元札幌拉麵 (宇晴軒商場) 荔枝角

元札幌拉麵 (宇晴軒商場) 評價 相片

話說去開荔枝角想搵野食，開openrice 睇下見呢間咁少負評，直覺唔好食都應該唔會差得去邊，穩陣起見都係見兩碗麵試水溫。

兩碗麵皂水味都好重，我會形容呢啲叫港式日本拉麵，當然唔少得港式拉麵常見配置既粟米粒，去到呢度都知已經衰左。

地獄拉麵，辣就係辣，但感覺係師傅唔小心甩左個蓋倒多左辣椒粉果種辣，可以形容為味精辣，質感味道都無深度可言，感覺上三哥果種辣還比佢優勝，其他方面無咩值得評論。

另一碗Ankake拉麵，英文叫Sticky soup ramen，店員同我講其實係醬油拉麵，仲煞有介事同我講個麵已經「改良咗」無咁杰。

黎到果然無呃我，真係唔杰，真係一碗港式醬油拉麵，然而我真係唔知邊一忽sticky。

食拉麵唔好食我大可當自己去左搵三哥，但兩碗麵開價七十幾蚊碗，其實都幾離譜，基本上去foodcourt俾四十幾蚊都係呢啲質素。

是日天氣持續酷熱，我地嚟咗荔枝角搵嘢食。

諗起已經好多年未嚟過呢間拉麵店，於是就同男友過嚟幫襯吓。

午餐時人流唔算太多，坐得幾舒服。

服務員態度良好，會主動為食客添茶。

我地點咗兩個午市套餐，每份都係$60至$70左右，價格相宜。

我地都鍾意食拉麵，所以點咗兩款拉麵。

拉麵份量頗多，大大碗，係麵豉湯底同豉油湯底，令我好回味當年去札幌時食嘅拉麵。

另外，仲有兩款小食：手羽先（即雞翼）和南瓜餅。

南瓜餅一定要趁熱食，外脆內軟，好好食！手羽先攤凍咗，變硬曬，有啲可惜噢！

五月的第一天，仍然是疫情，看了<複製人•徐福>，逛了一下D2 place，就準備吃晚飯。

看了一下開飯，就發覺這個吃日本菜的餐廳。

從D2 place走過來，有著一道天橋，很適合情侶談心，走進商場，在超級市場旁邊找到了這個日本餐廳。

餐廳環境牆上的璧畫有著濃厚的日本色彩，但從某些位置看來卻很像茶記🙈🙈食物方面餐牌的設計令人眼花撩亂，而且菜式多得令人目不暇給，十分鐘後才揀得下手。

揀了一個套餐，點了「梅蘭菊竹」套餐😂實際是叫什麼我也忘記了，從不同系列中各自選擇一個菜式。

點了1）招牌牛油拉麵2）招牌雞翼3）牛舌4）滑蛋豬扒蛋飯先來了招牌牛油拉麵，隨著牛油慢慢在湯中融化，令湯底更香滑濃郁，味道提升了不少，令整個拉麵的口感和味道提升至極點。

可惜的是配料比較少，叉燒得一塊，有點失望。

之後來了雞翼，有兩隻，味道不俗，但略嫌口感不足，而且雞肉比較薄，反而牛舌弄得不錯，口感有，烹調期間加入一些調味粉，從而把味道提升了不少。

最後來了個滑蛋豬扒蛋飯，豬扒是厚切，適合一班食肉獸，但滑蛋就略嫌不足，去到後面就乾吃白飯。

日期：2021.5.1

放假食碗拉面, 已經選個杰身o的既湯底話試下, 但都係好稀同稍為淡口味反而汽水係玻璃樽有少少驚喜而且當日枱數唔多, 可能近下午茶時間排...八十幾蚊食完... 有o的唔抵

午市$78拉麵加3件刺身 佢水你下午茶餐加$48蚊既三文魚刺身 幅圖有5件 黎到都係得3件 跟餐沙律既中華海草得一著仔 下面係一大堆生菜梗 仲要一滴醬都無 主菜定食都還好 個拉麵真係不知所謂 餐牌既拉麵款已經奇奇怪怪 拉麵落芽菜都唔緊要 重點係個湯有芽菜水味 餐牌又無寫有咩湯底 自動俾左個醬油湯底 完全係老抽加水 一啲日式拉麵既感覺都無 似係茶記乾炒河加水 個麵又好普通 真係未食過咁難食既拉麵間鋪當時得唔到10個客 都要等成20分鐘先上菜 強烈建議唔好食拉麵 真係食都寧願食隔離和民

元札幌拉麵 (宇晴軒商場)餐單提供日本菜, 拉麵等推介美食位於荔枝角區，餐廳座位數70人均消費約$51-100，結賬可以用Visa,Master,AlipayHK,支付寶,現金，Booking訂位可以電話致電 35431448 查詢。

您對於荔枝角餐廳「元札幌拉麵 (宇晴軒商場)」有何 comment？

元札幌拉麵 (宇晴軒商場)餐廳詳細資料：

• 元札幌拉麵 (宇晴軒商場)地址:
  荔枝角深盛路9號宇晴軒商場2樓7-8號舖
  Sapporo Ramen En (Pacifica Mall), Shop7-8,2/ F, Pacifica Mall,9 Shamshing Road, Lai Chi Kok
• 元札幌拉麵 (宇晴軒商場)電話: 35431448
• 元札幌拉麵 (宇晴軒商場)價錢: $51-100
• 分類: 日本菜, 拉麵
• 座位: 70
• 付款: Visa,Master,AlipayHK,支付寶,現金
• FB專頁: 元札幌拉麵 (宇晴軒商場) Facebook

更多元札幌拉麵 (宇晴軒商場)相關資料:

• 元札幌拉麵 (宇晴軒商場)分店
• Youtube
• Facebook
• Twitter
• Google