一嵐 葵涌

一嵐 評價 相片

今日過黎葵涌工廠區做野，下午茶時間就搵下有d 咩好食，忽然見到呢間隱世小店，一嵐。

佢既店面唔明顯，係一幢舊式住宅既地下通道，唔專登去搵可能真係唔會為意。

入到去鋪頭有一大陣味道，以我經驗應該係d 麻辣味，聞唔慣既人應該會覺得好臭。

好啦睇睇個menu 先一黎就已經俾佢個撈到吸引左，所以工話不說就叫左個一嵐撈丁，而我朋友就叫左自選A+B, 揀左豬扒同撈丁！因為人客不算太多，所以我地等左幾分鐘就已經有得食。

一上枱我眼都突埋，舊午餐肉好厚！ 係我人生中係餐廳見過最厚既餐肉，好誇張。

餐肉仲有煎過，真係好香口，炒蛋唔老，肉燥汁令到成個飯好開胃！！好有驚喜而豬扒肉燥飯都唔錯，豬扒整到香口鬆脆，好鬼正，佢仲有包麻油俾你淋上面，成個飯勁香口。

呢間鋪真係值得黎試！

我住係葵涌邨，附近嘅餐廳都係舊式😳食肆，無咩嘢可以打卡，最近發現左一間餐廳，佢標榜係 “平民美食”，入去叫左個定食套餐，侍應送嗰餐過嚟，估唔到有驚喜，嗰餐擺得好精緻好靚，可以體會到廚師用心製作，即刻打卡先。

👨🏻‍🚀其實依個定食套餐嘅性價比高，價錢唔算貴，様樣都有，有前菜，小食，湯，主食，飯同飲品，仲有甜品添，真係好超值，仲可以打卡。

前菜有我鍾意食嘅酸蘿蔔，又有麻辣皮蛋，侍應話每次都唔同，廚師當日配選，所以有驚喜。

至於嗰主菜我㨂左 “五香肉丁炒滑蛋配厚切午餐肉”，本人勁鍾意食午餐肉，佢哋真係厚切，好誇張 😍，午餐肉外脆內軟，好有口感，嗰蛋炒得唔錯，甜品係南瓜蓉，我對甜品無咩研究，但感覺可以喇。

我係附近番工， 有時都覺食到都唔知食咩好， 到最近發現呢個新開既舖頭（外婆酸辣粉個位），經過幾次都未有膽入去試，今次終於諗唔到食咩，就約埋4個同事一齊做白老鼠，見食評都多人讚秘制豬扒好食，我就點左黎試，其他同事分別點左吉列豬扒，吉列雞扒同一嵐撈丁 。

最先到係一嵐撈丁，舊午餐肉真係厚到嚇親我，係碼比出面餐廳厚23倍，跟住到我既秘制豬扒（麻辣味）肉燥飯，真係同食評講既差唔多，好好食，而吉列豬扒，吉列雞扒都好大塊，同事都話好好食，以後就多一個選擇，如果大家都係附近番工既，都可以黎試下，值得推介。

今次我想介紹下呢個新型小店，我係光輝圍住 ，今日放假搵野食，之前睇過openrice 見到呢間都幾好評，就去試下，入到舖頭，就隨便搵個位坐。

我係吉列控，一見到吉列我雙眼就發晒光，即刻點左吉列豬扒肉燥飯。

嘩😯😯😯 塊吉列豬扒好大塊，又厚，以為d肉會唔會好"鞋"好un"，就先食舊豬扒試試，原來超堅，肉質軟硬度識中，有肉汁，外脆內軟，味道唔咸，真係好味，再食啖肉燥飯，都好好味，我覺得呢間吉列係全光輝圍最好食，甚至比得上出面其他大型連鎖日本既吉列，真係好開心 以後可以狂食吉列啦～

每次經過，都被這句對話所吸引，“我早就放棄買房，只煩惱中午吃什麼”，好貼現今年輕人嘅心態。

今天晚上的起心肝入去這間小店試下。

我都係外貌協會會員，當然睇左食物相先，我點左個最吸睛嘅 “一嵐撈丁” 同埋 “炸豆腐”。

等候期間見到其他食客大部份都點豬扒，聞到陣陣麻辣香味，心諗唔通叫錯左 🙄。

店員拎左我叫嘅 “一嵐撈丁”，我覺得廚師擺得好靚好用心，要比個 👍🏼，所謂 “色香味”，睇見已好想食。

首先試左個厚切午餐肉先，真係好厚，外脆內軟嘅口感，再食 “五香肉丁炒滑蛋”，嗰滑蛋生同熟嘅比例剛好，好味。

至於嗰撈丁同外面嘅茶記差不多，麵質唔算淋，我較喜歡硬身嘅麵。

肉燥汁可以喇，如果多點肥豬肉較好。

嗰炸豆腐一口一粒，同樣都係外脆內軟，加上外面沾上椒鹽粉，味道剛好。

總括來講，我無叫錯，唯有下次再黎先試下嗰豬扒。

一嵐餐單提供港式, 台灣菜等推介美食位於葵涌區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 26102083 查詢。

您對於葵涌餐廳「一嵐」有何 comment？

一嵐餐廳詳細資料：

• 一嵐地址:
  葵涌葵涌道1001號光輝圍德昌大廈地下24號舖
  一嵐, Shop24, G/ F, Tak Chung Building, Kwong Fai Circuit,1001 Kwai Chung Road, Kwai Chung
• 一嵐電話: 26102083
• 一嵐價錢: $50以下
• 分類: 港式, 台灣菜
• 座位: 未知
• 付款: AlipayHK,支付寶,現金
• FB專頁: 一嵐 Facebook

更多一嵐相關資料:

• 一嵐分店
• Youtube
• Facebook
• Twitter
• Google