和味 荃灣

和味 評價 相片

其實都幫襯左2年 唔算係熟客 不過補完習佢有開舖既話一定會黎食！ 個呀姨好好人 去快餐店搵唔到既親切感。

奶油脆脆係推薦之選！又平又好食 加埋杯凍華田都係$19 華田其實唔係到到好飲 不過依到既華田都好濃好好味

又一次去呢間舖頭食野啦 呢度座位唔多,無任何裝修可言,座位都係係商場走廊的.但係之所以吸引我又重回此地,係因為好掛住老板娘整的蕃茄撈丁,真係好正 喊度岩岩好,蕃茄醬好濃,出前一丁又彈牙,加上仲有好多不同配料揀.生牛肉特別正tim ar呢度的奶茶好出名,我仲飲過呢度的熱檸蜜,比普通茶餐廳味道濃得多,有成5/6片檸檬,蜜味都好夠,價廉物美,無昆街坊架.每一次去到呢度都覺得好有人情味,老板娘同周圍店舖的老板好熟,老板娘有時做唔切,其他人都會幫手招呼埋,好大程度上係因為老板娘真係好friendly同好有禮貌.成日都唔該前唔該後,又會同D客傾下計,關心下人,呢種服務態度仲可以係邊度揾呀我逄星期六去食個時,不時都見到有2個後生仔幫手,其中一個係佢個仔,2個男仔都好孝順,令成間舖都好warm,好有心情味,係香港已經好難得.值得支持.

LUNCH多數會幫襯和味, 全因為佢既辣椒油!哈! 唔係誇張! 我本身唔多食得辣, 但都深深被佢呢隻辣椒油吸引!所以食親燒賣, 一定落辣油!食過呢間的蕃茄通粉和脆脆.不過由於食左中環勝香園多年, 唔多唔少會比較, 一比之下, 呢間肯定輸晒! 佢既蕃茄湯明顯淡左D, 不過肯定無落茄膏, 全部新鮮蕃茄煲的, 咁就抵讚LA! 酸酸甜甜好醒胃!脆脆好大塊, 抵食過翠華茶餐廳LA!講真, 呢個價錢, 呢個份量, 都算係抵食, 唔好要求咁多. 至於環境方面, 小本經營, 要坐走廊.不過我都無咩所謂, 係呢度有好多食店都係咁, 習慣了! 快食快走!老闆娘好好人, 又好有禮貌! 由於小本經營, 有時佢睇唔到咁多, 我地都好識做, 佢出餐時, 我地自己去櫃枱攞,街坊嘛! 無咩所謂

2011年1月26日 荃灣 ( 和味 1) ( 首評:266)午餐時段，在附近辦事，特別來這新開的小店試試...。

要了鮮牛肉蕃茄麵，牛肉屬鮮貨，蕃茄亦是新鮮的，湯是濃郁的蕃茄湯，但有點酸...飲品叫了熱奶茶，亦是絲襪奶茶，茶味不濃也不澀，雖然不是我喜歡的茶味，但亦順喉可口的...這裡真的是小店，簡陋的環境，活動檯子只有兩張，幫襯多是學生哥，阿姐樣樣一腳踢，對客態度頗親切，食物ok的，很抵食，雖然是小店，但感覺也特別...。

和味餐單提供港式, 小食店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「和味」有何 comment？

和味餐廳詳細資料：

• 和味地址:
  荃灣昌寧商場1樓5A
  yummy, 5 A,1/ F, Cheong Ning Arcade, Tsuen Wan
• 和味電話:  
• 和味價錢: $50以下
• 分類: 港式, 小食店
• 座位: 未知
• 付款: 現金
• FB專頁: 和味 Facebook

更多和味相關資料:

• 和味分店
• Youtube
• Facebook
• Twitter
• Google