鳥山名 荃灣

鳥山名 評價 相片

呢間日食之前同屋企人慶生既時候有食過覺得相當高質而且有性價比，今日去宜家買肉丸順便過到黎就一於重溫美味。

百元左右就有一個丼飯，晚市來講幾ok。

單叫的醋醃魚：食落醋飯酸味適中，咬落唔易散，魚生中規中舉。

海鮮七星丼：因為之前食過，覺得幾好味今次就決定encore。

入面有三文魚、油甘魚、吞拿魚、帶子、吞拿魚蓉、海膽、海老，魚生新鮮唔腥而且魚味有，因為有食過，但感覺上個量比之前少咗。

依然抵食既。

入口油質十足的蝦，如果大隻一點就好。

伊比利亞黑毛豬：食落炭燒味十足，咬落有油香又有肉汁,幾juicy!雞腎：呢個相當有咬口，但調味有點乏味，差咁個靈魂，無汁燒咁好味。

和風燒牛肉定食：呢個最令人驚喜，份量十足而且美味非常，牛肉加上燒汁一起煮不會乾柴，點炸蒜和蛋黃醬食好夾同好邪惡！如下圖：入面仲有洋蔥絲、椰菜、雜菇，菜類索曬汁既味道，送飯好惹味。

走地雞胸三角軟骨：食雞軟骨就食得多，呢個雞胸三角軟骨質感比雞胸肉清爽，一塊脆軟骨跟一塊爽肉，口感十足，跟埋燒汁好味！日式蒸蛋：蒸蛋裡面有菇、雞肉粒、魚板等等。

個蛋蒸得好滑而且蛋香好夠，感覺係用上日本蛋，因為佢係亮黃色（同屋企既蛋好似）蛋既比例多過上湯，因為明顯蛋既味道勁d，岩曬我呢d蛋痴。

鳥山夠係玩具反斗城對面，係個商場既角落位，但真係一間十分有質素而且有性價比既鋪頭，希望佢準備keep到個水準啦。

想為屋企個廳更換廳燈，於是嚟左荃灣中染到行個圈，雖然最終未有買到嘢落袋，但行左過去愉景新城搵食，當然有啲唔可以食喇，但估唔到搵到間食日本菜嘅好嘢夜晚9點前嚟到都有8成坐滿，依家香港咁嘅情況下有咁多人算係好好，加強信心，最意外係個餐牌咁多嘢揀，好似放題咁，前菜、沙律、壽司、炸物、串燒都有，非常吸引睇menu都眼花瞭亂，揀唔落手就決定向壽司埋手！叫咗火炙左口魚、芝士蝦卷、三文魚、帆立貝，質素真係幾好！火炙左口魚「脂」味豐富，入口成咀油香，一流！而芝士蝦卷都好好味，香口又夠大份！不過要提提啲豉油同埋芥末，芥末應該係手磨嘅，唔太辣又有啲粒粒，有自然風味！而豉油就同一般食開有少少唔同，甜啲濃味啲，點少少已經好襯啲壽司！壽司之外，我哋再叫多咗兩隻燒蠔，同埋想試埋佢嘅韓風嘢，所以叫咗泡菜豚肉煲！豚肉煲有少少crossover嘅，湯底同豚嘅醃製方式都係和風，不過就加咗泡菜去煲，都足料架！成個煲爆晒，一開始有啲難落手添！豚肉好香甜，味道係偏濃味嘅，但勝在煲耐咗都唔韌，可能因為切得夠薄！湯底甜甜哋似壽喜燒汁，加埋少辣嘅泡菜係好開胃！最開心係有粗身粉絲喺底，咁好味嘅湯底可以回味多幾次！至於燒蠔就非常多汁，火喉剛剛好！一咬落去真係咇晒啲汁出嚟，好滿足！不過少少建議，想食真係要早啲嚟！我哋9點前後入座，已經無晒燒牛舌同埋好想試嘅鍋巴，下次要早啲嚟先得！

好耐冇行過山呀！今日由深井行去荃灣， 因為海之戀商場無嘢好食,所以轉陣到愉景新城食飯， 疫情下商場地下很多食肆都不再營業， 朋友今日都想食日本菜， 感覺上好像冇咁heavy, 見到玩具反斗城旁邊有間鳥山明， 有幾張枱等緊，就選他啦！餐廳的餐牌換了， 行了三個幾鐘的我們點了兩個定食，要增飽肚子。

爐端燒價錢好貴，所以點定食會較好。

定食有沙律、前菜、漬物、味噌湯、珍珠飯同埋甜品。

前菜是麻油海蜇，還有些海帶。

池魚一夜干定食， 這個做得不錯， 魚肉燒得不會好乾， 不過一定要送飯，單食有點咸，可能是我流汗過多吧！和風燒牛肉定食配溫泉蛋，份量非常足夠。

醬汁系是和風醬，特別是牛肉旁邊，放了些炸蒜 點呀，一齊食，增加牛肉嘅口感。

還有一些沙律菜絲併了沙律醬，和風味倍增。

珍珠米覺得有點唔夠熱，朋友話之前在其他日本餐廳，定食是可以添飯的， 細問服務員， 原來了這兒也可以添飯，不錯呀！ 因為他的飯碗比較細， 加多半碗剛剛好。

山葵八爪魚手卷， 山葵味好重， 好辣㗎，小心啲， 八爪魚好新鮮， 小量的芥末味好清新， 唯一美中不足就是紫菜不是太乾爽，可能因為我拍照放耐了。

滿分為10分(1分最低，10分最高)食物：8.5環境：8衛生：8服務：8價錢: 8舒適度：8.5總分：8.5

有一排冇食日本嘢啫，開始日本症發作，會無故想去日本旅行、無啦啦噏幾句日文，咁唔掂喎，今餐點都要食日本嘢㗎喇一入到店內，樓面安排我地坐bar檯，眼見咁多新鮮嘅刺身，忍唔住嗌生嘢飲住靚茶準備用餐檯前有口罩袋供應，無微不至呀呢杯cocktail幾好飲，加咗啲日本酒、檸水同梳打，配搭超夾呀嗌定食會有優惠價加嘢飲，唔係唔嗌嘛？大胃短暫嘅夢想同需求終於嚟喇，有反卷、軍艦同手握壽司，大家庭聚首一碟呀！吞拿魚蓉同其他刺身鮮味果然十足，飯嘅比例剛好仲有啲前菜伴碟，有生亦有熟連甜點都包埋，正湯嘅溫度同鹹度剛好，飲幾啖就完事但好滿足人係唔可以咁易自滿，食埋個甜品先啦！大滿足果然係大滿足，種類繁多，而且份量不容輕視，樣樣都咁精彩，真係會滿足到反肚其中最正就係柚子雪葩，酸甜交替，平凡中嘅不凡食完呢餐，暫且可以紓緩到日本症，一晚咁多啦

今日約左喺荃灣收工既朋友食飯 我地覺得愉景新城人流少d 又想食日本野 就決定試下 鳥山名💁🏽‍♀️餐廳環境闊落👍🏽仲有一張枱擺滿紙袋 俾有需要既客人拎黎放口罩👍🏽呢度食物選擇多~~ 我地兩個眼闊肚窄 叫左唔少野食😛 多數都係叫一d喺menu上有「推介」標記既~~ 燒鱈魚干($38)無試過食鱈魚乾 所以就試下!感覺好似食緊零食 好脆卜卜 有魚味都有少少焦香味~~燒粟米($25)呢度既燒粟米🌽 唔係淨係搽牛油/蜜糖燒 仲應該有搽醬油等等 所以有d䶢味~~燒菠蘿($25)我第一次食菠蘿🍍 點梅子粉 太好味喇😋 點左梅子粉後 菠蘿味更加突出👍🏽 完全唔酸只有甜味😀份量都唔少 呢個強烈推介🌟銀雪魚骨西京燒($58)呢碟係朋友話一定要點因為佢話喺其他餐廳食西京燒無呢度咁平!呢碟西京燒的確幾抵食 一碟有六件👍🏽甜甜既味道 夾雜銀雪魚既脂香~~而呢度部分既火炙壽司🍣可以由客人自己揀調味架 可以揀 海鹽燒/ 汁燒/ 美乃滋 👍🏽前: 三文魚腩(汁燒) ($34)中: 左口魚背(汁燒) ($38)後: 三文魚(海鹽燒) ($26)個人認為三文魚同三文魚腩差唔多😛 而汁燒就比海鹽燒濃味 個人比較鍾意海鹽燒~~ 唔洗再點豉油已經好夠味👍🏽左口魚背入口即溶 幾好味😋牛油果軟殼蟹反卷($95)反卷除左有切得細薄、排得好靚既牛油果🥑外 仲有蟹籽、青瓜絲、軟殼蟹所以口感非常豐富😋鰻魚朴葉飯定食($120）呢個定食入面 最欣賞係飯🤣 (利申: 平時唔係好食飯)飯粒好煙靭👍🏽第一次食朴葉飯 一路食我個腦就好自然咁同荷葉飯做比較😛 雖然朴葉冇荷葉咁大面積 覆蓋範圍又無咁大 但係好入味 味道好特別😍 我就咁食無饅魚汁既白飯都覺得好滿足😋今日唯一遺憾既係飲唔到限定既濃厚魚鋦湯👉🏼👈🏼 下次再黎幫襯個陣試下先!

鳥山名餐單提供日本菜, 拉麵, 壽司, 刺身, 烏冬, 串燒等推介美食位於荃灣區，餐廳座位數120人均消費約$201-400，結賬可以用Visa,Master,現金,微信支付,(國內)，Booking訂位可以電話致電 23438666 查詢。

您對於荃灣餐廳「鳥山名」有何 comment？

鳥山名餐廳詳細資料：

• 鳥山名地址:
  荃灣青山公路荃灣段398號愉景新城1樓1025-1026號舖
  Toriyamana, Shop1025-1026,1/ F, Discovery Park,398 Castle Peak Road( Tsuen Wan), Tsuen Wan
• 鳥山名電話: 23438666
• 鳥山名價錢: $201-400
• 分類: 日本菜, 拉麵, 壽司, 刺身, 烏冬, 串燒
• 座位: 120
• 付款: Visa,Master,現金,微信支付,(國內)
• FB專頁: 鳥山名 Facebook

更多鳥山名相關資料:

• 鳥山名分店
• Youtube
• Facebook
• Twitter
• Google