弦 荃灣

弦 評價 相片

荃灣區竟然比我搵到有Omakase食，可能係荃灣第一間Omakase😗🍣Lunch Omakase Set $980🥚蟹肉茶碗蒸面層蟹肉芡 蒸蛋嫩滑 鹹香🦪岩手縣生蠔柚子啫喱柚子皮 蠔順滑 鮮甜味道重 後勁十足 幾清新🐟平靜魚先食原味後食搽上醬汁 網燒外皮好香 魚肉有彈性🐙北海道八爪魚 爽口具鮮甜味 粗管 配柚子胡椒 相當滋味🐠長崎沙錐魚鮮質綿完 配蛋黃酥 食落鹹香鹹香 味道較重🐟時不知鮭魚因為玩唔到識得返屋企 所以叫做時不知鮭魚 係鮭魚群入面嘅SSR🐠池魚彈牙肉味偏濃 🐟喜之次網燒外皮香味極為突出 魚味濃烈 相當出色🐠大吞拿魚腩將外層炙香 等味道滲入中層 油香感強 紫菜增加脆口之感🦐縞蝦蝦紅數極高 鮮甜味道爆燈 用火槍燒個蝦頭膏醬再放返係蝦面 🐚文甲先彈牙後綿密之感覺🍘北海道吉列帶子新鮮炸起 帶子肥厚大粒 十分鮮甜 配他他醬 紫菜脆口 口感好好🍱迷你丼自家醃製三文魚籽+北海道馬糞海膽 先為醬油甜 再有魚籽爆開之鹹香感覺 然後綿綿濃甜海膽 出色👍🏻👅牛舌心 $184 （以6折換購）舌心半生熟 又腍又爽口 牛香味勁重 配芥末籽無咁膩口 相當美味🍣吞拿魚蓉 柱貝 手卷淡淡幽香嘅吞拿魚蓉再加鮮甜柱貝 味道會令人記住🍨開心果味雪糕粒粒開心果 味道幾濃 又夠奶香總括嚟講，味道非出色，壽司配搭花款多，食材新鮮，師傅用心講解同掣作，出色👍🏻

對一眾Omakase迷而言，季節一轉，即係代表又有一系列新嘅seasonal 食材！依間位於荃灣嘅日本餐廳一直深受歡迎✨ 用上日本直送新鮮食材，午市最平$380就食到廚師發辦手握壽司🍣 而今次佢哋春季晚市omakase menu更可以試到多款期間限定食材，例如螢光魷魚，菜之花海老等，仲有一系列貴價/特別食材，魚料上可以話夠哂誠意🥳弦Omakase <茶碗蒸>櫻花蝦蒸蛋*<先付>•北海道栗蟹 折肉再加入蟹膏一齊食，品嘗蟹肉最原始嘅鮮味🦀*<お造り>•愛女魚·螢光魷魚春天又係食螢光魷魚嘅季節，細細一條但就極鮮甜，配上甜甜嘅蛋黃醋有提鮮嘅作用～ 一旁嘅愛女魚伴上辣蘿蔔蓉&芽蔥，口感滑嫩✨•北海道平貝·稻草燒福岡春魚即場拆北海道平貝，非常爽甜，帶陣陣海水鮮味🌊 春魚經過用稻草燒香，帶陣陣煙燻香味！配搭醋漬洋蔥，一減油膩感•鹹蛋黃醬海老·菜之花沾滿蛋黃蛋嘅虎蝦，食落帶鹹香而且肉質結實！一旁配上菜之花，非常有春天嘅感覺🌿🦐•華漣真蠔·醋水雲入口夠哂肥美飽滿，幾重蠔味，海水味較低🦪•炸東京灣文蛤外層炸得金黃香脆，裏面有薄薄一層洋蔥蝦膠，最裏面係中間仲保留到刺身口感嘅蜆肉😍 非常多汁鮮甜！•燒河豚白子雖然過咗食鱈魚白子嘅季節，但仲有河豚白子🤭 外層燒香過，入口有少少外脆內爆漿嘅感覺，好creamy! •冰菜白蝦最中餅超級IGable嘅菜式🥰 最中餅裏面夾住白蝦刺身、車厘茄 以及冰菜～ 成個presentation好有春日感！面層仲加上少量烏魚子&蝦頭蝦殼製成嘅醬油，加強個鮮味～ 整個組合幾refreshing ❤️*<握り寿司>•深海巨人八爪魚•即拆鳥貝•網燒喜之次•醬油漬中拖羅•熟成大拖羅•花竹蝦•鯖魚卷·白昆布魚料上睇得出花咗唔少心思，而且真心幾高質！最印象深刻一定係超巨型嘅八爪魚腳🐙 真係長過成個手臂！雖然每人分得一小片，但口感非常有彈性，鮮味特別濃郁！比較貴價魚料之一，喜之次！輕輕燒香過，帶魚油香！大拖羅經過熟成一星期，油脂感豐富，有入口即化嘅感覺🤤另外花竹蝦係新鮮到上枱啲肉都仲郁緊😱❤️ 食落超爽甜的！*<吸物>•8小時雞清湯 *<デザート>黃豆粉蕨餅·靜岡蜜瓜

荃灣區比較少Omakase餐廳 呢個商場人流比較少 朋友介紹所以決定一試呢間✨不過星期六晚去食都冇乜人 所以店員都可以好專心咁serve我地同介紹食材☺️佢地主打用時令海鮮 所以每次去都可以有唔同款👍🏻晚市比較貴 建議可以午市去食🥲🍣 Omakase 音 ($1,780 / 位)前菜 + 刺身• 金菇金露煮茶碗蒸• 鰻魚苗• 八角魚 + 赤貝• 真名鰹配柚子醬 • 網燒鰹魚刺身 配蒜頭豉油同Wasabi煮物• 咸蛋黃醬煮日本蝦🦐壽司• 春子鯛 • 烏賊• 喜知次• 大溝貝• 車海老• 赤身• 拖羅• 日本海膽• 蟹肉三文魚子手卷時令🍈日本水果整體質素正常食材都幾新鮮🤤有幾款特別喜歡 Toro 喜知次 春子鯛 魚油都爆晒出黎同埋師傅都會根據食材去襯返提鮮嘅配料醬汁調味不過略嫌d飯偏熱 好似感覺有小小搶左魚鮮😋同埋呢個價位都貴 有機會再試就去食Lunch set💪🏻

好似近排睇好多日本既我只可以係香港食住先荃灣既 #弦 lunch 唔使1000 一個人係螢光魷魚既開季個白子豆腐海膽杯 幾有特色其他就不過不失主要睇食材本身質素味道 ✅✅✅✅性價比 ✅✅✅✅環境 ✅✅✅整潔 ✅✅✅✅

朋友住荃灣，所以約食飯既時候都就下我朋友嚟到荃灣。

大家都鍾意食日本野，佢就介紹我嚟到弦 Sushi Gen 食dinner omakase，所以一齊去試下先。

內在環境都算幾靚，有D位置帶有園林感覺。

餐廳晚市有兩個menu，$2280+10%/p.p. 有22道菜而$1780+10%/p.p. 就有18道菜。

當晚就揀左22品既弦menu，首先以茶碗蒸揭開序幕。

鰻魚苗幾滑，子持昆布就爽口。

之後就到刺身，賣相都算精緻。

然後就有八爪魚，八爪魚經慢煮，質感軟燸。

深海池魚經禾桿草燻過，帶有煙燻香氣。

而岩手縣既牡蠣就配上蜜瓜刨冰碎。

日本既黑毛豬，伴以青椒同冬菇，黑毛豬肥瘦均勻。

鮟鱇魚肝伴以芝麻同芽蔥，虎蝦就配上鹹蛋黃醬。

然後就開始壽司環節。

大溝貝都算爽口，喜之次油份豐富，車老海質感都爽口。

當晚兩件既拖羅一件係中拖羅而較為近赤身既位置，另一件既蛇腹，雪花紋理豐富而帶筋，伴以蒜醬油。

東橋白海膽食落滿足。

之後就有手卷，吸物當係雞白湯，飲落雞湯味道都算濃郁。

最後甜品方面，以蜜瓜同埋士多啤梨作結，當中蜜瓜都幾清甜。

弦餐單提供日本菜, 廚師發辦等推介美食位於荃灣區，餐廳座位數未知人均消費約$801以上，結賬可以用Visa,Master,現金,銀聯,微信支付，Booking訂位可以電話致電 35720092 查詢。

您對於荃灣餐廳「弦」有何 comment？

弦餐廳詳細資料：

• 弦地址:
  荃灣楊屋道88號荃灣88廣場地下16號舖
  Sushi Gen, Shop16, G/ F, Plaza88,88 Yeung Uk Road, Tsuen Wan
• 弦電話: 35720092
• 弦價錢: $801以上
• 分類: 日本菜, 廚師發辦
• 座位: 未知
• 付款: Visa,Master,現金,銀聯,微信支付
• FB專頁: 弦 Facebook

更多弦相關資料:

• 弦分店
• Youtube
• Facebook
• Twitter
• Google