永安咖啡室 荷蘭園

永安咖啡室 評價 相片

今次已是我第二次黎了。

上次黎食左個馬介休奄列多士餐，今次再黎，試下馬介休奄列公仔麵，點知，極度驚喜!!見到餐牌，知道公仔麵無餐，但又岩岩起身，想食多點東西，所以叫左個公仔麵。

公仔麵個亮點係，佢比埋咖喱汁，一放落去，嘩~ 簡直絕配! 我本身食唔到辣，落左少少，好香，都忍唔住再落多d. 同埋，食到最後，通常d 麵都會發脹，唔知點解，我食到最後果幾條，都依然唔脹，抵讚!!!講真，價錢就真係唔平...一個馬介休奄列公仔麵加涷檸茶都要50幾蚊，不過，今次印象真係深過上次單食奄列。

下次黎都會試番公仔麵

近年常到澳門工幹,饞嘴族當不放過捐窿捐罅尋找廉價美食機會,結果悶棍常吃,板撞破不少下得出一份值得一去再去的食肆名單.年少氣盛,以踢館為己任,踢的不是人家打開門口做生意的食店餐廳,是一眾食家的生招牌,第一個要踢的是乞人憎到極致的兩億名咀食家介紹過的永安.點了匈牙利牛肉飯,水汪汪有別一般碟頭飯反光杰撻撻汁,牛肉(應是腩吧)帶著肥膏頗香口,薯仔軟腍腍吸盡精華,不俗;凍檸茶一般;牛尾湯是罐頭貨;火腿奄列麵也平凡過平凡,此時,想起永安名物"上等咖哩油",加之,一樽油只附一把刀其實不算衛生,我做好自己吧,千辛萬苦加到我的火腿奄列麵,奇蹟發生,甚麼畫龍點睛,化腐朽為神奇,起死回生妙手回春等統統派上用場,眼前的不再是火腿奄列麵了,而是一碗香噴噴,辣出火(下油份量過多之故),極之美味的一碗麵!!有這種轉變,全賴澳門神油上等咖哩油!!如沒有神油,相信不會山長水遠來永安.

牛脷好淋好味，通粉一般。

佢地係用出前一丁嘅麵煮，牛腩都係好淋，辣辣地真係好好食。

隻蛋好香好正呀，真係未食過咁正嘅蛋！但係好似凍奶茶咁，淡而無茶味就唔多好飲啦。

去永安咖啡室食地道蒜香撈麵！（$25一碗）要讚的是佢係用出前一丁，Ｄ雞肉／豬頸肉都用蒜香醃過，分量夠多而且好入味、肉質鮮嫩夠林又冇渣！　那個黑椒牛肉撈丁，Ｄ牛肉好入味，黑椒唔太辣！當侍應端來撈丁，同時會遞上鎮店之寶──上等咖哩油！唔好睇少呢罌調味醬，因為佢味道好得意，似沙爹加沙茶醬但不太油，用佢黎點Ｄ肉或撈麵食，有畫龍點睛之妙，好絕核！　（溫馨提示：怕辣的朋友千萬唔好點咁多，因為太＂重手＂的話後果自負！）除此之外，舖頭嘅可樂係大樽裝，夠凍夠氣又夠喉！　至於杯熱奶茶，茶膽夠靚質感好滑；凍飲就會遞上一jar糖水，多甜少甜悉隨尊便！

19號突登搭的士來,貼了字條「1019日休息」。

哼哼….澳門的茶餐廳可是有性格,星期日多是休市……所以第二天又要再來。

店內十分家庭式,很有舊冰室氣氛。

吃了蒜蓉焗肉丁公仔麵$23。

送到來,完全O晒,「焗」原來唔係焗飯焗意粉那種"焗"；「肉丁」也不是罐頭"肉丁"。

「蒜蓉焗肉丁」其實係蒜香,煎焗肉粒!!!老公欣賞到不得了。

真是很經典很經典的鑊仔風味!公仔麵,有人說是出前一丁,我倒不清楚,因為它麵身幼,唔通是日版出前一丁!!?anyway,總之一定不是大光麵。

好食!!套餐A.$33。

馬介休奄列+油多。

馬介休給我印象是「咸魚」,但它在這奄列中,一點也不咸,反而有點似味淡的龍脷魚。

加上下了很多洋蔥絲,其實不太覺,正吃魚奄列。

油多,用舊式烘法,有微微燶味,牛油也被烘熱氣,溶入多士中,正!港式,好少見~熱奶茶,似茶包+奶水。

好失望,咁出名既冰室,原來只係食物出名咋!仲有鴨胸、葡腸食品、黃薑豬扒飯都好想試呀…….

永安咖啡室餐單提供港式, 葡國菜等推介美食位於荷蘭園區，餐廳座位數未知人均消費約$50以下，結賬可以用現金，Booking訂位可以電話致電 +85328325001 查詢。

您對於荷蘭園餐廳「永安咖啡室」有何 comment？

永安咖啡室餐廳詳細資料：

• 永安咖啡室地址:
  荷蘭園東望洋斜巷2號H-1
  Cafe Veng On, H-1,2 Edf Vista Magnifica Court R/ C, Ferreirade Almeida
• 永安咖啡室電話: +85328325001
• 永安咖啡室價錢: $50以下
• 分類: 港式, 葡國菜
• 座位: 未知
• 付款: 現金
• FB專頁: 永安咖啡室 Facebook

更多永安咖啡室相關資料:

• 永安咖啡室分店
• Youtube
• Facebook
• Twitter
• Google