飯聚 紅磡

飯聚 評價 相片

午餐時間，想揾間簡簡單單的餐廳食個午飯，行到紅磡被轉角位這店名吸引"飯聚", 我笑了一笑，幾幽默！好，我去飯一飯聚先。

中式餐廳格局，比茶餐廳高級，店員很有禮貌咁招呼我，中午時段客人密質質，店員很好，見我女人仔一個，細心安排我在另外兩名靚太的枱搭坐，眼見靚太都食緊糖水！！咩事會有糖水架？！咁搞笑？？！原來是午飯套餐，有小菜+白飯+湯+糖水！嘩，勁驚喜$44蚊，大家x都唔得了，仲要有糖水！我點了蒸雞, 有例湯，仲有糖水紅豆沙真係好大碟，我係大食妹，現在有時遇上因價就貨的食店，會將食物分量減少，我有時食完好像無食架，這間飯聚完全合我何車！ ~例湯~唔係茶餐廳鹽水例湯，這雞腳湯味甜，夠熱，老火湯感覺，飲完唔口乾，真材實料，雞腳都仲好完整，感覺良好。

~蒸雞~很新鮮，出晒煙咁上枱，店員細心提醒我，碟邊好熱。

雞蒸得很滑，沒有多餘的粉，個味做得好自然，就好像屋企飯，個汁唔咸，撈飯好開胃。

~白飯~講真，勁大碗！遇上其他細食靚女，應該兩個人"些牙"都仲得。

飯香熱，軟硬適中！唔錯！~紅豆沙~好味，諗住送既就無咩期望啦，講真仲好食過咩記咩記廿幾蚊碗果啲囉！紅豆起晒沙，最重要係唔太甜。

$44食到今餐，我好滿足！ 觀察到餐廳牆上貼滿晚飯菜式，水煮魚，雞煲，好像仲正！我諗要晚飯再黎。

Btw..飯聚。

。

個名真係好頂癮，約班fd嚟飯飯聚聚先

今日奶奶生日，雖然之前已經慶祝左，但正日都應該食餐好啲嘅。

試過飯聚嘅小菜，質素頗高，不過價錢亦唔平，所以平時好少幫襯。

今日試左佢地嘅雞煲，因為有小朋友，我地選擇走辣，味道比對面一品淡，但雞肉好嫩滑，連雞胸都唔鞋，贊! 相信如果加少少辣一定更好味!不足之處係其他火煱料選擇少，我地叫左一隻雞，送一碟菜，另叫粉腸同一碟小菜腰果牛柳粒，男人們似乎未夠滿足，再叫半隻雞，好飽好飽呀！

話說早排2個人經過紅磡搵晚飯食, 經過見到<飯聚>價錢OK就入去試下啦試左過鐵鍋牛肉飯同一個炒四季豆四季豆就無咩特別, 但係要讚下鐵鍋牛肉飯, 飯面鋪滿紫洋蔥同牛肉, 肉多而且滑食到尾都仲有好多牛肉, 唔錯!講返前晚星期六, 咁岩有個朋友生日就想搵間無咁難搵位既食肆食餐飯, 所以一行9人就再試試<飯聚>訂位既時間老闆娘話雞同某D海鮮需要預訂而生日主角又比較喜歡食海鮮, 老闆娘就好好咁話:不如當日我落街市睇下有咩新鮮海鮮, 到時打比你決定啦!真係好服務啦最後海鮮係買左聖子皇, 兩隻大膏蟹同一條小海斑晚飯當日我地9個人點左1.拍青瓜 小辣, 夠爽2.沙薑雞腳  沙薑味濃, 炆得好林3.紀子豬骨雞腳老火湯 多料好味4.三味骨(椒鹽, 咕嚕, 鎮江)  椒鹽同咕嚕都好味, 鎮江就夠味不過紋得唔夠耐 5.黃金蝦 外面脆卜卜, 但d蝦肉仲係軟身岩岩好6.炸子雞 皮脆肉嫩, 唔錯7.什菌炒翠肉瓜  足料, 不過無特別8.蒜蓉粉絲蒸聖子皇 大隻夠鮮甜 9.薑蔥炒膏蟹 呢個要讚下, 真係一到上菜淨係見到2隻蟹蓋cover哂個身, 真係淨係食個蓋都開心死, 有膏夠肥又多肉, 老闆娘真識簡10.清蒸海斑 條魚新鮮, 不過d魚豉油就淡左d11.壽包 呢個堅正, 新鮮熱辣, 當個個食飽都仲讚好味12.紅棗糖水 老闆娘仲驚我地唔飽送個糖水嘆下埋單$1700老闆娘好有heart, 服務又好, 你估我訂左成千蚊海鮮佢唔怕我走數呀!所以我覺得好既食肆係要讚既唔好意思, 無映低相....快個相機食先, 個個一離就食 

其實呢間嘢都開左一段日子, 但始於冇機會食到. 咁岩有一日放假又唔想諗食乜, 結果就走左入去試下!霸皇花豬骨湯 一坐底就有人拎左好大碗霸皇花豬骨湯嚟, 一睇就知足料而且味道都唔錯蔥油雞 雖然望落去好似好細碟, 但其實分量都唔少. 而雞當然係凍鮮的, 但煮得唔會好老,加埋個蔥油汁送飯一流雪耳糖水 食完仲有個糖水, 甜度岩岩好, 食完真係好滿足!

I love the fish sets at this place!!It is only $40 including rice, soup and dessert!!Dessert:I don't like Chinese desserts anyway! but it came with it.Soup:There was no MSG, so the soup was quite good.Tried the fish twice, they were fresh and steamed just right because the fish was soft and supple.Black beans were my favourite.◎ⓢⓤⓟⓔⓡⓢⓤⓟⓔⓡⓖⓘⓡⓛ◎Price: $40Service: OKService charge: noYummy factor: okEnglish Menu: no◎ⓢⓤⓟⓔⓡⓢⓤⓟⓔⓡⓖⓘⓡⓛ◎

飯聚餐單提供港式, 湯品, 中菜館等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「飯聚」有何 comment？

飯聚餐廳詳細資料：

• 飯聚地址:
  紅磡黃埔新邨二期民泰街18-20號地舖
  Let&amp;#39;s Dine Together, G/ F,18-20 Man Tai Street, Whampao Estate Phase2, Hung Hom
• 飯聚電話:  
• 飯聚價錢: $50以下
• 分類: 港式, 湯品, 中菜館
• 座位: 未知
• 付款: 現金
• FB專頁: 飯聚 Facebook

更多飯聚相關資料:

• 飯聚分店
• Youtube
• Facebook
• Twitter
• Google