚,而2位老人家(老闆老闆娘)就做下樓面!佢地果份融合同埋家庭FEEL真係令到個氣氛幾好!因為老闆老闆娘好NICE,會同你傾計,又會講下笑~有時佢地果度真係好滿座!但係從來都唔會見到佢地發脾氣,佢地仍然笑住咁做你生意!就算有幾滿座同多人!佢地都一定會招呼你!氣氛同招呼都絕對好得過你去酒店食飯!我通常都一個人去食飯,但係唔會覺得悶架,因為成日同老闆老闆娘傾計!如果你都成日一個人食野,不妨去下呢間堯記!自己唔講野,都可以睇下老闆同老闆娘同其他客人傾計,食飯都會食得開心D!而環境果方面,堯記地方其實好細,但係你坐落唔會覺得迫,而且地方好乾淨,如果想食煙既都可以坐出去門口既位置,由於門口位置對上有好大個冷氣風位,所以唔食煙既人係鋪入面坐係完全唔會影響到!最後就係大讚食物!絕對係快!靚!正!想食快餐既有!想食中茶飯都有!想食粉麵都有!由於我已經幫親左都有一年,所以幾乎都食盡曬!今日為大家介紹幾款先!我覺得堯記最招牌既係沙姜雞飯!(雖然我唔知佢有無咩招牌)個沙姜雞飯望落就普普通通,不過食落真係好正!因為個雞有湯汁,其實用雞果D湯汁黎撈飯係超正!不過最正既係佢地堯記自家製既辣油!只要你將辣油放入沙姜果個汁度搞暈,然後點一點舊雞食,你就會明白咩叫好滋味!(呢個方法係老闆娘教架)我食過一次之後就上左癮!兒家幾乎次次都要用沙姜辣油黎撈飯TIM呀!第2個推介既係菜遠牛肉炒麵!相信大家睇到張圖都知有幾好味!個炒麵脆而不油膩,外脆內軟,芡汁好味不在話,最重要係佢次次都放得岩岩好!因為太多芡汁既話個麵會林曬!但係太少又會覺得個麵太乾!平時係出面食炒麵食完個底一定好多油,但係呢度既炒麵相對無咁油!勁讚!!!最重要係D料新鮮,好好味!第3個推介係豉椒班腩飯!(大家可以見到無乜配菜,其實係因為我唔太鐘意食所以叫老闆落少D)呢度最好食芡/汁係豉椒炒同咖喱,下次我食咖喱果時先再介紹咖喱啦!今次介紹左豉椒先!佢炒得夠香夠獲氣!而且夠曬味!個魚柳新鮮夠啖啖肉,堯記係食物方面真係好大方!因為D送一定唔會少!其實係堯記食飯基本上係唔會怕食完覺得唔夠,一定可以食到勁飽咁行出門口!因為呢度既特色係,你想多飯就可以多飯!你想多送都可以多送!!!絕對唔孤寒,不過我成日都覺得,佢地咁做生意會唔會蝕架?點解$2830一個飯可以咁大碟?而且凍飲係唔洗加錢!!!不過我諗老闆同老闆娘都係志在做街坊生意,所以價錢可以咁平!如果有打工仔既朋友都係葵涌工業區果度返工!不坊去堯記試下啦!呢個價錢唔洗等下午茶都食到架啦!!!下次再同大家推介啖啖肉既飯啦!最後想講,因為去得堯記食飯既人通常都係來去衝衝當食快餐,所以無乜人上黎留個言同食評,不過我真係好想好野可以大家分享!大家不坊食完之後都上黎留個食評啦!
最初以為<<堯記>>開業多年因他的門面, 餐牌各樣都很殘舊anyway, 周六中午和男友到這裡開飯男友點了香煎雞扒腸飯(蒜蓉汁) $27我點了吉列豬扒蛋飯(豉油汁) $27吉列豬扒是即炸的, 炸得很鬆脆骨很少, 適合我這些懶人不用啃骨頭嘛飯很大碟, 我想應該有兩碗半飯煎蛋煎得半熟, 蛋黃汁加上豉油伴飯也最多只能吃到三分二下次可以點少飯了最後整杯不用加錢的凍飲, 醒神!!
堯記美食餐單提供港式, 粉麵, 米線, 茶餐廳, 冰室等推介美食位於葵涌區，餐廳座位數未知人均消費約$50以下，結賬可以用現金。
您對於葵涌餐廳「堯記美食」有何 comment？
堯記美食餐廳詳細資料：
- 堯記美食地址: 葵涌和宜合道196號地下 堯記美食, G/ F,196 Wo Yi Hop Road, Kwai Chung
- 堯記美食電話:
- 堯記美食價錢: $50以下
- 分類: 港式, 粉麵, 米線, 茶餐廳, 冰室
- 座位: 未知
- 付款: 現金
- FB專頁: 堯記美食 Facebook
更多堯記美食相關資料:
香港餐廳2026推介8月