nyce 荃灣

nyce 評價 相片

我同男友間中都會買0黎食, 多數都係食榛子同埋咖啡味,雪糕比較軟食, 但我反而喜愛這個質感. 榛子味道幾濃, 仲有榛子碎粒, 有少少咬口.咖啡味道雖然唔算太濃, 但都可以不過個威化雪糕筒麻麻地脆, 有時仲有少少淋淋地

平日經過都無幫趁的衝動，因為直覺上麻麻地。

今次好想食雪榚，但又驚肥，決定買試下，滿足下口癮。

四球都係$35，真係好平好平，榛子第一口感覺有陣藥水味，我不太接受。

開心果第一啖食唔出咩味，要食多幾啖開心果的味道才慢慢滲出來。

朱古力雖然顏色好黑，但朱古力味唔夠濃烈。

乳酪四種味道當中，這個就最突出，真似是食緊yogurt的感覺。

這間意大利雪榚唔算好細滑，而且質地比較實，水準唔及其他意大利雪榚專門店，不過論價錢，真係好平。

荃灣路德圍個邊都只是食cheap野為主，難得有間看似幾高檔既雪榚店，更標榜賣意大利既Galeto，當然唔可以走雞啦！其實一早已想來食，但早排又日日下著大雨，冇理由一邊拿住雨傘，一邊食雪榚呀。

趁去完附近杏花樓食完飯，就過來食番個雪榚。

單球$18個，價錢一般。

不過款式選擇唔少，sales仲好有禮貌咁話可以試食。

試了幾款後，拿定主意。

爸爸要咖啡味，妹妹要榛子味，而我就要曲奇脆餅。

我覺得唔錯，濃郁好味，又好滑身，粒粒既脆餅更有口感。

爸爸都話佢既咖啡味幾好。

三個單球$54，送番張$5 coupon，仲可以即時用，正！

一班損友，一起去個朋友屋企睇波。

在不能「兩梳蕉」去探人的大前題下，個個都爭相「認購」，有人買鹵水鵝，有人買啤酒，有人買零食，無謂同人爭，我來了買雪糕。

呢度標榜賣意大利Galeto，大大幅鬼佬相擺在門口作招徠，沒有興趣去查究正宗與否，最緊要好食。

選擇不少，除了正常一點的生果雪葩之外，還有一眾galeto如tiramisu、石板街、乳酪味等等。

可以試問，試了幾款，結果要了個細盒，味道要了菠蘿雪葩及tiramisu的雙併。

雪葩酸酸地，菠蘿味都幾重，不錯；Tiramisu就甜了一點，因為是galeto是較滑身又濃郁，都好受歡迎，鹵水鵝未食完，已經剩番個吉兜。

細盒裝55蚊，店員說有6個單球的份量，我們四個人都夠食，幾抵。

都食得過，有機會會試下其他味道。

今日經過,買左盒細既番屋企,$55,都幾抵,可以揀3隻味,我揀左開心果,榛子同焦糖開心果都幾真,好味,可惜d開心果碎比較淋,但整體都唔錯(個人喜歡da dolce多dd,因為d碎冇咁淋,但係呢度只係$15,da dolce要$33!)榛子好滑,d味都好真焦糖都係唔錯,不過甜左dd係揀既時候試左其他味tiramisu唔太似我覺得,如果唔係我會買番去俾mami試peach酸左d總括都真係唔錯,d sales好nice,有笑容,下次會再去試下其他味...同埋買大盒抵d,$80,約有14個scoop,仲會送多個$15既scoop俾你.好抵!

nyce餐單提供西式, 雪糕, 乳酪, 小食店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「nyce」有何 comment？

nyce餐廳詳細資料：

• nyce地址:
  荃灣荃興徑10至18號4號舖
  nyce,  
• nyce電話:  
• nyce價錢: $50以下
• 分類: 西式, 雪糕, 乳酪, 小食店
• 座位: 未知
• 付款: 現金
• FB專頁: nyce Facebook

更多nyce相關資料:

• nyce分店
• Youtube
• Facebook
• Twitter
• Google