澳門仔火鍋串燒專門店 荃灣

澳門仔火鍋串燒專門店 評價 相片

呢間澳門仔上年食完，對佢大煲足料海鮮豬骨煲念念不忘！今晚一於再約朋友黎再！今次都係點海鮮豬骨煲！嘩，上台仍然係咁足料大煲！淨係鍋D材料都有排食！有蝦，蟹，蜆，筒骨！滾起試一啖湯！好鮮甜！配料方面當然唔少得牛肉，今次叫咗兩碟極品手切肥牛 ($438碟) , 好正，肉淋牛味濃！其他配料都好新鮮！令人滿意的一餐！！

今晚我同朋友四人去食雞煲, 叫我去荃灣. 我心諗, 荃灣最近好亂想推佢. 佢話唔怕, 佢鄉下都是福建, 咁我地幾個大人唔著黑衫應該無事.  何況我地一向都係睇openrice食評四圍搵食, 今晚剛好附近做野, 就決定去試吓.  我地坐低睇價錢, 好似好貴咁, 但心諗平野無好, 就叫左個招牌雞煲, 幾味小碟, 海鮮, 串燒.  嘩, 咩味道, 雞煲唔夠香, 可能唔夠火喉.   小碟一般咁啦, 唔特別出色.   海鮮唔得, 無鮮味, 不過又未至於變壞.  係串燒叫好少少. 飲多兩支啤好過.  最驚唔係食物, 係隔離幾枱大大聲講野(我同事話係福清話?), 好勞氣咁, 越講越激動.  我就聽唔明, 但係我個朋友面色變晒, 就叫我地快快食完好走.  埋單過千,  食唔飽, 應該唔會回頭

都唔知d好評係米買反黎，首先d個沙薑雞腿咁普通嘅野食都可以冇味，店內嘅店員態度超差，仲要乜野食都冇(我晚上七點幾喳咼)，真係不知所謂！千萬唔好黎食肯定會後悔，d野食又唔係平咼

荃灣都真係好多餐廳賣雞煲～試過咁多間～最好味都真係澳門仔最正！今晚我又同我家姐一齊嚟食辣雞煲！首先叫啲餐前小食：椒鹽尤魚～外脆內軟，好好味吖！再嚟係…麻辣牛栢頁～喜歡食辣的人又點會錯過！小食食過後～店家介紹食過冷盤先……象拔蚌刺身入口甜脆…so nice！之後，主角登場…登登登櫈麻辣雞煲一隻麻辣醬香濃，雞肉嫩滑，加在一起令人食指大動…兩個人食一隻都真係啱啱好咋，因為真係食唔停口咖，食食下你會發覺：下？無喇…直頭想再食多一煲！為解相思之苦，店家就會……啫啫油墨菜我倆姊妹真係連汁都清埋咖！

小弟其實都愛食好西 昨晚朋友想打邊爐 於是搵到依間 因朋友話食評好 小弟亦未試過為一食肆寫食評 而呢間居然引到我寫咁我地坐低睇價錢都不足為奇既 好野食預左貴dd無問題 我地叫左個椰青湯底然後自己點心水既火鍋配料 首先個鵝腸 一望就覺得又薄又瘦 都心知不妙 落口完全無肥香既感覺 然後其他配料 安格斯手切肥牛 268（大） 小弟真係見識少 第一次見薄切手切肥牛又細塊 仲要無口感無肉味 再黎個花甲 唔鮮唔緊要 至少要有少少海水咸味 大佬我去街市濛住雙眼買d沙白仔都無咁嬲 而佢係完全無味既 桂花蚌同珊瑚蚌 依個無乜特別野彈 炸魚皮唔香口都算 最慘係最基本食材墨魚丸 我真係出面求其搵間都好食過佢 林吱吱唔彈牙無味 雖然佢都有粒粒肉係入面 但總恬所有野食我都邊食邊想爆粗 最好食就係皇帝菜 炸花生 同啤酒最後埋單 1040 都知領野架喇 我係無野食都唔會再黎架 太恐怖喇 無信心再試佢d串燒呀 乜乜盛盛 1000大把好野食呀 希望店方真係檢討下 你地唯一最好就係樓面姐姐都算有禮貌 講完

澳門仔火鍋串燒專門店餐單提供港式, 火鍋, 串燒, 串燒店等推介美食位於荃灣區，餐廳座位數110人均消費約$101-200，結賬可以用Visa,Master,現金,銀聯。

您對於荃灣餐廳「澳門仔火鍋串燒專門店」有何 comment？

澳門仔火鍋串燒專門店餐廳詳細資料：

• 澳門仔火鍋串燒專門店地址:
  荃灣三陂坊18號安安樓地下A號舖
  Macau Friend, Shop A, G/ F, On On Building,18 Sam Pei Square, Tsuen Wan
• 澳門仔火鍋串燒專門店電話:  
• 澳門仔火鍋串燒專門店價錢: $101-200
• 分類: 港式, 火鍋, 串燒, 串燒店
• 座位: 110
• 付款: Visa,Master,現金,銀聯
• FB專頁: 澳門仔火鍋串燒專門店 Facebook

更多澳門仔火鍋串燒專門店相關資料:

• 澳門仔火鍋串燒專門店分店
• Youtube
• Facebook
• Twitter
• Google