福利來粉麵茶餐廳 荃灣

福利來粉麵茶餐廳 評價 相片

好耐冇幫襯， 去呢啲都唔可能食環境，因為其實佢都比較殘舊，不過住附近就腳， 叫咗個酸辣豬扒米線，呢個味道ok㗎， 另外再叫咗個炸雲吞下午茶，味道尚可，只是炸得比較實，最誇張係只有三粒雲吞，實在係太少啦。

如果佢餐牌寫明得3粒，我一定唔揀呢個餐，佢都收 $ 30 。

呢間野食左二十幾年,發現最近一年都無食,於是我今日決定特登走去食下午茶!一入到去,環境同之前十幾年都係一樣無改變過,無裝修過,但你會見到好多熟悉既街坊面孔. 叫左炸雞🍗配沙律,跟熱華田可能今日少人叫炸野,等左二十分鐘先有野食雞脾有少少酸酸地但肉質算鮮嫩個沙律似係雪左一段時間因爲我食到幾舊冰係入面🤣但都代表唔會放左係室溫太耐😂總括黎講係有少少貴,但地點就腳,員工態度都okay, 會keep住再幫襯

第一次驚見小強：上星期有一晚去買外賣，只在收銀枱逗留了幾分鐘已見到有2隻小強出沒，冇錯連收銀枱都有。

平日佢地面已長期黐立立，但從來冇見過有小強。

再遇小強：前晚我再去，我去到坐低咗先醒返起果度有小強，但諗住算啦都坐低咗，同埋安慰自己：既然連收銀枱都有小強，污糟得咁明顯，佢地該會做大清洗啩。

所以我冇諗咁多。

食到中段，真係有隻小強响我枱面出現囉～～～！😖 隻小強仲向住我碟冬瓜燒肉飯行緊埋嚟。

我未遇過呢個情況，真係唔知點算，叫極伙記都冇人應，好彩隻小強最終冇行上我碟飯，佢 U turn 行返轉頭走咗落枱底。

然後先至有個一眼就睇得出佢係生手嘅伙記伯伯行埋嚟（同埋平時唔見佢），我話俾佢知有小強，原來佢仲係撞聾嘅，佢吓咗幾次然後我又講咗幾次佢先聽到，佢聽到我話有小強，佢仲六神無主過我。

响呢個交流嘅過程，亦引起咗另外2個伙記嘅注意，其中一個係後生女，我估是太子女吧。

另一個是大媽。

佢3個望住我一個你眼望我眼無人有反應。

我無奈話：咁一係你幫我轉過另一張枱啦～不合格的服務態度：個大媽就幫我搬嘢過枱，佢全程黑口黑面。

我估佢唔知我頭先同伙記講有小強，我咪同佢講囉，張枱有小強呀～所以想換枱。

到我去到新枱，大媽就大大聲同伙記伯伯講佢遇過 d 食客好難招呼，俾幾十蚊食個餐就當正自己係皇帝，佢重覆講咗幾次。

我唔要你唔收錢咪算仁慈囉，你加送小強我係咪仲要同你講多謝？留响度幫你洗埋碗好無？？一路食一路聽到佢講 d 咁嘅嘢，加上諗起 d 小強…… 真係食唔落囉～即刻起身埋單走人。

而家諗返，呢餐飯我唔應該俾錢添呀～

叫左碗什錦酸辣紅薯粉，覺得價錢抵，33蚊竟然有咁大碗，最正有好多酸菜，而且d酸辣菜又非常夠味，甜甜地，酸酸地，小小辣，餸有紅腸，魚片，水餃，都非常足夠，只是水餃煲得太耐，散晒……，其他都好好

第一次係呢度附近搵野食, 所以就去試左一間餐廳仔, 茶餐廳最叻係咩？就係夠快, 同時就係所有產品都好平穩點了涼瓜牛腩飯, 一見到係超多汁, 牛腩都好大舊, 不過就係超多涼瓜, 而且每舊都好大! 牛腩係好淋, 而且都幾大舊既, 而且好入味!茶餐廳就係香港文化, 每間都會有一樣特色, 但你唔會嫌棄, 這就是香港茶餐廳

福利來粉麵茶餐廳餐單提供港式, 茶餐廳, 冰室等推介美食位於荃灣區，餐廳座位數46人均消費約$50以下，結賬可以用現金，Booking訂位可以電話致電 24921310 查詢。

您對於荃灣餐廳「福利來粉麵茶餐廳」有何 comment？

福利來粉麵茶餐廳餐廳詳細資料：

• 福利來粉麵茶餐廳地址:
  荃灣荃灣中心第一期商場S70號舖
  福利來粉麵茶餐廳, Shop S70, Phase1, Tsuen Wan Centre, Tsuen Wan
• 福利來粉麵茶餐廳電話: 24921310
• 福利來粉麵茶餐廳價錢: $50以下
• 分類: 港式, 茶餐廳, 冰室
• 座位: 46
• 付款: 現金
• FB專頁: 福利來粉麵茶餐廳 Facebook

更多福利來粉麵茶餐廳相關資料:

• 福利來粉麵茶餐廳分店
• Youtube
• Facebook
• Twitter
• Google