朴1982 荃灣

朴1982 評價 相片

成日都係荃灣搵食 今晚行到黎荃新天地 見到有間新新地既韓國野 就入去試下坐低睇餐牌發覺無乜選擇 好似係得幾種拌飯/石鍋飯 同埋有d韓式餃子咁咁兩個人無理由叫2個拌飯呢d差唔多既野 咁唯有叫左一個石鍋牛肉飯 同埋一個蟹膏龍蝦煎餃子 見人地檯檯都有泡菜前菜 但我地無 唔知係咪漏左都等左4個字到 石鍋飯先黎份量可以 應該都夠飽 韓式拌飯其實好難唔好食 佢配料夠加埋個韓醬 味到中上 但連加一要成百蚊唔算抵食個餃子都好食既 龍蝦肉做餡比較少見

上星期去荃灣參加活動，原本想食羅麥記，但太多人排隊，又趕時間，就改食對面唔洗點排隊既韓國菜，朴。

兩個女仔去食，叫左一飯一小食。

石頭飯份量夠晒大，share來食都無問題。

但飯沒有最正既飯焦，有點失色。

豬肉有肥瘦適中，但不夠香，加上有芝士，為碗飯添香氣。

顏色豐富有菜有肉，算是不錯，顏色豐富有菜有肉。

小食叫左餃子，一盤五隻比較少，勝在都算大粒，而且肉菜分佈平均，味道不錯。

可能是即叫即蒸關係，等得比較耐。

至於飲品韓國檸七，其實就是有氣梳打，但要25蚊都算貴！總括來講味道不算太差，不過所有食物價錢都偏貴。

同區仲有好多韓國食店，下次都不一定要揀佢。

喺荃灣做完嘢，突然想食韓國嘢，搵到呢間喺附近就去試下。

本來見到OpenRice 上面啲嘢食相都幾吸引，點知去到話轉咗menu，食物種類好少，得湯類、石鍋飯同餃子，連紫菜包飯都冇咗！咁算啦既然嚟到就試下啦，嗌咗一個大醬湯加蕎麥麵同一個石鍋飯。

個石鍋飯不過不失，所以冇特別影相。

跟住個大醬湯一嚟，我同男朋友都呆咗，$108真係得湯同幾粒蔬菜喺到飄浮，肉都冇一粒，真係一粒都冇！！仲要加$20先有一小份蕎麥麵，如果冇加到都唔知食乜！個底係冇嘢㗎，唔好以為有肉沉咗底😇呢度加$20，即係呢個齋到不得了嘅湯麵盛惠$128😅可能有人話大醬湯冇話一定有肉，以下有2點反駁：1. 商品同餐牌上圖片非常不符，圖片唔係一碗清湯2. 如果你係咁嘅料，唔應該賣咁嘅價錢，因為大家對性價比都有一定嘅期望，你又唔係五星級酒店環境，大家唔預性價比會太低。

總結：真係唔好試！

韓式午餐通常離不開石鍋飯, 豬/牛/雞肉配白飯, 超辣拉麵, 冷麵或伴麵等..  呢間餐廳午餐選擇都算多, 只是未見有common嘅可鍋飯.今日午餐揀了年糕餃子配白飯套餐 (包一罐果汁飲品), 價錢($55)都尚算接受.“餃子” & “年糕”都係急凍食物, 味道不過不失, 沒有什麼評論可言, 唯一想講就係年糕比較韌及硬, 好似仲未有煮透.按地區及份量黎講, $60.5 (加一後)嘅價錢都免強可以, 但以食物質素, 我就覺得性價比有點低.不過呢間餐廳有一樣野我覺得幾讚, 店員遞上罐裝飲品俾我地時, 佢有問我地需唔需要用飲管 (起碼有得俾選擇顧客) (環保意識不錯)

港女愛韓風已經唔係第一日嘅事，今日行開荃灣行過見開左間新嘅韓國野，睇一睇餐牌，價錢好合理，唔想諗，坐底try try佢先，一入去唔算大，但位置都算幾舒適，唔會為左擺多兩張枱而逼爆間餐廳👍睇睇個meun, 選擇唔算太多，但勝在樣樣有啲！嗌左個牛肋骨粉絲湯配白飯先講配菜，泡菜唔岩我口味，唔甜，唔酸，偏咸辣。

海帶，淡淡地主要係食原味，我自己幾鐘意羅白，係黃色醃蘿蔔加埋少少辣，同埋爽脆嘅口感令到我好鍾意！而個湯用石鍋上，上到黎仲滾緊😍，但雖然淨係見到粒粒洋蔥係面飄飄下，但一撈都有啲金菇，粉絲同幾塊薄切嘅牛肋骨，肉唔算多，不過佢嘅重點係個湯，算喇！湯入口清爽得黎唔會太淡，好岩我口味，配埋大大碗香飯飽到我捧住個肚走，連跟餐嘅韓國提子汁都無開，直接拎走😂超抵食

朴1982餐單提供韓國菜, 韓燒等推介美食位於荃灣區，餐廳座位數未知人均消費約$101-200，結賬可以用現金，Booking訂位可以電話致電 21105715 查詢。

您對於荃灣餐廳「朴1982」有何 comment？

朴1982餐廳詳細資料：

• 朴1982地址:
  荃灣楊屋道1號荃新天地地下G27-28號舖
  Park1982, Shop G27-28, G/ F, Citywalk,1 Yeung Uk Road, Tsuen Wan
• 朴1982電話: 21105715
• 朴1982價錢: $101-200
• 分類: 韓國菜, 韓燒
• 座位: 未知
• 付款: 現金
• FB專頁: 朴1982 Facebook

更多朴1982相關資料:

• 朴1982分店
• Youtube
• Facebook
• Twitter
• Google