鮨岐 紅磡

鮨岐 評價 相片

平時好少黎黃埔 , 問係呢區住嘅朋友有咩好食 , 佢推介左呢間 ~ 就黎試一試 ~餐牌選擇都幾豐富 , 星期 1 至 4 仲有晚市定食 🤗🤗 ~~ 餐牌 (部分) :櫻花魚生飯 ($89) 一上菜見到咁多蟹籽感覺一般 🤔🤔 , 有種用較平價蟹籽充撐場面嘅感覺溫泉蛋做得非常出色 👍👍 , 所有魚生都係角切 , 有三文魚 , 油甘魚 , 青瓜粒 , 海量蟹子 , 壽司飯入面有咗少少菇碎 , 增加口感 , 但我麻麻地 ~ 份量適中 , 不過略嫌魚生種類少咗啲三色刺身丼 ($118) 有帶子 , 三文魚 , 白魚 , 帶子係好大隻 , 不過只有 1 隻開邊 ~ 魚生刺身都算幾厚切 , 整體嚟講 2 個壽司飯質素中規中矩 鹽燒雞翼 ($22) 雞翼燒得唔錯 😋 , 外層非常香脆 , 但略嫌底味唔係好夠安格斯牛肉串 ($39)好大件 !! 幾抵食 !! 不過好韌 , 食到牙骹有啲攰 😵食完仲有甜品送 ~~ 小泡芙解凍處理得好 ! 😁😁整體嚟講 , 食物同服務質素中規中矩 , 冇乜驚喜 , 不過勝在坐得舒服 , 價錢尚算合理 , 溫馨提示食滿 $300 或以上先可以簽卡 😉😉

係屋企樓下開左好幾個月既日本餐廳今日終於有時間一試，同女朋友兩個去試下佢地個lunch。

我地揀左兩個set，分別係三色魚生飯，壽司定食。

三色魚生飯包括三文魚、白魚、帶子、魚籽再配溫泉蛋，一篤穿隻蛋，啲蛋漿就流哂落啲魚生同飯度，一啖食落去，魚生，蛋漿同飯好夾，新鮮既魚生都算厚切，加埋魚籽卜卜脆真係好好味。

而壽司定食，本身就有好幾舊手握壽司，壽司既魚生都算厚切，飯糰唔算大粒，唔會妹仔大過主人婆，而且配埋牛肉烏冬，保證夠飽。

以上兩個set都會配沙律、茶碗蒸同啫喱，保證飽住走

上次去鮨岐食lunch都只係3星期前，因為食過翻尋味，所以再相約朋友們到此光顧。

本想點角切魚生飯，可是遲來一步賣光了，只能點燒三文魚魚生飯，朋友們則點了北海道三色魚生飯，兩款都一樣鮮甜好味，茶碗蒸更是一流！下個月要再來～

今日同朋友黎咗食lunch，餐廳個lunch好抵食，5個人埋單都係around $370。

我自己就叫咗個角切魚生飯，不過呢個飯好受歡迎，所以一定要早啲黎叫，吾係就好快賣哂。

個飯魚生好足料，仲有個蛋喺中間，真係好正，下似一定會再黎食！！😋

冇得去日本，唯有行遠D都要食返個日本午餐，望門面好似好貴，但原來又好經濟的鮨岐，每人午餐包前菜雪糕都不用一百元，抵食而且每張枱間隔都有距離，唔會太迫，唔錯！今次我點左北海道三色魚生飯，魚生帶子新鮮份量足夠，雖然同去日本食始終有距離，但疫情期間就在港食住日本野頂住先，滿足思鄉情懷❤️前菜個茶碗蒸都非常不錯，蛋滑好味😋下次再思鄉要再嚟懷緬下

鮨岐餐單提供日本菜, 爐端燒, 壽司, 刺身, 居酒屋等推介美食位於紅磡區，餐廳座位數未知人均消費約$101-200，結賬可以用現金，Booking訂位可以電話致電 23868890 查詢。

您對於紅磡餐廳「鮨岐」有何 comment？

鮨岐餐廳詳細資料：

• 鮨岐地址:
  紅磡必嘉街100號地下11B號舖
  Sushi Qi, Shop11 B, G/ F,100 Baker Street, Hung Hom
• 鮨岐電話: 23868890
• 鮨岐價錢: $101-200
• 分類: 日本菜, 爐端燒, 壽司, 刺身, 居酒屋
• 座位: 未知
• 付款: 現金
• FB專頁: 鮨岐 Facebook

更多鮨岐相關資料:

• 鮨岐分店
• Youtube
• Facebook
• Twitter
• Google