焱鍋堂 荃灣
地址: 荃灣三陂坊20號地下
最後更新:
焱鍋堂推介
放逐美國一個月，剛落機當然立即飛去同公主嘆雞煲啦！室內竟然滿座？我唔想坐露天喎。好采四眼叔叔食客調張卡位比我地，唔洗坐門口坑渠邊，錫晒您！藍妹 Promotor 姐姐只賣藍妹及蝦已奔，但我唔想飲藍妹，勁苦囉。唯有要蝦已奔，已經賣晒？咁我真係幫您唔到喇，比支 Asahi 我啦。荃灣果然係公主既地盤，識得隔隣汀汀活魚，連焱鍋堂都係識既，失敬失敬。公主嚷著極度肚餓，快快點幾個前菜頂住先。等了很久的拍青瓜，姍姍來遲，催完再催終於送到。重慶拍青瓜，又關重慶咩事呢？明顯剛剛即做，青瓜帶澀味，無用鹽醃無味道，酸味完全在外完全唔入未，不酸不辣又乾爭爭，瓜皮又厚又韌，新鮮度極差劣，品質低於水平。涼拌雲耳，根本跟拍青瓜用同一款汁料，何解唔叫重慶拌雲耳呢？雲耳爽爽，味道都係差劣，起碼夠酸食到陳醋味，沒有菌類霉味，明顯又係剛剛撈架啦。鹽酥炸魚皮，估唔到即炸新鮮出爐熱騰騰，不過極咸喎 ﹗奇怪地公主話接受得到？那我都係浸湯食，可以減輕一下咸度，濕濕微脆微腍，吸盡辣湯汁更好味啦。雷式混醬，以前淨金銀蒜指天椒夠晒，近年加蔥，辛辣中散發青香。肉蟹雞煲，創意新煲梗係要試，索價 $300 蚊都合理既。菜牌寫住係煲，最後出現我面前係鑊唔係煲喎。最初其實想要老鴨鍋只需要 $100 蚊，5 分鐘後才發現有蟹雞鍋供應，吸引好多啦﹗竟然比我轉，心諗應該係價錢貴成 $200 蚊，所以老闆即刻答應轉鍋無問題啊。厚厚雞髀肉唔夠熟，還是非常生坳坳，其他部位較薄較細已經熟透，雞胸直頭過熟有點乾鞋添喇。廚師叔叔親自現身走過，話落點湯滾滾去快熟一點，無所謂您喜歡啦。公主不停話唔夠辣，甜味太強勁，最衰無得揀辣度呢。嬸嬸在廚房送上辣汁，耐心地兜炒加辣，落左半碗辣汁終於煉成中辣，香辣惹味多了，辛苦晒。公主慢慢息怒，終於露出有一絲微笑喇。炒過既雞件散發焦香，薄薄不肥雞皮滑嘟嘟，雞髀肉嫩嫩多汁，雞皮還有豉油芳香味道添。雞胸就唔多掂，乾乾鞋靯似柴皮。膏蟹爆晒膏，甘香硬膏填滿蟹蓋，挖得乾乾淨淨，好好食。煮既火喉太慢使到有點霉肉，幸好蟹肉非常新鮮，蟹甜味出眾。香料調配得宜，芫茜、辣椒乾、洋蔥、蔥頭、等等，不是什麼獨門秘方。辣而帶甜，香料味道不突出，整體合格。蟹雞都清得九九十十嚕，係時候加湯打邊爐，正呀。一品雞煲半隻少麻少辣，焱鍋提供三款辣雞，焱貴香、一品、水煮，公主不吃水煮菜色，先試一品雞。味道比重慶清新甜美，還有滑豆腐索汁，好野黎喎。雞肉嫩滑甜美無過火，醃味可口，比雞蟹鍋好得多。Gas 爐不停自動熄火，換左兩次氣都無補於事，原來漏氣喎，仲識噴火添，氣油彈咁樣，嚇死人咩 ﹗老闆即時連爐帶 gas 掉街，換過另一部，可以安心地食喇，舒服晒。牛白肉，又叫牛胸尖或牛心鼎，都係同一樣野。封門柳賣晒，又想食得特別一點，老闆推介牛白肉，雖然食過好多次，都好啦。灼一灼，縮一縮食得，爽爽勁有嚼勁的牛脂，油香處處，甜美濃厚，每一趙都滲出牛脂清甜味道，食到舔舔嘴。手切極級牛小排，想試多款牛，就您啦 ﹗一般平凡單調，牛味濃濃甜甜，屬彈彈結實類，質素蠻不錯，最好食始終只有牛頸脊。手切牛頸脊，顏色嬌嫩，微甜微棉微牛肉味有趙頭，灼到全熟都無話乾鞋，原汁原味食得過。當然始終自己去街市買就最好食最高質，太和街市及上水街市同樣有高質牛頸脊供應。無封門柳、無金錢腱，賣剩牛頸脊、牛白肉、牛小排乍陰功，好采高質無投訴，好好食。肥美白鱔片，還有一絲腥味，肥一點，脂肪多一點，會更甜一點。肉質爽嫩，泛著天然鱔香鱔甜味道，中檔貨不失禮。雪場蟹柳，什麼雪場？滑雪場？鱈場蟹柳？有鱈場蟹成份嗎？最討厭一烚散開既仿蟹柳。依款蟹棒一烚就散，都還未吸夠湯就死左喇，最好食都係北海道蟹柳及帝皇蟹柳。日本廣島蠔，腥味極致，嚇死朕咩 ﹗試一隻全部放棄，保存得不好或解凍又再雪的話，就會腥味非凡出眾。脆鯇腩，薄切真有趣，厚切會更甜更嫩更多汁。新鮮水潤閃令令。不要烚過火變得乾鞋硬，睇準時機，起菜 ﹗真心爽脆肥美，魚脂甜到極點，魚皮脆、魚肉脆，不腥不嗅，讚口不絕。鮮蝦滑，硬硬掘掘咁得意？醃味重手，濃濃咸香，鮮蝦味弱，試一次便夠。火雞子，無新鮮本地雞子都退而求其次頂住先。烚到微縮即起，先慢慢咬開脆脆試一試水溫，免得燙親嘴仔甩皮起水泡呢。爆開噴汁，膶味甘香，雖然有一絲腥味，蛋味薄弱到幾乎食不到，沾上辣汁都還是可口。鮮雞腸？烚過加工架喎，無味又乾爭爭，討厭。雜菌併盤，公主無菇不歡，非菇不愛。蟲草花、鮮冬菇、雞髀菇、本菇，不過最想食係金菇。菇味清甜，不霉不澀，吸收湯汁後脹卜卜滑嘟嘟，蠻不錯喎。辣湯火雞子烏冬，烏冬，只得半個好孤寒喎。手打烏冬幼細嚥韌彈滑，不過不失。淋上雷式混醬，蒜蓉指天椒豉油更香口刺激，烏冬已吸收辣湯及所有食材的精華，再跟火雞子齊齊食，滋味不絕，太幸福喇。
荃灣焱鍋堂
| 餐廳分店 | 焱鍋堂 |
|---|---|
| 地區 | 荃灣 |
| 電話訂位 | 24197778 |
| 餐單 Menu | 港式,火鍋,海鮮,燒烤,中菜館, |
| 人氣指數 | 472 |
| 價錢幾錢 | $101-200 |
焱鍋堂訂位
焱鍋堂位於荃灣區，詳細地址是荃灣三陂坊20號地下，餐廳寬敞座位數目共有未知幾多個。焱鍋堂幾錢？價錢優惠後人均消費大約$101-200埋單，早餐午餐晚餐焱鍋堂餐單包括有港式,火鍋,海鮮,燒烤,中菜館等美食，付款方式有現金付款，Booking網上訂位可以電話致電 24197778 查詢訂座。焱鍋堂優惠
焱鍋堂 評價 相片
放逐美國一個月，剛落機當然立即飛去同公主嘆雞煲啦！室內竟然滿座？我唔想坐露天喎。
好采四眼叔叔食客調張卡位比我地，唔洗坐門口坑渠邊，錫晒您！藍妹 Promotor 姐姐只賣藍妹及蝦已奔，但我唔想飲藍妹，勁苦囉。
唯有要蝦已奔，已經賣晒？咁我真係幫您唔到喇，比支 Asahi 我啦。
荃灣果然係公主既地盤，識得隔隣汀汀活魚，連焱鍋堂都係識既，失敬失敬。
公主嚷著極度肚餓，快快點幾個前菜頂住先。
等了很久的拍青瓜，姍姍來遲，催完再催終於送到。
重慶拍青瓜，又關重慶咩事呢？明顯剛剛即做，青瓜帶澀味，無用鹽醃無味道，酸味完全在外完全唔入未，不酸不辣又乾爭爭，瓜皮又厚又韌，新鮮度極差劣，品質低於水平。
涼拌雲耳，根本跟拍青瓜用同一款汁料，何解唔叫重慶拌雲耳呢？雲耳爽爽，味道都係差劣，起碼夠酸食到陳醋味，沒有菌類霉味，明顯又係剛剛撈架啦。
鹽酥炸魚皮，估唔到即炸新鮮出爐熱騰騰，不過極咸喎 ﹗奇怪地公主話接受得到？那我都係浸湯食，可以減輕一下咸度，濕濕微脆微腍，吸盡辣湯汁更好味啦。
雷式混醬，以前淨金銀蒜指天椒夠晒，近年加蔥，辛辣中散發青香。
肉蟹雞煲，創意新煲梗係要試，索價 $300 蚊都合理既。
菜牌寫住係煲，最後出現我面前係鑊唔係煲喎。
最初其實想要老鴨鍋只需要 $100 蚊，5 分鐘後才發現有蟹雞鍋供應，吸引好多啦﹗竟然比我轉，心諗應該係價錢貴成 $200 蚊，所以老闆即刻答應轉鍋無問題啊。
厚厚雞髀肉唔夠熟，還是非常生坳坳，其他部位較薄較細已經熟透，雞胸直頭過熟有點乾鞋添喇。
廚師叔叔親自現身走過，話落點湯滾滾去快熟一點，無所謂您喜歡啦。
公主不停話唔夠辣，甜味太強勁，最衰無得揀辣度呢。
嬸嬸在廚房送上辣汁，耐心地兜炒加辣，落左半碗辣汁終於煉成中辣，香辣惹味多了，辛苦晒。
公主慢慢息怒，終於露出有一絲微笑喇。
炒過既雞件散發焦香，薄薄不肥雞皮滑嘟嘟，雞髀肉嫩嫩多汁，雞皮還有豉油芳香味道添。
雞胸就唔多掂，乾乾鞋靯似柴皮。
膏蟹爆晒膏，甘香硬膏填滿蟹蓋，挖得乾乾淨淨，好好食。
煮既火喉太慢使到有點霉肉，幸好蟹肉非常新鮮，蟹甜味出眾。
香料調配得宜，芫茜、辣椒乾、洋蔥、蔥頭、等等，不是什麼獨門秘方。
辣而帶甜，香料味道不突出，整體合格。
蟹雞都清得九九十十嚕，係時候加湯打邊爐，正呀。
一品雞煲半隻少麻少辣，焱鍋提供三款辣雞，焱貴香、一品、水煮，公主不吃水煮菜色，先試一品雞。
味道比重慶清新甜美，還有滑豆腐索汁，好野黎喎。
雞肉嫩滑甜美無過火，醃味可口，比雞蟹鍋好得多。
Gas 爐不停自動熄火，換左兩次氣都無補於事，原來漏氣喎，仲識噴火添，氣油彈咁樣，嚇死人咩 ﹗老闆即時連爐帶 gas 掉街，換過另一部，可以安心地食喇，舒服晒。
牛白肉，又叫牛胸尖或牛心鼎，都係同一樣野。
封門柳賣晒，又想食得特別一點，老闆推介牛白肉，雖然食過好多次，都好啦。
灼一灼，縮一縮食得，爽爽勁有嚼勁的牛脂，油香處處，甜美濃厚，每一趙都滲出牛脂清甜味道，食到舔舔嘴。
手切極級牛小排，想試多款牛，就您啦 ﹗一般平凡單調，牛味濃濃甜甜，屬彈彈結實類，質素蠻不錯，最好食始終只有牛頸脊。
手切牛頸脊，顏色嬌嫩，微甜微棉微牛肉味有趙頭，灼到全熟都無話乾鞋，原汁原味食得過。
當然始終自己去街市買就最好食最高質，太和街市及上水街市同樣有高質牛頸脊供應。
無封門柳、無金錢腱，賣剩牛頸脊、牛白肉、牛小排乍陰功，好采高質無投訴，好好食。
肥美白鱔片，還有一絲腥味，肥一點，脂肪多一點，會更甜一點。
肉質爽嫩，泛著天然鱔香鱔甜味道，中檔貨不失禮。
雪場蟹柳，什麼雪場？滑雪場？鱈場蟹柳？有鱈場蟹成份嗎？最討厭一烚散開既仿蟹柳。
依款蟹棒一烚就散，都還未吸夠湯就死左喇，最好食都係北海道蟹柳及帝皇蟹柳。
日本廣島蠔，腥味極致，嚇死朕咩 ﹗試一隻全部放棄，保存得不好或解凍又再雪的話，就會腥味非凡出眾。
脆鯇腩，薄切真有趣，厚切會更甜更嫩更多汁。
新鮮水潤閃令令。
不要烚過火變得乾鞋硬，睇準時機，起菜 ﹗真心爽脆肥美，魚脂甜到極點，魚皮脆、魚肉脆，不腥不嗅，讚口不絕。
鮮蝦滑，硬硬掘掘咁得意？醃味重手，濃濃咸香，鮮蝦味弱，試一次便夠。
火雞子，無新鮮本地雞子都退而求其次頂住先。
烚到微縮即起，先慢慢咬開脆脆試一試水溫，免得燙親嘴仔甩皮起水泡呢。
爆開噴汁，膶味甘香，雖然有一絲腥味，蛋味薄弱到幾乎食不到，沾上辣汁都還是可口。
鮮雞腸？烚過加工架喎，無味又乾爭爭，討厭。
雜菌併盤，公主無菇不歡，非菇不愛。
蟲草花、鮮冬菇、雞髀菇、本菇，不過最想食係金菇。
菇味清甜，不霉不澀，吸收湯汁後脹卜卜滑嘟嘟，蠻不錯喎。
辣湯火雞子烏冬，烏冬，只得半個好孤寒喎。
手打烏冬幼細嚥韌彈滑，不過不失。
淋上雷式混醬，蒜蓉指天椒豉油更香口刺激，烏冬已吸收辣湯及所有食材的精華，再跟火雞子齊齊食，滋味不絕，太幸福喇。
等左咁耐，終於開始凍返啲，似返啲冬天，最近麻煩屋企人幫手攪屋企裝修，係時候要請返佢地食一餐慰勞下，佢地好中意食海鮮，一於食下熱辣辣既蒸氣海鮮鍋！_________________________海鮮鍋係要預先打去訂既，店家會因應人數而調整海鮮數量同層數，我地一行四人，店家建議食七層鍋，六層海鮮一層粥底。
.而且店家會睇邊款海鮮新鮮或時令而更改菜式，所以晚晚都有可能唔一樣。
.未講食咩之前，想投訴下先，明明都已經一早打左去留海鮮鍋，亦準時入座，但最後都等左成八個字先有得食！我自己等唔緊要，要長輩陪等咁耐挨肚餓，真係有啲唔好意思，仲要有一枱人遲過我地好多入，個海鮮鍋都同我地一齊上。
😡😡😡.好，講左咁耐，睇下我果晚有咩食先！🔹粥底海鮮海鮮塔 $330 / 位1⃣貴妃蚌 (每人兩隻)好大隻, 佢加左粉絲同XO醬黎調味.幾爽口, 略嫌唔夠鮮甜同唔係好新鮮, 不過配XO醬剛好.2⃣大扇貝 (每人一隻)呢隻再大隻少少, 粒帶子幾彈牙, 可惜又係粉絲+XO醬, 連續二層一樣調味, 少左啲驚喜.3⃣大花甲 (每人六隻)佢d海鮮都幾大隻, 連花甲都咁大, 真係幾有驚喜今次乜調味都無加, 真係食到鮮甜味, 就咁食或者點少少豉油都不錯.4⃣大蝦 (每人五隻)清蒸大蝦唔夠新鮮，味道就相對比較普通，勝在數量夠多同夠大隻，擺盤夠靚.5⃣蒜蓉龍蝦 (每人兩份半隻, 其實即係一隻😂😂😂)呢層非常驚喜, 龍蝦肉鮮甜彈牙唔在講, 再配上蒜蓉好非常香口.最利害係隻龍蝦超多肉, 連個頭位都勁多肉之餘, 每一隻腳嘅每一節都非常有肉, 絕唔會浪費, 殼又易拆, 呢隻我畀5分(幾時多左個評分系統...).6⃣果皮蒸鮑魚 (每人一隻)鮑魚係九孔鮑魚，一人有一隻，上面加左果皮去蒸，鮑魚都幾大隻同幾鮮味彈牙，雖然放最底果層一直蒸住，但亦唔會過老.7⃣雞粥底 (雞湯底免費, 粥要加$30)最後個粥底真係今晚既亮點，係上面咁多層海鮮蒸左一晚既海鮮精華滴滴滴晒去最底層既雞湯再加米飯煮成！可選擇加唔加芫茜，葱同菜。
.湯底入面有不少雞件，吸收左海鮮日月精華嘅雞湯, 味道好鮮好甜雞+海鮮湯我真係第一次食, 估唔到咁夾!!!粥絕對推介要加, 比就咁飲湯更能享受個味道!!
同朋友飯聚，因為中秋節將近定過好多間食肆都無位。
好失望之際朋友建議想食海鮮， 兩年前曾經幫襯過焱鍋堂。
當時要兩個星期前訂位。
抱着失敗嘅心態係飯聚之前一日先打去訂位。
又估唔到比我訂到十位。
七點半嚟到即刻有位，人齊開餐，因為之前唔知有咩海鮮所以好期待。
餐廳的工作人員非常友善主動幫我地影相。
感覺像同家人在大排檔食飯咁開心。
每一樣海鮮都好好食。
下次一定會再嚟。
原本去Outback飲酒食晚飯, 五點鐘去到, 女接待要我哋六點半要交枱， 唯有離開行去三坡坊焱鍋堂， 去到門口問老闆冇訂枱有冇得食九層塔， 老闆話即刻安排。
原來四位分量是六層塔，每位$330有6款海鮮， 最後是雞湯底泡飯。
評語是“鮮”， 樣樣都新鮮，滿足的一餐，多謝亞囡。
一家五口去荃灣食海鮮，大熱天時 beerbeer佢la，食熱辣辣蒸氣鍋，配啤酒一流ah，不過我唔飲得飲一杯就紅曬ga 啦，龍蝦一人半隻 肉質彈牙，味道鮮甜，聽家姐話餐廳材料每日新鮮買，一試果然無令我失望a h，其他海鮮都一樣好味，配料都一樣唔錯！下次會再黎
您對於荃灣餐廳「焱鍋堂」有何comment？
焱鍋堂餐廳詳細資料：
- 焱鍋堂地址: 荃灣三陂坊20號地下 焱鍋堂, G/ F.,20 Sam Pei Square, Tsuen Wan
- 焱鍋堂電話: 24197778
- 焱鍋堂價錢: $101-200
- 分類: 港式,火鍋,海鮮,燒烤,中菜館,
- 座位: 未知
- 付款: 現金
- FB專頁: 焱鍋堂 Facebook
更多焱鍋堂相關資料:
香港餐廳2023推介04月
為減低冠狀病毒病在昌盛咖啡粉麵店內有任何傳播的風險，昌盛咖啡粉麵店在餐廳內會盡力保持高水平的清潔及衞生標準。餐廳昌盛咖啡粉麵店除了遵守預防及控制疾病的相關規例，昌盛咖啡粉麵店同時建議採取以下措施*昌盛咖啡粉麵店 黃, 昌盛咖啡粉麵店 藍, (昌盛咖啡粉麵店 黃藍 等意思黃店或藍店簡稱
常見問題 FAQ:
焱鍋堂在餐廳內應如何確保環境衞生？
- 食物業經營者應加強對食物業處所包括廚房、食物房、洗滌間、廁所（包括水龍頭與廁所把手）和食肆座位間的清潔，定時及在有需要時應用1：99（即把1份漂白水與99 份水混和）的稀釋家用漂白水消毒，以經常保持清潔和適當維護。
- 在處理被呼吸道分泌物、嘔吐物或排泄物污染的地方，應使用 1：49（即把 1 份漂白水與 49 份水混和）的稀釋家用漂白水。
- 經常清潔消毒食物接觸面及設備，例如餐具。
- 經常清潔消毒員工或顧客的頻密接觸點，例如門柄、桌面、餐盤。
- 確保用作送遞食物的工具不可用於收集餐桌上已使用的餐具及食物殘渣，可考慮以不同顏色或標示來識別工具的不同用途。所有工具都要保持清潔和定時消毒。
餐廳廚房內焱鍋堂應如何確保食物衞生？
- 採用「食物安全五要點」，以正確處理食物：
- 精明選擇：選擇安全的原材料
- 保持清潔：保持雙手及用具清潔
- 生熟分開：分開生熟食物
- 煮熟食物：徹底煮熟食物
- 安全溫度：把食物存放於安全溫度
- 有需要時，提供公筷公羹。
- 避免公開展示沒有包裝的即食食物（例如烘焙食品）。
- 如使用即棄手套處理即食食物，要注意手套不能代替清洗雙手，並要正確使用。手套如有損壞、弄污或食物處理人員因暫停工作而把手套除下，便應把手套丟掉；要經常更換手套，更換時和除手套後都要清洗雙手。
對於工的個人衞生餐廳焱鍋堂建議是什麼？
- 工作人員須謹記：定期檢查體溫
- 工作期間，戴上口罩
- 咳嗽或打噴嚏時，要用紙巾掩蓋口鼻，並立即將已弄髒的紙巾丟入垃圾桶。然後，以梘液和清水清潔雙手
- 保持良好的個人衞生習慣（例如在處理食物前後、進行清潔之後、處理廚餘或垃圾後以及上廁所後要洗手）
- 如患有或懷疑受到傳染病感染或出現病徵，例如感冒、腹瀉、嘔吐、黃疸病、發燒、咽喉痛和腹痛，應停止處理食物。如出現呼吸道感染病徵時，應戴上外科口罩及盡早求醫
- 洗手時應以梘液和清水清潔雙手，搓手最少 20 秒，用水過清並用抹手紙弄乾。雙手洗乾淨後，不要再直接觸摸水龍頭 （例如先用抹手紙包裹著水龍頭，才把水龍頭關上）
焱鍋堂餐廳內大家應如何減少社交接觸？
- 為採取以下措施保持員工之間、員工與顧客之間以及顧 客之間的社交距離：
- 為顧客提供外賣選擇
- 避免搭枱或改動座位安排以減少直接面對面接觸
- 在食肆張貼告示或作廣播、或於地面加上標記、提醒顧客在排隊或等候期間保持距離
- 在服務櫃枱加設屏障，減少顧客與員工直接面對面接觸
- 鼓勵顧客使用非觸式的付款方法（例如：信用卡、手機應用程式等）
- 安排員工分批工作、休息及用膳