銀龍粉麵茶餐廳 荃灣

銀龍粉麵茶餐廳 評價 相片

難得可以出街食早餐,便來眾安街踱踱。

銀龍在這條街都有三間呀!記得上次食過芝士吉列豬扒,好食,所以再來。

這間原來快要搬去對面122號鋪喎!今朝好想食麥皮,二話不說,揀左唯一的麥皮餐。

麥皮好淡,只用清水煲,再加花奶。

估唔到花奶既甜,都影響唔到,仍然是碗淡淡的麥皮,所以味道好寡。

+$4配煎蛋多士。

見到厚多士,已發狂,而且極脆!!!還查了牛油,再加上煎蛋的熱力,牛油好香啊!蛋煎得好靚,反蛋仍有蛋汁。

本想把它放在寡寡的麥皮內,但見老公那碗米粉仲清淡!!便轉過給他。

他的漢堡、司華力腸米粉。

湯清,白壐壐咁,一睇就知淡慕慕。

司華力腸只有三片, 漢堡豆mo咁細,同食齋米粉差唔多!不過老公好欣賞佢d米粉,話夠腍又軟熟喎。

兩杯柑桔蜜,落左好大匙柑桔,好夠味,記得上次飲,都要加水。

其實濃味,好味~

前冕同左兩個fan去左打機打通頂,打到零晨兩三點,又肚餓,就去左呢間店食野,佢地o既消夜竟然全部炒粉麵飯....一係就公仔麵,跟住就叫左個三絲炆伊麵,味道都算唔錯wo,好香口,有咬口,有驚喜,$32連野飲,仲要係大大杯,加上質素都算ok,呢度真係消夜一個唔錯o既選擇.

原來已經有年幾無幫襯銀龍, 可能是荃灣茶餐\廳實在太多選擇吧...今天是星期天...度度都幾多人, 蘭香無位...行下行下呢度有卡位! 已是下午茶餐\時份, 老公叫了牛什河, 灼芥蘭, 吃了件牛肺, 鹹了一點, 我叫了水餃米, 三粒脹卜卜, 蝦是脆, 但有點硬, 還是一樣鹹了一點兒! 茶走少甜, 奶味較重!

我o地都好矛盾! 因家人住在附近,往往要叫外賣早餐(只此一家茶室供應外賣服務) 好處係多種類及效率快,好可惜,一年不如一年,由初初$18 一個早餐(兩年前)到現在食個早餐至少要付上$23 , 亦限制於只能叫腿蛋治加凍飲(我在tst 返工都只係付上$20), 還有他們西式食物的質素,完全唔符合要求,相反湯河還可以,但亦要小心,因為有時河粉係隔夜的,如閣下不怕煩的話可轉合棧或翠華試試,你必會領會到什麼是貨真價實的道理了!!!!

銀龍粉麵茶餐廳餐單提供港式, 無肉餐單, 茶餐廳, 冰室等推介美食位於荃灣區，餐廳座位數80人均消費約$51-100，結賬可以用現金。

您對於荃灣餐廳「銀龍粉麵茶餐廳」有何 comment？

銀龍粉麵茶餐廳餐廳詳細資料：

• 銀龍粉麵茶餐廳地址:
  荃灣眾安街65-67號
  Ngan Lung Restaurant, 65-67, Chung On St,, Tsuen Wan
• 銀龍粉麵茶餐廳電話:  
• 銀龍粉麵茶餐廳價錢: $51-100
• 分類: 港式, 無肉餐單, 茶餐廳, 冰室
• 座位: 80
• 付款: 現金
• FB專頁: 銀龍粉麵茶餐廳 Facebook

更多銀龍粉麵茶餐廳相關資料:

• 銀龍粉麵茶餐廳分店
• Youtube
• Facebook
• Twitter
• Google