Starry House 荃灣

Starry House 評價 相片

係OpenRice 訂位時，列明午餐都有折，純覺得價錢抵所以去試。

但到達時，侍應表示已過午餐時間，只有主餐牌提供。

一場黎到，點都試下喇，叫左一碟牛一碟risotto。

食到咁上下，想叫甜品，佢又拎餐牌出嚟，我多口問有沒有下午茶先知根本我地到達時係有下午茶，但由於餐牌既價錢較貴，故佢隱瞞唔比我地知，雖然食物味道都還可以，但做生意唔老實我唔會再幫襯☹️希望店主見到呢篇多事文章，稍為改善一下做生意既作風！！

提前預約到餐廳食晚餐同朋友慶祝生日，八點到確認預約安排入座，本身經理打算安排坐卡位，但我地見卡位坐得比較密，考慮疫情問題想隔開些坐，所以提出想坐近門口位置（近門口幾乎全部吉枱），但經理即晦氣講要九點交番張枱出來，不足六十分鐘仲少過放題，我當你有booking算，快食完行街，點左燒黑毛安格斯肉眼排，香燒羊架，仲有黑松露雜菌意大利飯和薯條，食物上得很大，但分量少，而且味道一般，肉眼排和羊架都落單寫五成熟，可惜切開已經見到幾乎全熟，而羊架只食到酒味，完全掩蓋本身的羊味，黑松露意大利飯無黑松露味，最正常係薯條，食完大家一致決定離開去donki揾再揾食。

餐廳唯一值得讚係女侍應（不是女經理）有禮貌，亦有留意枱上水杯無水來加添，最後九點前結賬，離開時近門口仍是吉枱狀態。

其實荃灣西餐廳選擇多，競爭大，尤其最近疫情問題，食物質素和服務質素真係決定餐廳生意的重要因素，建議餐廳去其他現時仍很多客既西餐廳取下經。

海之戀有好多新餐廳，之前同事話想試這間西餐廳，但以為公司過來好遠冇去，今日先知原來都唔係，就來試下。

openrice訂枱有折，12:00來到，一個人也沒冇，餐廳環境都幾靚，仲有得坐出面的，好舒服同空間也夠大。

叫左三份午餐，南瓜湯好奶。

都OK的，幾creamy，唔稀呀。

份量夠多。

紅酒燴牛尾配薯蓉，好濃的味道，好香，牛尾夠晒淋同入味。

有些青瓜粒，薯蓉好淋好滑又香，個醬汁都夠濃味。

油封煎鴨腿配薯蓉，呢隻鴨腿煎到好香脆，同事話煎得好脆好吃。

炭燒西冷牛扒，都好靚呀，煎到好深色，好大塊，同事說好香炭燒的味道，肉質也是好正的。

向某個折扣優惠app見到呢間有50%off本身諗住求其食返餐晚飯行到門口真係嚇親一個客都無但真係有啲眼所以都照行入去食點知啲食物真係幾好Caesar salad啲蔬菜好脆好新鮮有兜亂嗰啲醬先至上碟雞肉係煙燻過嘅雞胸Bread crumbs係整乾咗嘅蒜蓉包Spaghetti carbonara都無hea出唔可以話正宗但起碼啲pasta唔係百德阿姨嗰種亦都唔係食嗰啲光速西餐嘅hea粉係al Dente嘅煙韌意粉煙肉就好普通咁樣煮熟嘅感覺最後就係紅酒牛臉頰配薯蓉佢啲薯蓉係有牛油香味然後係中間有啲粒粒嗰種啲粒粒係翠玉瓜同冇完全整爛嘅薯仔牛臉頰都煮得好霖但唔會爛到一pad嘢咁亦完全無痴牙我夠膽講呢度真係好過SOHO好多西餐廳但係見到佢門面咁冷清我都覺得好慘特登加咗杯果汁不過果汁大家就唔好咁大期望啦我相都廢事影我哋兩個人食埋單$355呢排肺炎如果唔想出街人貼人咁樣食飯呢度都不失為一個好選擇

食個牛扒加個天使麵收我800蚊價錢貴冇問題質素同大家樂差不多感覺就好似入咗間店畀人屈裝修求其連把餐刀生銹嘅就好大問題囉星期日晚餐得四枱客有五個侍應啲侍應嗰度齋企再望都唔識得serve啲客問多兩句好似想同你開拖咁

Starry House餐單提供意大利菜, 西式, 海鮮, 燒烤, 扒房等推介美食位於荃灣區，餐廳座位數120人均消費約$101-200，結賬可以用Visa,Master,現金,AE,銀聯，Booking訂位可以電話致電 21229939 查詢。

您對於荃灣餐廳「Starry House」有何 comment？

Starry House餐廳詳細資料：

• Starry House地址:
  荃灣大河道100號海之戀3樓3094號舖
  Starry House, Shop3094,3/ F, Ocean Pride,100 Tai Ho Road, Tsuen Wan
• Starry House電話: 21229939
• Starry House價錢: $101-200
• 分類: 意大利菜, 西式, 海鮮, 燒烤, 扒房
• 座位: 120
• 付款: Visa,Master,現金,AE,銀聯
• FB專頁: Starry House Facebook

更多Starry House相關資料:

• Starry House分店
• Youtube
• Facebook
• Twitter
• Google